ຂປລ
ຂປລ. ກົມຕິດຕາມກວດກາຄ້າຍຄຸມຂັງ-ດັດສ້າງ ອົງການໄອຍະການປະຊາຊົນສູງສຸດ ຈັດກອງປະຊຸມພົບປະກັບປະຊາຊົນ ເພື່ອຕອບປະເດັນກ່ຽວກັບກົດໝາຍ ທີ່ພົວພັນກັບວຽກງານຕິດຕາມກວດ ກາຄ້າຍຄຸມຂັງ-ດັດສ້າງ ແລະ ການໃຫ້ອະໄພຍະໂທດ ໃນວັນທີ 10 ມິຖຸນາ 2025
ຂປລ. ກົມຕິດຕາມກວດກາຄ້າຍຄຸມຂັງ-ດັດສ້າງ ອົງການໄອຍະການປະຊາຊົນສູງສຸດ ຈັດກອງປະຊຸມພົບປະກັບປະຊາຊົນ ເພື່ອຕອບປະເດັນກ່ຽວກັບກົດໝາຍ ທີ່ພົວພັນກັບວຽກງານຕິດຕາມກວດ ກາຄ້າຍຄຸມຂັງ-ດັດສ້າງ ແລະ ການໃຫ້ອະໄພຍະໂທດ ໃນວັນທີ 10 ມິຖຸນາ 2025 ໂດຍການເປັນປະ ທານຂອງ ທ່ານ ບົວລີ ເພັດມີໄຊ ຄະນະບໍລິຫານງານພັກ, ຫົວໜ້າກົມຕິດຕາມກວດກາ ຄ້າຍຄຸມຂັງ-ດັດສ້າງ, ມີບັນດາຮອງຫົວໜ້າກົມ, ຄະນະພະແນກ, ພະນັກງານວິຊາການ ທີ່ກ່ຽວຂ້ອງ ແລະ ພໍ່ແມ່ປະຊາຊົນ ທີ່ເປັນເຈົ້າຂອງຄໍາຮ້ອງ ແລະ ຜູ້ຕ່າງໜ້າ ເຈົ້າຂອງຄໍາຮ້ອງ ເຂົ້າຮ່ວມ.
ການພົບປະກັບປະຊາຊົນໃນຄັ້ງນີ້, ໄດ້ນຳສະເໜີບັນຫາກ່ຽວກັບການຄ້ຳປະກັນ ເພື່ອປ່ອຍຕົວພາງ ຕາມເງື່ອນໄຂ ແລະ ແຕ່ລະກໍລະນີທີ່ກໍານົດໄວ້ໃນກົດໝາຍ, ການຈັດຕັ້ງປະຕິບັດໂທດ, ການຄິດ ໄລ່ໂທດທາງອາຍາ ແມ່ນພາກສ່ວນໃດປະຕິບັດຕົວຈິງ. ນອກນີ້, ຍັງມີການຍົກເຫດຍົກຜົນ ແລະ ຊີ້ແຈງໃນກໍລະນີມີການກັກຂັງເກີນ ໃຫ້ພໍ່ແມ່ ແລະ ຍາດຕິພີ່ນ້ອງຜູ້ຖືກຫາ ຊາບເຖິງວິທີແກ້ໄຂ ແລະ ເຂົ້າໃຈບັນຫາດັ່ງກ່າວ, ພ້ອມທັງຖອດຖອນບົດຮຽນ, ຟັງຄໍາຄິດເຫັນ ຈາກເຈົ້າຂອງຄໍາຮ້ອງ ແລະ ຜູ້ເຂົ້າຮ່ວມ ເຊິ່ງໄດ້ມີການແລກປ່ຽນຄໍາເຫັນ ຢ່າງກົງໄປກົງມາ ໂດຍອີງໃສ່ກົດໝາຍ ແລະ ລະບຽບການ ທີ່ກ່ຽວຂ້ອງ.
ທ່ານ ບົວລີ ເພັດມີໄຊ ໄດ້ໃຫ້ຮູ້ວ່າ: ການແຈ້ງຕອບ ແລະ ການພົບປະກັບປະຊາຊົນ ແມ່ນການ ເຄື່ອນໄຫວປະຕິບັດໜ້າທີ່ວຽກງານ ໃນລະບົບອົງການໄອຍະການປະຊາຊົນ ເພື່ອອໍານວຍຄວາມສະ ດວກ ແກ່ສັງຄົມຢ່າງໂປ່ງໃສ, ຍຸຕິທໍາ ແລະ ຮັບໃຊ້ປະຊາຊົນຢ່າງແທ້ຈິງ, ເຮັດໃຫ້ຜູ້ທີ່ມາພົວພັນວຽກງານກ່ຽວກັບຄະດີ ແລະ ຄໍາຮ້ອງ ເຂົ້າໃຈເຖິງຂັ້ນຕອນ ແລະ ກໍານົດເວລາການແກ້ໄຂຄະດີ ຂອງອົງການໄອຍະການປະຊາຊົນ ແລະ ເປັນການເພີ່ມທະວີຄວາມເຂັ້ມງວດ ໃຫ້ແກ່ພະນັກງານໄອຍະການປະຊາຊົນ ໃຫ້ປະຕິບັດໜ້າທີ່ຕາມກົດໝາຍ ແລະ ໃນຕໍ່ໜ້ານີ້, ພໍ່ແມ່ປະຊາຊົນ, ອົງການຈັດຕັ້ງລັດ, ສັງຄົມ, ນິຕິ ບຸກຄົນໃນທົ່ວສັງຄົມ ທີ່ມີຄວາມສົນໃຈ ໂດຍສະເພາະ ແມ່ນຂັ້ນຕອນການພິຈາລະນາແກ້ໄຂຄະດີ, ຄໍາຮ້ອງ ແລະ ບັນຫາອື່ນໆ ທີ່ກ່ຽວຂ້ອງກັບອົງການໄອຍະການປະຊາຊົນ ແມ່ນສາມາດຍື່ນຄໍາຮ້ອງ, ຄໍາສະເໜີຕໍ່ຫົວໜ້າອົງການ ໄອຍະການປະຊາຊົນສູງສຸດ ເພື່ອພົບປະ, ຄົ້ນຄວ້າພິຈາລະນາບັນຫາຕ່າງໆ ຕາມກົດໝາຍ ແລະ ລະບຽບການທີ່ກໍານົດໄວ້.
ຂ່າວ-ພາບ: ອອປສ
KPL
