ຂປລ
ສຳນັກງານພາສີ ແລະ ອາກອນທົ່ວໄປ ຂອງກຳປູເຈຍ ລາຍງານວ່າ: ກຳປູເຈຍ ສົ່ງອອກສິນຄ້າປະເພດ ແຜ່ນແພ, ເສື້ອຜ້າ, ເກີບ ແລະ ສິນຄ້າ ເພື່ອການເດີນທາງ ເພີ່ມຂຶ້ນ ໃນໄລຍະ 10 ເດືອນທຳອີດ (ເດືອນມັງກອນ-ເດືອນຕຸລາ) ຂອງປີ 2024.
ຂປລ.ສຳນັກຂ່າວຊິນຮວາຂອງສປຈີນ, ສຳນັກງານພາສີ ແລະ ອາກອນທົ່ວໄປ ຂອງກຳປູເຈຍ ລາຍງານວ່າ: ກຳປູເຈຍ ສົ່ງອອກສິນຄ້າປະເພດ ແຜ່ນແພ, ເສື້ອຜ້າ, ເກີບ ແລະ ສິນຄ້າ ເພື່ອການເດີນທາງ ເພີ່ມຂຶ້ນ ໃນໄລຍະ 10 ເດືອນທຳອີດ (ເດືອນມັງກອນ-ເດືອນຕຸລາ) ຂອງປີ 2024. ໂດຍສົ່ງອອກ ແຜ່ນແພ ມູນຄ່າ 406 ລ້ານໂດລາສະຫະລັດ ໃນໄລຍະເວລາດັ່ງກ່າວ ເພີ່ມຂຶ້ນ 14,5% ເມື່ອທຽບປີຕໍ່ປີ ແລະ ສົ່ງອອກເສື້ອຜ້າ 8 ຕື້ໂດລາສະຫະລັດ ໄປຍັງຕະຫລາດ ສາກົນ ເພີ່ມຂຶ້ນ 23,6%. ນອກນີ້ ການສົ່ງອອກເກີບ ກວມເອົາມູນຄ່າ 1,33 ຕື້ໂດລາ ສະຫະລັດ, ເພີ່ມຂຶ້ນ 22% ແລະ ຈຳໜ່າຍສິນຄ້າ ເພື່ອການເດີນທາງ ໄປຍັງ ຕະຫລາດສາກົນ 1,69 ຕື້ໂດລາສະຫະລັດ, ເພີ່ມຂຶ້ນ 20,6%.ໃນຂະນະທີ່ ພາກເສື້ອຜ້າ, ເກີບ ແລະ ສິນຄ້າ ເພື່ອການເດີນທາງ ຍັງຄົງເປັນໜຶ່ງ ໃນແຮງຂັບເຄື່ອນ ສຳຄັນສຳລັບ ການເຕີບໂຕ ທາງເສດຖະກິດຂອງ ກຳປູເຈຍ, ຊຶ່ງຄາດວ່າ ການເຕີບໂຕຂອງ ພາກສ່ວນດັ່ງກ່າວ ຈະຟື້ນຕົວຢ່າງຕໍ່ເນື່ອງ ໃນປີ 2024 ຊ່ວຍກະຕຸ້ນ ຄວາມຕ້ອງການ ສິນຄ້າ ອຸປະໂພກບໍລິໂພກ ຫລາຍຂຶ້ນໃນຕະຫລາດຊັ້ນສູງຫລັກ./.
KPL
