ຂປລ
ທ່ານຈອນອໍຟແມນຫົວໜ້າ ຂອງສະມາຄົມ ຈີເອສເອັມ (GSM Association) ຕົວແທນຜູ້ບໍລິຫານ ການເຄືອຂ່າຍ ໂທລະສັບເຄື່ອນທີ່ ທົ່ວໂລກເປີດເຜີຍວ່າ: ປັນຍາປະດິດຫລື ເອໄອ (AI) ຈະສ້າງລາຍໄດ້ໃຫ້ກັບ ພາກອຸດສາຫະກຳ ໂທລະຄົມມະນາຄົມ ຫລາຍເຖິງ 6,8 ແສນລ້ານໂດລາສະຫະລັດ ໃນອີກ 15-20 ປີຕໍ່ໜ້າ.
ຂປລ.ສຳນັກຂ່າວ ຊິນຮວາຂອງສປຈີນ, ທ່ານຈອນອໍຟແມນຫົວໜ້າ ຂອງສະມາຄົມ ຈີເອສເອັມ (GSM Association) ຕົວແທນຜູ້ບໍລິຫານ ການເຄືອຂ່າຍ ໂທລະສັບເຄື່ອນທີ່ ທົ່ວໂລກເປີດເຜີຍວ່າ: ປັນຍາປະດິດຫລື ເອໄອ (AI) ຈະສ້າງລາຍໄດ້ໃຫ້ກັບ ພາກອຸດສາຫະກຳ ໂທລະຄົມມະນາຄົມ ຫລາຍເຖິງ 6,8 ແສນລ້ານໂດລາສະຫະລັດ ໃນອີກ 15-20 ປີຕໍ່ໜ້າ.
ໂດຍທ່ານຈອນອໍຟແມນ ອ້າງລາຍງານຈາກ ແມດຄີນຊີ(McKinsey) ບໍລິສັດປຶກສາ ລາຍໃຫຍ່ລະດັບໂລກ ຂອງສ.ອາເມລິກາ ໄດ້ກ່າວສູນທອນພົດ ໃນລະຫວ່າງ ພິທີເປີດກອງປະຊຸມ ອິນເຕີເນັດໂລກ (WIC)ຫລື ກອງປະຊຸມ ສຸດຍອດ ອູເຈີ້ນ 2024 ຊຶ່ງພວມຈັດຂຶ້ນ ໃນແຂວງ ເຈີ້ຈຽງ ທາງຕາເວັນອອກຂອງ ສປຈີນ. ຊຶ່ງ ເອໄອກາຍເປັນພະລັງ ອະນຸພາບປ່ຽນໂສມໜ້າ ທຸລະກິດ ແລະສັງຄົມໃນລະດັບ ທີ່ບໍ່ເຄີຍມີມາກ່ອນ.
ໃນຂະນະທີ່ ກຸ່ມຜູ້ໃຫ້ບໍລິການ ໂທລະຄົມມະນາຄົມ ປະມານ 81% ທົ່ວໂລກພວມທົດລອງ ໂຊລູຊັນເອໄອ ເຊິ່ງສ້າງສັນ (Generative AI) ແລະຜູ້ໃຫ້ບໍລິການສັນຊາດ ສປຈີນ ຊຶ່ງຖືເປັນໜຶ່ງ ໃນກຸ່ມຜູ້ນຳ ຂອງສາຂານີ້ ດ້ວຍການລົງທຶນ ຂະໜາດໃຫຍ່, ການສະໜັບສະໜູນ ທີ່ເຂັ້ມແຂງ ຈາກລັດຖະບານ ແລະພູສັນຖານ ເຕັກໂນໂລຊີທີ່ຈະເລີນຮຸ່ງເຮືອງ./.
KPL
