ຂປລ
ນັບແຕ່ ເດືອນມັງກອນ ຫາເດືອນຕຸລາປີນີ້, ການລົງທຶນ ໂດຍກົງ ຂອງສປ ຈີນ ຕໍ່ຕ່າງປະເທດ ທີ່ບໍ່ແມ່ນປະເພດການເງິນ ໄດ້ບັນລຸ ມູນຄ່າ ຫລາຍກວ່າ 115 ຕື້ໂດລາ ສະຫະລັດ, ເພີ່ມຂຶ້ນ 10,6% ເມື່ອທຽບໃສ່ປີກາຍ.
ຂປລ.ວິທະຍຸ ສາກົນ ແຫ່ງ ສປ ຈີນ, ທ່ານ ນາງ ເຫີຢົງສຽນ ໂຄສົກກະຊວງ ການຄ້າຈີນ ໄດ້ແຈ້ງໃຫ້ຮູ້ ໃນກອງປະຊຸມ ຖະແຫລງຂ່າວ ທີ່ຈັດຂຶ້ນ ເມື່ອວັນທີ 21 ພະຈິກນີ້ວ່າ: ນັບແຕ່ ເດືອນມັງກອນ ຫາເດືອນຕຸລາປີນີ້, ການລົງທຶນ ໂດຍກົງ ຂອງສປ ຈີນ ຕໍ່ຕ່າງປະເທດ ທີ່ບໍ່ແມ່ນປະເພດການເງິນ ໄດ້ບັນລຸ ມູນຄ່າ ຫລາຍກວ່າ 115 ຕື້ໂດລາ ສະຫະລັດ, ເພີ່ມຂຶ້ນ 10,6% ເມື່ອທຽບໃສ່ປີກາຍ. ໃນນັ້ນ, ການລົງທຶນໂດຍກົງ ຂອງວິສາຫະກິດຈີນ ຕໍ່ປະເທດ ທີ່ຮ່ວມກັນສ້າງ “ໜຶ່ງແລວ ໜຶ່ງເສັ້ນທາງ” ທີ່ບໍ່ແມ່ນປະເພດ ການເງິນ ບັນລຸ ມູນຄ່າຫລາຍກວ່າເຖິງ 26 ຕື້ໂດລາສະຫະລັດ, ເພີ່ມຂຶ້ນ 3% ເມື່ອທຽບໃສ່ປີກາຍ.ນັບແຕ່ ເດືອນມັງກອນ ຫາເດືອນຕຸລາປີນີ້, ຍອດມູນຄ່າ ໂຄງການຮັບເໝົາ ກໍ່ສ້າງຢູ່ຕ່າງປະເທດ ຂອງ ສປ ຈີນ ໄດ້ບັນລຸເຖິງ 124 ຕື້ 380 ລ້ານໂດລາ, ເພີ່ມຂຶ້ນ 2% ເມື່ອທຽບໃສ່ ປີຜ່ານມາ; ຍອດມູນຄ່າ ສັນຍາຮັບເໝົາ ໂຄງການທີ່ລົງນາມໃໝ່ ບັນລຸຫລາຍກວ່າ 177 ຕື້ໂດລາສະຫະລັດ, ເພີ່ມຂຶ້ນ 15,3% ເມື່ອທຽບໃສ່ປີກາຍ. ໃນນັ້ນ, ຍອດມູນຄ່າ ໂຄງການຮັບເໝົາ ກໍ່ສ້າງຢູ່ປະເທດ ທີ່ຮ່ວມກັນສ້າງ “ໜຶ່ງແລວ ໜຶ່ງເສັ້ນທາງ” ຂອງວິສາຫະກິດຈີນ ບັນລຸຫລາຍກວ່າ 100 ຕື້ໂດລາສະຫະລັດ, ເພີ່ມຂຶ້ນ 0,8% ເມື່ອທຽບໃສ່ປີກາຍ. ຂະນະທີ່ ຍອດມູນຄ່າສັນຍາຮັບເໝົາໂຄງການ ທີ່ລົງນາມໃໝ່ ບັນລຸຫລາຍກວ່າ 148 ຕື້ໂດລາສະຫະລັດ, ເພີ່ມຂຶ້ນ 15,7% ເມື່ອທຽບໃສ່ປີກາຍ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
