ຂປລ
ກອງປະຊຸມ ຖະແຫລງຂ່າວ ເພື່ອເຜີຍແຜ່ ປຶ້ມປົກຟ້າ ຂອງກອງປະຊຸມໃຫຍ່ ອິນເຕີເນັດໂລກ 2024 ໄດ້ຈັດຂຶ້ນ ຢູ່ຕາແສງອູ່ເຈິ້ນ ແຂວງເຈີ້ຈ່ຽງຂອງ ສປ ຈີນ, ໂດຍໄດ້ເຜີຍແຜ່ ປຶ້ມປົກຟ້າ “ບົດລາຍງານ ວ່າດ້ວຍ ການພັດທະນາ ດ້ານອິນເຕີເນັດ ຂອງ ສປ ຈີນ 2024”
ຂປລ.ວິທະຍຸ ສາກົນ ແຫ່ງ ສປ ຈີນ, ວັນທີ 21 ພະຈິກນີ້, ກອງປະຊຸມ ຖະແຫລງຂ່າວ ເພື່ອເຜີຍແຜ່ ປຶ້ມປົກຟ້າ ຂອງກອງປະຊຸມໃຫຍ່ ອິນເຕີເນັດໂລກ 2024 ໄດ້ຈັດຂຶ້ນ ຢູ່ຕາແສງອູ່ເຈິ້ນ ແຂວງເຈີ້ຈ່ຽງຂອງ ສປ ຈີນ, ໂດຍໄດ້ເຜີຍແຜ່ ປຶ້ມປົກຟ້າ “ບົດລາຍງານ ວ່າດ້ວຍ ການພັດທະນາ ດ້ານອິນເຕີເນັດ ຂອງ ສປ ຈີນ 2024” ແລະ “ບົດລາຍງານວ່າ ດ້ວຍການພັດທະນາ ດ້ານອິນເຕີເນັດ ຂອງໂລກ 2024”.ອີງຕາມເນື້ອໃນຂອງປຶ້ມປົກຟ້າ “ບົດລາຍງານວ່າ ດ້ວຍການພັດທະນາ ດ້ານອິນເຕີເນັດຂອງ ສປ ຈີນ 2024” ລະບຸວ່າ: ການສ້າງພື້ນຖານ ໂຄງລ່າງ ດ້ານຂໍ້ມູນ ຂ່າວສານ ຂອງ ສປ ຈີນ ໄດ້ຮັບການເລັ່ງລັດ ແລະ ຍົກລະດັບຂຶ້ນ, ໂດຍມີ ບົດບາດ ຍຸດທະສາດ, ບົດບາດ ຂັ້ນພື້ນຖານ ແລະ ບົດບາດ ນໍາໜ້າ ຕໍ່ການພັດທະນາ ເສດຖະກິດ ສັງຄົມນັບມື້ ນັບພົ້ນເດັ່ນຂຶ້ນ. ນອກນີ້, ເນື້ອໃນປຶ້ມປົກຟ້າ ຍັງຊີ້ໃຫ້ເຫັນວ່າ: ການແລກປ່ຽນ ແລະ ການຮ່ວມມື ສາກົນ ດ້ານອິນເຕີເນັດ ຂອງ ສປ ຈີນ ໄດ້ຮັບການເພີ່ມທະວີ ຢ່າງບໍ່ຢຸດຢັ້ງ, ເຮັດໃຫ້ ການສ້າງປະຊາຄົມ ຮ່ວມຊາຕາກຳ ທາງອິນເຕີເນັດ ກ້າວເຂົ້າສູ່ ໄລຍະໃໝ່. ຂະນະທີ່ ການສ້າງສາ ປະເທດ ທີ່ເຂັ້ມແຂງ ດ້ານອິນເຕີເນັດ ແລະ ການສ້າງຈີນ ດີຈີຕອນ ໄດ້ຮັບການຊຸກຍູ້ ຢ່າງໝັ້ນທ່ຽງ, ເຮັດໃຫ້ປະຊາຊົນຈີນ ມີຄວາມຮູ້ສຶກ ໄດ້ຮັບຜົນປະໂຫຍດ, ມີຄວາມສຸກ ແລະ ມີຄວາມຮູ້ສຶກປອດໄພ ຫລາຍກວ່າເກົ່າ ຢ່າງຕໍ່ເນື່ອງ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
