ຂປລ
ທ່ານ ແອນໂທນີ ອັລບາເນຊີ ນາຍົກລັດຖະມົນຕີ ອົດສະຕຣາລີ ເປີດເຜີຍແຜນການ ໂລຫະສີຂຽວ ດ້ວຍມູນຄ່າ 1.200 ລ້ານໂດລາສະຫະລັດ, ໂດຍທາງການ ຈະມອບລາງວັນ ໃຫ້ແກ່ ໂຮງງານ ຫລອມອາລູມິນຽມ ທີ່ໃຊ້ພະລັງງານ ໄຟຟ້າໝູນວຽນ ແທນຖ່ານຫີນ.
ຂປລ. ສຳນັກຂ່າວ ເອເອຟພີ ລາຍງານ ຈາກເມືອງຊິດນີ ປະເທດ ອົດສະຕຣາລີ ເມື່ອວັນທີ 20 ມັງກອນວ່າ: ທ່ານ ແອນໂທນີ ອັລບາເນຊີ ນາຍົກລັດຖະມົນຕີ ອົດສະຕຣາລີ ເປີດເຜີຍແຜນການ ໂລຫະສີຂຽວ ດ້ວຍມູນຄ່າ 1.200 ລ້ານໂດລາສະຫະລັດ, ໂດຍທາງການ ຈະມອບລາງວັນ ໃຫ້ແກ່ ໂຮງງານ ຫລອມອາລູມິນຽມ ທີ່ໃຊ້ພະລັງງານ ໄຟຟ້າໝູນວຽນ ແທນຖ່ານຫີນ. ໃນຂະນະທີ່ ນັກວິເຄາະ ຫລາຍຄົນ ກ່າວວ່າ: ແຮ່ອະລູມິນຽມ ຖືກກັ່ນໃນໂຮງຫລອມ ຂະໜາດໃຫຍ່ ຊຶ່ງໃຊ້ ພະລັງງານໄຟຟ້າ ຂອງ ອົດສະຕຣາລີ ດ້ວຍ ອັດຕາສ່ວນເກືອບ 10% ແລະ ຖືເປັນ ຂະບວນການ ທີ່ເພິ່ງພາ ພະລັງງານ ຖ່ານຫີນ ມາຢ່າງຍາວນານ.
ການຜະລິດ ຖ່ານຫີນ ມູນຄ່າ 1.200 ລ້ານໂດລາສະຫະລັດ ຖືກຈັດສັນໄວ້ ສຳລັບບໍລິສັດ ທີ່ຜະລິດ ອະລູມິນຽມ ທີ່ເປັນມິດກັບ ສິ່ງແວດລ້ອມ ໂດຍໃຊ້ພະລັງງານໄຟຟ້າ ໝູນວຽນ. ໃນຂະນະທີ່ ບໍລິສັດ ຂະໜາດໃຫຍ່ ດ້ານບໍ່ແຮ່ ຂອງ ອົດສະຕຣາລີ ລະບຸວ່າ ແຜນການດັ່ງກ່າວ ຈະຊ່ວຍເຮັດໃຫ້ ປະເທດນີ້ ກາຍເປັນຜູ້ນໍາດ້ານ ໂລຫະສີຂຽວ ແລະ ຊ່ວຍສ້າງຫລັກປະກັນ ໃນອະນາຄົດໃຫ້ແກ່ ອຸດສາຫະກຳອີກດ້ວຍ. /
KPL
