ຂປລ
ອາການເຈັບທ້ອງບິດ ແມ່ນມີສາເຫດເກີດມາຈາກການທີ່ອາຫານໃນລໍາໄສ້ໃຫຍ່ບໍ່ໄດ້ຖ່າຍເທມາຫລາຍມື້ ຫລື ອີກສາເຫດໜຶ່ງ ແມ່ນເກີດມາຈາກຄວາມຕຶງຄຽດໃນການໃຊ້ຊີວິດປະຈຳວັນຂອງເຮົາເອງ.
*ອາການເຈັບທ້ອງບິດ ແມ່ນມີສາເຫດເກີດມາຈາກການທີ່ອາຫານໃນລໍາໄສ້ໃຫຍ່ບໍ່ໄດ້ຖ່າຍເທມາຫລາຍມື້ ຫລື ອີກສາເຫດໜຶ່ງ ແມ່ນເກີດມາຈາກຄວາມຕຶງຄຽດໃນການໃຊ້ຊີວິດປະຈຳວັນຂອງເຮົາເອງ. ດັ່ງນ້ັ້ນມື້ນີ້ ຄຳລຳສຶກສາຫາຄວາມຮູ້ຂໍແນະນຳວິທີງ່າຍກັບທ່ານຜູ້ອ່ານດັ່ງນີ້:
1, ງ່າຍໆພຽງແຕ່ດື່ມນໍ້າ 5 ຈອກແລ້ວຈະງາມ. ຫລັງຈາກຕື່ນນອນຕອນເຊົ້າຄວນດື່ມນໍ້າດື່ມທີ່ບໍ່ໄດ້ແຊ່ເຢັນຈັກ 5 ຈອກ, ການດື່ມນໍ້ານອກຈາກຈະຊ່ວຍແກ້ອາການເຈັບທ້ອງແລ້ວຍັງຊ່ວຍໃຫ້ລະບົບຮ່າງກາຍເຮັດວຽກໄດ້ດີຂຶ້ນ.
2, ຄວນກິນຜັກ ແລະ ໝາກໄມ້ສົດ. ການກິນຜັກ ແລະ ໝາກໄມ້ສົດ ຈະເຮັດໃຫ້ສຸຂະພາບດີ ເພາະວ່າກາກໄຍໃນຜັກ ແລະ ໝາກໄມ້ແມ່ນມີສ່ວນເຮັດໃຫ້ຖ່າຍຄ່ອງ ແລະ ອຸດົມໄປດ້ວຍແຮ່ທາດ.
3, ແກ່ນຜັກອີ່ຕູ່ຫລຸດນໍ້າໜັກໄດ້.ແກ່ນຜັກອີ່ຕູ່ມີຄຸນສົມບັດເປັນຢາລະບາຍ, ຊ່ວຍໃຫ້ຂັບຖ່າຍສະດວກ, ແຖມຍັງຊ່ວຍຫລຸດໄຂມັນໃນເສັ້ນເລືອດໄດ້ ແລະ ຫລຸດຄວາມສ່ຽງຕໍ່ການເປັນໂລກຫົວໃຈອີກດ້ວຍ.
4, ນົມສົ້ມ ແລະ ໝາກນາວຊ່ວຍໃຫ້ຂັບຖ່າຍສະດວກ. ເປັນອີກໜຶ່ງທາງເລືອກທີ່ໜ້າທົດລອງເພາະວ່າມີລົດຊາດແຊບຊ່ວຍຫລຸດອາການທ້ອງອືດ, ທ້ອງເຟີ້, ເຈັບທ້ອງ ຫລື ທ້ອງບິດໄດ້
5, ໝັ່ນດື່ມນໍ້າໝາກໄມ້ ແລະ ນໍ້າສະໝຸນໄພ.ການດື່ມນໍ້າໝາກໄມ້ ຫລື ນໍ້າສະໝຸນໄພຄວນດື່ມກ່ອນເຂົ້ານອນ ເພາະຈະຊ່ວຍລະບົບຂັບຖ່າຍໃນຕອນເຊົ້າເປັນໄປຢ່າງປົກກະຕິ, ຖ້າຈະໃຫ້ດີແມ່ນໃຫ້ດື່ມນໍ້າໝາກໄມ້ ຫລື ນໍ້າສະໝຸນໄພທີ່ທ່ານຕົ້ມເອງຈະເຮັດໃຫ້ທ່ານສາມາດຄວບຄຸມປະລິມານນໍ້າຕານໄດ້.
ໂດຍ: ລູກສາາ
ຂໍ້ມູນຈາກ: ວາລະສານເທວາ
KPL
