ຂປລ
ຂປລ. ສະພາປະຊາຊົນ ນະຄອນຫລວງວຽງຈັນ (ນວ) ກຽມເປີດກອງປະຊຸມສະໄໝວິສາມັນເທື່ອທີ 1 ຂອງສະພາປະຊາຊົນ ນະຄອນຫລວງວຽງຈັນ ຊຸດທີ II ໃນມໍ່ໆມານີ້ ເພື່ອພິຈາລະນາ ແລະ ຮັບຮອງເອົາການສະເໜີສ້າງຕັ້ງຕາແສງ ທົດລອງຢູ່ເມືອງໄຊທານີ ນະຄອນຫລວງວຽງຈັນ.
ຂປລ. ສະພາປະຊາຊົນ ນະຄອນຫລວງວຽງຈັນ (ນວ) ກຽມເປີດກອງປະຊຸມສະໄໝວິສາມັນເທື່ອທີ 1 ຂອງສະພາປະຊາຊົນ ນະຄອນຫລວງວຽງຈັນ ຊຸດທີ II ໃນມໍ່ໆມານີ້ ເພື່ອພິຈາລະນາ ແລະ ຮັບຮອງເອົາການສະເໜີສ້າງຕັ້ງຕາແສງ ທົດລອງຢູ່ເມືອງໄຊທານີ ນະຄອນຫລວງວຽງຈັນ.
ສະພາປະຊາຊົນ ນະຄອນຫລວງວຽງຈັນ ໄດ້ຖະແຫລງຂ່າວຕໍ່ສື່ມວນຊົນ ກ່ຽວກັບການດໍາເນີນ ກອງປະຊຸມສະໄໝວິສາມັນເທື່ອທີ 1 ຂອງສະພາປະຊາຊົນ ນະຄອນຫລວງວຽງຈັນ ຊຸດທີ II ໃນວັນທີ 19 ພຶດສະພາ 2025 ນີ້ວ່າ: ກອງປະຊຸມສະໄໝວິສາມັນເທື່ອທີ 1 ຂອງສະພາປະຊາຊົນ ນະຄອນ ຫລວງວຽງຈັນ ຊຸດທີ II ຈະໄດ້ດໍາເນີນໃນວັນທີ 22 ພຶດສະພາ 2025 ທີ່ຈະມາເຖິງນີ້, ເພື່ອພິຈາລະ ນາ ແລະ ຮັບຮອງເອົາການສະເໜີສ້າງຕັ້ງຕາແສງ (ທົດລອງ) ຢູ່ເມືອງໄຊທານີ ນະຄອນຫລວງວຽງຈັນ.
ໃນໂອກາດດຳເນີນກອງປະຊຸມດັ່ງກ່າວ, ເຊີນຊວນບັນດາອົງການຈັດຕັ້ງພັກ-ລັດ ອົງການຈັດຕັ້ງສັງຄົມທຸກພາກສ່ວນ, ພະນັກງານ, ທະຫານ, ຕໍາຫລວດ, ຕະຫລອດຮອດພໍ່ແມ່ປະຊາຊົນ ບັນດາເຜົ່າ ໂດຍສະເພາະ ໃນນະຄອນຫລວງວຽງຈັນ ຈົ່ງພ້ອມກັນຕິດຕາມຂ່າວສານ ການດໍາເນີນກອງປະຊຸມສະໄໝວິສາມັນ ເທື່ອທີ 1 ຄັ້ງນີ້, ຜ່ານໂທລະພາບ, ສື່ສິ່ງພິມຕ່າງໆ.
ໄລຍະດຳເນີນກອງປະຊຸມ ສະພາປະຊາຊົນນະຄອນຫລວງວຽງຈັນ ໄດ້ຈັດຕັ້ງໜ່ວຍງານ ເພື່ອຮັບເອົາຄຳຄິດຄຳເຫັນ ແລະ ຄຳສະເໜີໂດຍກົງຈາກປະຊາຊົນ ທີ່ຈະສົ່ງໄປຍັງກອງປະຊຸມ ຜ່ານທາງໂທ ລະສັບສາຍດ່ວນໝາຍເລກ 1156 ຫລື ໝາຍເລກໂທລະສັບ 021 260251, 021 260242 ເຊິ່ງເລີ່ມເປີດຮັບຄຳສະເໜີ ຄຳຄິດຄຳເຫັນຕໍ່ກອງປະຊຸມ ນັບແຕ່ມື້ນີ້ເປັນຕົ້ນໄປ.
ຂໍ້ມູນ-ພາບ: ໜັງສືພິມວຽງຈັນໃໝ່
KPL
