ຂປລ
ບໍລິສັດໂບອິ້ງ ມີແຜນທີ່ຈະ ປັບຫລຸດພະນັກງານ 2.199 ຕຳແໜ່ງ ໃນລັດວໍຊິງຕັນຂອງ ສ.ອາເມລິກາ ຊຶ່ງເປັນທີ່ຕັ້ງຂອງ ໂຮງງານເກົ່າແກ່ທີ່ສຸດ ຫລາຍແຫ່ງ ຂອງບໍລິສັດ. ໂດຍບໍລິສັດໂບອິ້ງ ຄາດວ່າ ຈະເລີ່ມປັບຫລຸດ ພະນັກງານ ຢ່າງຖາວອນ ຕັ້ງແຕ່ ວັນທີ 20 ທັນວານີ້.
ຂປລ.ສຳນັກຂ່າວ ເອເອຟພີ, ເມື່ອບໍ່ດົນມານີ້, ບໍລິສັດໂບອິ້ງ ມີແຜນທີ່ຈະ ປັບຫລຸດພະນັກງານ 2.199 ຕຳແໜ່ງ ໃນລັດວໍຊິງຕັນຂອງ ສ.ອາເມລິກາ ຊຶ່ງເປັນທີ່ຕັ້ງຂອງ ໂຮງງານເກົ່າແກ່ທີ່ສຸດ ຫລາຍແຫ່ງ ຂອງບໍລິສັດ. ໂດຍບໍລິສັດໂບອິ້ງ ຄາດວ່າ ຈະເລີ່ມປັບຫລຸດ ພະນັກງານ ຢ່າງຖາວອນ ຕັ້ງແຕ່ ວັນທີ 20 ທັນວານີ້.
ບໍລິສັດໂບອິ້ງ ມີພະນັກງານປະມານ 170.000 ຄົນ ເມື່ອທ້າຍປີກາຍ , ໂດຍຈຳນວນນີ້ ເກືອບ 67.000ຄົນ ເຮັດວຽກຢູ່ໃນລັດ ວໍຊິງຕັນ ຊຶ່ງເປັນສະຖານທີ່ ກໍ່ຕັ້ງບໍລິສັດ ແລະ ເປັນທີ່ຕັ້ງຂອງໂຮງງານ ຜະລິດເຮືອບິນລຸ້ນ 737 ຊຶ່ງເປັນລຸ້ນຂາຍດີທີ່ສຸດ ລວມເຖິງລຸ້ນ 777; ລຸ້ນ 767 ແລະ ເຮືອນບິນທະຫານ ອີກຫລາຍລຸ້ນ.
ໃນຂະນະທີ່ ບໍລິສັດພວມປັບລະດັບພະນັກງານ ເພື່ອໃຫ້ສອດຄອງກັບ ສະຖານະການ ທາງການເງິນ ແລະ ລຳດັບຄວາມສຳຄັນ ທີ່ເນັ້ນໜັກຫລາຍຂຶ້ນ, ໂດຍພະນັກງານ ສ່ວນໃຫຍ່ ທີ່ໄດ້ຮັບໜັງສືແຈ້ງການ ປັບຫລຸດໃນອາທິດນີ້ ຈະລາອອກຈາກບໍລິສັດ ໃນກາງເດືອນ ມັງກອນປີ 2025, ຊຶ່ງພວກເຂົາຍັງຄົງໄດ້ ຮັບສິດທິປະໂຫຍດຕ່າງໆ ແລະ ປະກັນສຸຂະພາບ ຕໍ່ໄປອີກ 3 ເດືອນ./.
KPL
