ຂປລ.ວິທະຍຸ ກະຈາຍສຽງ ຫວຽດນາມ, ອາຟລິກາ ໃຕ້ ຈະຮັບ ດຳລົງ ຕຳແໜ່ງ ເປັນປະທານ  ຈີ20 ໃນປີໜ້າ. ນີ້ເປັນຄັ້ງທຳອິດ ປະເທດໜຶ່ງຢູ່ ອາຟຣິກາ ຮັບບົດບາດນີ້ ຫລັງຈາກ ທ່ານ ຊີຣີ ຣາມາໂພສາ(Cyril Ramaphosa)ປະທານາທິບໍດີ ອາຟຣິກາໃຕ້ ເຂົ້າຮ່ວມ ພິທີມອບ-ຮັບ ໜ້າທີ່ ເປັນປະທານຄັ້ງນີ້ ແລະ ໄດ້ກ່າວ ຢັ້ງຢືນ ຈະຍາດແຍ່ງ ກາລະໂອກາດນີ້ ເພື່ອນຳ ບັນດາ ການໃຫ້ ບຸລິມະສິດ ພັດທະນາຂອງ ອາຟຣິກາ ແລະ ຊີກໂລກໃຕ້ ເຂົ້າໃນ ໂຄງການ ດຳເນີນງານ. ໃນຄຳກ່າວ ປາໄສ ຢູ່ວາລະປະຊຸມ ສຸດທ້າຍ ຂອງກອງປະຊຸມ ສຸດຍອດ  ຈີ20 ຢູ່ ບຣາຊິນ ທ່ານ ລູລາ ດາ ຊີວາ(Lula da Silva) ປະທານາທິບໍດີ ບຣາຊີນ ຢືນຢັນວ່າ: ບຣາຊິນ ໄດ້ມານະ ພະຍາຍາມ ສຳເລັດ ບົດບາດປະທານ ຈີ 20 ດ້ວຍບັນດາ ໝາກຜົນ ລະອຽດ ໃນນັ້ນ ມີເລື່ອງສ້າງຕັ້ງ ສຳພັນ ທະມິດ ທົ່ວໂລກ ກ່ຽວກັບ ການຕ້ານໄພ ອຶດຫິວ ທຸກຍາກ ແລະ ເປັນຄັ້ງທຳອິດ ມີຂໍ້ລິເລີ່ມ ພິຈາລະນາ ການຈັດວາງ ການເສຍອາກອນ ສຳລັບ ຜູ້ຮັ່ງມີ. ພ້ອມທັງກ່າວ ເນັ້ນໜັກວ່າ ບຣາຊິນ ໄດ້ນຳບັນຫາ ການປ່ຽນແປງ ຂອງດິນຟ້າອາກາດ ເຂົ້າໃນໂຄງການ ດຳເນີນງານ ດ້ວຍຄຳໝັ້ນ ສັນຍາ ເພີ່ມຂຶ້ນທົບ ສາມເທົ່າ ກຳລັງ ການຜະລິດ ພະລັງງານ ທົດແທນ ທົ່ວໂລກໃນປີ 2030 ແລະ ໃຫ້ສັດຕະຍາ ບັນເອກະສານ ຫລາຍຝ່າຍ ສະບັບທຳອິດ ກ່ຽວກັບ ເສດຖະກິດ ຊີວະສາດ./.

(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ

KPL