ຂປລ
ກອງປະຊຸມ ນະຄອນ ອັດສະລິຍະ ຫວຽດນາມ-ອາຊີ 2024 ດ້ວຍຫົວຂໍ້ “ເຂດຕົວເມືອ ງອັດສະລິຍະ - ເສດຖະກິດ ດີຈີຕອນ - ການພັດທະນາ ແບບຍືນຍົງ”ຢູ່ ສສ ຫວຽດນາມ ເມື່ອບໍ່ດົນມານີ້
ຂປລ.ວິທະຍຸ ກະຈາຍສຽງ ຫວຽດນາມ, ກອງປະຊຸມ ນະຄອນ ອັດສະລິຍະ ຫວຽດນາມ-ອາຊີ 2024 ດ້ວຍຫົວຂໍ້ “ເຂດຕົວເມືອ ງອັດສະລິຍະ - ເສດຖະກິດ ດີຈີຕອນ - ການພັດທະນາ ແບບຍືນຍົງ”ຢູ່ ສສ ຫວຽດນາມ ເມື່ອບໍ່ດົນມານີ້. ກອງປະຊຸມຄັ້ງນີ້ ເພື່ອມຸ່ງໄປເຖິງເລື່ອງຍົກອອກບັນດາມາດຕະການເຕັກໂນໂລຊີ ແລະ ຍຸດທະສາດ ຊ່ວຍບັນດານະຄອນຫັນພື້ນຖານໂຄງລ່າງ ເປັນທັນສະໄໝ, ພັດທະນາ ບັນດາການບໍລິການ ອັດສະລິຍະ ແລະ ຍືນຍົງ ໃຫ້ແກ່ ພົນລະເມືອງ; ໄດ້ກຳນົດວ່າ ຈະແມ່ນສະຖານທີ່ພົບປະ ປະຈຳ ປີທີ່ມີອິດທິພົນ ຊື່ສຽງຂອງບັນດານັກຊ່ຽວຊານ ກ່ຽວກັບ ນະຄອນອັດສະລິຍະຢູ່ພາກພື້ນ ແລະ ໃນໂລກ. ຈາກນັ້ນ ທ່ານ ຮ່າມິງຫາຍ, ຮອງປະທານ ຄະນະກຳມະການ ປະຊາຊົນ ນະຄອນ ຮ່າໂນ້ຍ, ໃຫ້ຮູ້ວ່າ:“ດ້ວຍຈິດໃຈ “ການກະທຳ ເພື່ອອະນາຄົດສີຂຽວ ແລະ ການພັດທະນາແບບຍືນຍົງ, ເພື່ອນມະນຸດ ໃນລະບົບຊີວະພາບ”, ກອງປະຊຸມ ນະຄອນອັດສະລິຍະ ຫວຽດນາມ - ອາຊີ 2024 ປະກອບສ່ວນ ສຳຄັນ ເຂົ້າໃນການຊຸກຍູ້ ການພັດທະນາ ຢ່າງກະໂດດຂັ້ນຂອງລັດຖະບານດີຈີຕອນ, ເສດຖະກິດ ດີຈີຕອນ ແລະ ສັງຄົມດີຈີຕອນ, ພ້ອມທັງ ນຳມາ ເຊິ່ງຫລາຍຄຸນຄ່າ ທີ່ແທດຈິງ, ບໍ່ພຽງແຕ່ ໃຫ້ແກ່ ຮ່າໂນ້ຍ ເທົ່ານັ້ນ, ຫາກຂອງທັງພາກພື້ນ ອີກດ້ວຍ”.ຕາມການສະຖິຕິຊີ້ໃຫ້ເຫັນວ່າ, ມາຮອດ ປັດຈຸບັນ, 48/63 ແຂວງ, ນະຄອນຢູ່ ຫວຽດນາມ ໄດ້ຜັນຂະຫຍາຍ ບັນດາແຜນຮ່າງ ກ່ຽວກັບ ເຂດຕົວເມືອງອັດສະລິຍະ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
