ຂປລ
ຂປລ. ກົມສື່ມວນຊົນ ກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ (ຖວທ) ຮ່ວມກັບ ວິທະຍຸໂທລະພາບສູນກາງຈີນ (CMG) ຈັດກອງປະຊຸມພົບປະນັກວິເຄາະຂ່າວ ລາວ-ຈີນ ຂຶ້ນໃນວັນທີ 3 ທັນວາ 2024 ໂດຍເປັນກຽດເຂົ້າຮ່ວມຂອງ ທ່ານ ໂພສີ ແກ້ວມະນີວົງ ຮອງລັດຖະມົນຕີກະຊວງ ຖວທ, ມີ ທ່ານ ນາງ ແສງແກ້ວ ຫົວໜ້າວິທະຍຸູໂທລະພາບສູນກາງຈີນ ປະຈໍາ ສປປ ລາວ, ທ່ານ ສົມສະຫວາດ ພົງສາ ຫົວໜ້າກົມສື່ມວນຊົນ, ມີບັນດາຫົວໜ້າກົມ, ອົງການສື່, ຫົວໜ້າບັນນາທິ ການຂ່າວ ແລະ ບັນດາສື່ມວນຊົນເຂົ້າຮ່ວມ.
ຂປລ. ກົມສື່ມວນຊົນ ກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ (ຖວທ) ຮ່ວມກັບ ວິທະຍຸໂທລະພາບສູນກາງຈີນ (CMG) ຈັດກອງປະຊຸມພົບປະນັກວິເຄາະຂ່າວ ລາວ-ຈີນ ຂຶ້ນໃນວັນທີ 3 ທັນວາ 2024 ໂດຍເປັນກຽດເຂົ້າຮ່ວມຂອງ ທ່ານ ໂພສີ ແກ້ວມະນີວົງ ຮອງລັດຖະມົນຕີກະຊວງ ຖວທ, ມີ ທ່ານ ນາງ ແສງແກ້ວ ຫົວໜ້າວິທະຍຸູໂທລະພາບສູນກາງຈີນ ປະຈໍາ ສປປ ລາວ, ທ່ານ ສົມສະຫວາດ ພົງສາ ຫົວໜ້າກົມສື່ມວນຊົນ, ມີບັນດາຫົວໜ້າກົມ, ອົງການສື່, ຫົວໜ້າບັນນາທິ ການຂ່າວ ແລະ ບັນດາສື່ມວນຊົນເຂົ້າຮ່ວມ.
ທ່ານ ສົມສະຫວາດ ພົງສາ ໄດ້ໃຫ້ຮູ້ວ່າ: ກອງປະຊຸມໃນຄັ້ງນີ້, ຈັດຂຶ້ນເພື່ອນໍາສະເໜີກິດຈະກຳ ການຮ່ວມມືລະຫວ່າງ ສື່ມວນຊົນລາວ ແລະ ສື່ມວນຊົນຂອງກັບ ວິທະຍຸໂທລະພາບສູນກາງຈີນ ໂດຍເນັ້ນໃສ່ການເຮັດບົດຂ່າວ ການວິເຄາະກ່ຽວກັບ 3 ຫົວຂໍ້ຄື: ຄູ່ຮ່ວມຊະຕາກໍາລາວ-ຈີນ, ໜຶ່ງແລວໜຶ່ງເສັ້ນທາງ, ຂໍ້ລິເລີ່ມການພັດທະນາ ໃນທົ່ວໂລກ. ພ້ອມນັ້ນ, ຜູ້ເຂົ້າຮ່ວມໄດ້ຮັບຮູ້ຫລັກການ ແລະ ວິທີການເຮັດບົດວິເຄາະ ເພື່ອຂຽນສົ່ງແຂ່ງຂັນໃນໂຄງການຮ່ວມມື ແລະ ແລກປ່ຽນຂໍ້ມູນຂ່າວສານ ລະ ຫວ່າງສອງປະເທດ ລາວ-ຈີນ ເຊິ່ງການແຂ່ງຂັນຄັ້ງນີ້, ສື່ມວນຊົນທັງສອງປະເທດສາມາດ ສົ່ງບົດວິເຄາະຂອງຕົນເຂົ້າທາງອີເມວ ທີ່ທາງຄະນະກໍາມະການໄດ້ກໍານົດໄວ້ ຫລັງຈາກນັ້ນຄະນະກຳມະການຈະຄັດເລືອກເອົາ ບົດວິເຄາະຕາມທີ່ໄດ້ກໍານົດຕາມເງື່ອນໄຂ. ການແຂ່ງຂັນດັ່ງກ່າວ ຈະຈັດຂຶ້ນໃນໄວໆນີ້.
ຂ່າວ: ສົມຫວັງ
ພາບ: ຂັນໄຊ
KPL
