ປະເທດ ແອັດສະປາຍ

20/03/2025 12:40

Email Print 1926

ຂປລ ປະເທດ ແອັດສະປາຍ(Spain) ຫລື ຊື່ທາງການຄື ລາຊະອານາຈັກ ແອັດສະປາຍ(Kingdom of Spain), ນະຄອນຫລວງ ຊື່ວ່າ ມາດຣິດ (Madrid). ແອັດສະປາຍ ເປັນປະເທດໜຶ່ງ ຕັ້ງຢູ່ທິດຕາເວັນຕົກສ່ຽງໃຕ້ ຂອງທະວີບ ເອີຣົບ, ຢູ່ເທິງແຫລມມະຫາສະໝຸດ ໄອບີເຣຍ ຮ່ວມກັບ ປອກຕຸຍການ ແລະ ອັງໂດຣາ, ມີຊາຍແດນ ຕິດກັບ ຝຣັ່ງ ທາງທິດຕາເວັນອອກ ສ່ຽງເໜືອລຽບຕາມພູ ພິເຣນີສ.

ປະເທດ ແອັດສະປາຍ(Spain) ຫລື ຊື່ທາງການຄື ລາຊະອານາຈັກ ແອັດສະປາຍ(Kingdom of Spain), ນະຄອນຫລວງ ຊື່ວ່າ ມາດຣິດ (Madrid). ແອັດສະປາຍ ເປັນປະເທດໜຶ່ງ ຕັ້ງຢູ່ທິດຕາເວັນຕົກສ່ຽງໃຕ້ ຂອງທະວີບ ເອີຣົບ, ຢູ່ເທິງແຫລມມະຫາສະໝຸດ ໄອບີເຣຍ ຮ່ວມກັບ ປອກຕຸຍການ ແລະ ອັງໂດຣາ, ມີຊາຍແດນ ຕິດກັບ ຝຣັ່ງ ທາງທິດຕາເວັນອອກ ສ່ຽງເໜືອລຽບຕາມພູ ພິເຣນີສ. ໂດຍກວມເອົາເນື້ອທີ່ 504.750 ກິໂລຕາແມັດ; ມີປະຊາກອນ 48,08 ລ້ານຄົນ(ໃນປີ 2023), ໃຊ້ພາສາ ແອັດສະປາຍ ເປັນພາສາທາງການ ແລະ ພາສາທ້ອງຖິ່ນອື່ນໆ, ປະຊາຊົນ ສ່ວນໃຫຍ່ ຖືສາສະໜາໂຣມັນກາໂຕລິກ 94% ແລະ ອື່ນໆອີກ 6% , ໃຊ້ສະກຸນເງິນ ເອີໂຣ, ວັນຊາດ ແມ່ນວັນທີ 12.10.1492. ປະເທດແອັດສະປາຍ ແລະ ປະເທດສປປລາວ ໄດ້ສ້າງຕັ້ງ ສາຍພົວພັນ ທາງການທູດຮ່ວມກັນ ໃນວັນທີ 20.03.1964. ຫລັງຈາກນັ້ນ ສອງປະເທດໄດ້ຮ່ວມມືກັນ ພັດທະນາເສີມສ້າງ ສາຍພົວພັນ ໃຫ້ນັບມື້ຂະຫຍາຍຕົວຂຶ້ນ ຢ່າງບໍ່ຢຸດຢັ້ງ.

ແອັດສະປາຍ ມີຄວາມສຳພັນຢ່າງໃກ້ຊິດເປັນພິເສດ ແລະ ມີບົດບາດທາງເສດຖະກິດ ທີ່ ສຳຄັນໃນພາກພື້ນ ອາເມລິກາລາຕິນ, ເນື່ອງຈາກ ມີຄວາມໃກ້ຊິດ ດ້ານປະຫວັດສາດ, ພາສາ ແລະ ວັດທະນະທໍາຮ່ວມກັນ, ມີຄວາມຊ່ຽວຊານ ດ້ານການພັດທະນາ ພື້ນຖານໂຄງລ່າງ, ອຸດສາຫະກຳ ປ້ອງກັນປະເທດ ລວມເຖິງ ພະລັງງານທົດແທນ ໂດຍສະເພາະ ພະລັງງານລົມ, ສ່ວນຂະແໜງການ ທ່ອງທ່ຽວ ເປັນແຫລ່ງລາຍຮັບ ສຳຄັນຂອງປະເທດ ກວມເອົາອັດຕາສ່ວນ 12% ຂອງ ລວມຍອດ ຜະລິດຕະພັນພາຍໃນ(ຈີດີພີ) ຂອງປະເທດ, ແອັດສະປາຍ ຕ້ອນຮັບນັກທ່ອງທ່ຽວ ເປັນອັນດັບ 2 ຂອງໂລກ ແລະ ອື່ນໆ ເຮັດໃຫ້ລວມຍອດຜະລິດຕະພັນພາຍໃນປະເທດ(GDP) ບັນລຸ1,62 ພັນຕື້ໂດລາສະຫະລັດ(ໃນປີ 2023), ສະເລ່ຍຕໍ່ຫົວຄົນ 33,509 ກວ່າໂດລາສະຫະລັດຕໍ່ປີ, ສ່ວນອັດຕາການຈະເລີນເຕີບໂຕ ຂອງເສດຖະກິດ 2,7% ຕໍ່ປີ. ໂດຍມູນຄ່າການສົ່ງອອກສິນຄ້າ: 383.688 ກວ່າລ້ານເອີໂຣຕໍ່ປີ; ສິນຄ້າທີ່ສົ່ງອອກ ທີ່ສຳຄັນລວມມີ: ອາຫານ, ເຄື່ອງດື່ມ, ຢາສູບ, ຜະລິດຕະພັນເຄມີ ແລະ ປະເພດຍານພາຫະນະ. ມູນຄ່າການນໍາເຂົ້າແມ່ນ 424.248 ກວ່າລ້ານເອີໂຣ; ສິນຄ້າທີ່ນໍາເຂົ້າ: ສິນຄ້າທຶນ, ຜະລິດຕະພັນເຄມີ, ສິນຄ້າອຸປະໂພກ ບໍລິໂພກ, ອາຫານ, ເຄື່ອງດື່ມ ແລະ ຢາສູບ. ສ່ວນຄູ່ການຄ້າທີ່ສຳຄັນ ໄດ້ແກ່: ສະຫະພາບເອີຣົບ, ສ່ວນໃຫຍ່ແມ່ນ ຝຣັ່ງ, ເຢຍລະມັນອັງກິດ, ສ.ອາເມລິກາ, ມາຣກົ ແລະ ສປຈີນ.

ນອກນີ້ ແອັດສະປາຍ ຍັງມີສະຖານທີ່ທ່ອງທ່ຽວ ເກົ່າແກ່ດ້ານປະຫວັດສາດ ຢູ່ທົ່ວປະເທດຄື: ວັດທະນະທຳ ແລະ ເອກະລັກສະເພາະ, ການແຂ່ງງົວກະທິງ, ອາຫານ ແລະ ທີມເຕາະບານທີ່ມີຊື່ສຽງ ເຮັດໃຫ້ປະເທດນີ້ເປັນຈຸດ ໝາຍປາຍທາງຍອດນິຍົມ ຂອງນັກທ່ອງທ່ຽວຈາກທົ່ວມູນໂລກ./.

ໂດຍ: ດາວັນ

KPL

ອາຊຽນ ASEAN
ສປປ ລາວ ຮ່ວມສະເຫລີມສະຫລອງ ວັນສັງຄົມສົງເຄາະອາຊຽນ
3/27/2025 5:01:34 PM
ຂປລ. ສປປ ລາວ ໄດ້ຮ່ວມກັບບັນດາປະເທດສະມາຊິກອາຊຽນ ສະເຫລີມສະຫລອງວັນສັງຄົມສົງເຄາະອາຊຽນ (15 ມີນາ) ເພື່ອຍົກສູງບົດບາດອັນສໍາຄັນ ຂອງນັກສັງຄົມສົງເຄາະ ແລະ ບຸກຄະລາກອນສັງຄົມສົງເຄາະ ໃນການຫລຸດຜ່ອນຄວາມສ່ຽງ ຈາກໄພພິບັດ ແລະ ການສ້າງຄວາມທົນທານຕໍ່ ການປ່ຽນແປງສະພາບ ດິນຟ້າອາກາດ ໃນວັນທີ 25 ມີນາ 2025 ທີ່ນະຄອນຫລວງວຽງຈັນ ໂດຍມີພະນັກງານຈາກພາກລັດ, ສະຖາບັນການສຶກສາ, ຄູ່ຮ່ວມພັດທະນາ ແລະ ນັກສຶກສາທີ່ໜຸ່ມນ້ອຍ ຈາກພາກວິຊາສັງຄົມສົງເຄາະ ແລະ ການພັດທະນາ ຄະນະວິທະຍາສາດສັງຄົມ ເຂົ້າຮ່ວມ.
ອາຊຽນ ASEAN
ປະເທດ ບັງກລາເທດ
3/24/2025 6:23:08 PM
ເນື່ອງໃນໂອກາດ ວັນຊາດຂອງປະເທດ ບັງກລາເທດ(Bangladesh) ຫລື ຊື່ທາງການຄື ສາທາລະນະລັດປະຊາຊົນ ບັງກລາເທດ (People’s Republic Of Bangladesh) ໃນວັນທີ 24 ມີນາ, ຊຶ່ງເປັນ ປະເທດ ໃນອາຊີໃຕ້, ມີຊາຍແດນທິດເໜືອ, ທິດຕາເວັນຕົກ ແລະ ທິດຕາເວັນອອກ ຕິດກັບ ອິນເດຍ ສ່ວນທິດໃຕ້ຕິດກັບ ອ່າວເບງກອນ ແລະ ຕາເວັນອອກສ່ຽງໃຕ້ ຕິດກັບ ມຽນມາ.
ອາຊຽນ ASEAN
ຫາລືການນຳໃຊ້ປັນຍາປະດິດ ເຂົ້າໃນວຽກງານລັດທະສະພາ
3/12/2025 2:45:54 PM
ຂປລ. ກອງປະຊຸມກໍາມາທິການວຽກງານສະມາຊິກລັດຖະສະພາ ຂອງສະມັດຊາລັດຖະສະພາ ຝຣັ່ງໂກໂຟນີ (APF) ຈັດຂຶ້ຍລະຫວ່າງວັນທີ 12-14 ມີນາ 2025 ຢູ່ນະຄອນຫລວງວຽງຈັນ ພາຍໃຕ້ການເປັນປະທານຮ່ວມ ລະຫວ່າງ ສະພາແຫ່ງຊາດ ແຫ່ງ ສປປ ລາວ ແລະ ສະມັດຊາລັດຖະສະພາ ຝຣັ່ງໂກໂຟນີ (APF) ເຊິ່ງມີຄະນະຜູ້ແທນລັດຖະສະພາ 11 ປະເທດ ແລະ ເຂດແຄວ້ນ, ກອງເລຂາ APF ແລະ ສູນລັດຖະສະພາອາຊີ (PCAsia) ເຂົ້າຮ່ວມ.
ອາຊຽນ ASEAN
ບຣູໄນ ເລີ່ມຍົກເວັ້ນວີຊາຕໍ່ພົນລະເມືອງຈີນ
3/8/2025 10:48:45 PM
ນັບແຕ່ ວັນທີ 8 ມີນານີ້ ເປັນຕົ້ນໄປ, ລັດຖະບານ ບຣູໄນ ຈະເລີ່ມດໍາເນີນ ນະໂຍບາຍ ການເຂົ້າເມືອງ ໂດຍຍົກເວັ້ນວີຊາ ສໍາລັບ ພົນລະເມືອງຈີນ ທີ່ມີໜັງສື ຜ່ານແດນ ທໍາມະດາ ຢ່າງເປັນທາງການ.
ອາຊຽນ ASEAN
ປະເທດ ຍີ່ປຸ່ນ
3/4/2025 1:26:04 PM
ມີນະຄອນຫລວງຊື່ວ່າ: ໂຕກຽວ(Tokyo)ແລະ ປະເທດ ສປປລາວໄດ້ສ້າງຕັ້ງສາຍພົວພັນທາງການທູດ ຮ່ວມກັນ ນັບແຕ່ວັນທີ 5.3.1955 ເປັນຕົ້ນມາ ຈາກນັ້ນ ທັງສອງປະເທດ ໄດ້ຮ່ວມກັນພັດທະນາ ເສີມສ້າງສາຍພົວພັນ ການຮ່ວມມືໃຫ້ນັບມື້ ແໜ້ນແຟ້ນຂຶ້ນ.