ຂປລ
ເກີດເຫດໄຟໄໝ້ ຢູ່ເຮືອບິນ ໂດຍສານ ໂບອີງ 737 ລໍາໜຶ່ງ ຂອງບໍລິສັດການບິນ United Airlines ຂອງ ສ. ອາເມລິກາ, ເຮືອບິນດັ່ງກ່າວ ໄດ້ລົງຈອດຢູ່ ສະໜາມບິນສາກົນ ດຸເລສວໍຊິງຕັນຂອງ ສ.ອາເມລິກາ ຢ່າງປອດໄພ ໃນເວລາປະມານ 16 ໂມງ 45 ນາທີຂອງວັນທີ 3ເມສານີ້.
ຂປລ.ວິທະຍຸ ສາກົນ ແຫ່ງ ສປ ຈີນ, ອົງການຄຸ້ມຄອງ ການບິນ ອາເມລິກາ ຫລື FAA ໄດ້ແຈ້ງໃຫ້ຮູ້ວ່າ: ເກີດເຫດໄຟໄໝ້ ຢູ່ເຮືອບິນ ໂດຍສານ ໂບອີງ 737 ລໍາໜຶ່ງ ຂອງບໍລິສັດການບິນ United Airlines ຂອງ ສ. ອາເມລິກາ, ເຮືອບິນດັ່ງກ່າວ ໄດ້ລົງຈອດຢູ່ ສະໜາມບິນສາກົນ ດຸເລສວໍຊິງຕັນຂອງ ສ.ອາເມລິກາ ຢ່າງປອດໄພ ໃນເວລາປະມານ 16 ໂມງ 45 ນາທີຂອງວັນທີ 3ເມສານີ້. FAA ແຈ້ງໃຫ້ຮູ້ຕື່ມວ່າ: ຈະດໍາເນີນການສືບສວນ ຕໍ່ເຫດການຄັ້ງນີ້. ຂະນະທີ່ ພະນັກງານ ຈຸບິນໄດ້ລາຍງານສະພາບການເກີດເຫດໄຟໄໝ້ ຢູ່ເຮືອບິນຄັ້ງນີ້ ແມ່ນໃນເວລາປະຕິບັດງານ ຢູ່ເທິງອາກາດ.ນັບແຕ່ ຕົ້ນປີນີ້ມາ, ໄດ້ເກີດອຸບັດເຫດ ທີ່ກ່ຽວຂ້ອງກັບ ເຮືອບິນຫລາຍຄັ້ງ ຢ່າງຕໍ່ເນື່ອງຢູ່ ສ.ອາເມລິກາ ເຮັດໃຫ້ມີ ຜູ້ເສຍຊີວິດ, ບາດເຈັບ ແລະ ຜົນເສຍຫາຍ ດ້ານຕ່າງໆ ຢ່າງຕໍ່ເນື່ອງ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
