ຂປລ
ປະເທດ ສະມາຊິກ ສະຫະພາບ ເອີຣົບ ລົງຄະແນນສຽງ ຕໍ່ມາດຕະການ ຕອບໂຕ້ ສ.ອາເມລິກາ ທີ່ຂຶ້ນພາສີ 25% ຕໍ່ຜະລິດຕະພັນ ເຫລັກກ້າ ແລະ ອາລູມີນຽມ ຂອງເອີຣົບ ເລີ່ມປະຕິບັດ ໃນວັນທີ 9 ເມສານີ້.
ຂປລ.ວິທະຍຸ ສາກົນ ແຫ່ງ ສປ ຈີນ, ເຈົ້າໜ້າທີ່ ອາວຸໂສ ຂອງສະຫະພາບ ເອີຣົບ ໄດ້ແຈ້ງໃຫ້ຮູ້ ໃນວັນທີ 3 ເມສານີ້ວ່າ: ປະເທດ ສະມາຊິກ ສະຫະພາບ ເອີຣົບ ລົງຄະແນນສຽງ ຕໍ່ມາດຕະການ ຕອບໂຕ້ ສ.ອາເມລິກາ ທີ່ຂຶ້ນພາສີ 25% ຕໍ່ຜະລິດຕະພັນ ເຫລັກກ້າ ແລະ ອາລູມີນຽມ ຂອງເອີຣົບ ເລີ່ມປະຕິບັດ ໃນວັນທີ 9 ເມສານີ້.ທ່ານ ມາໂຣສ ເສຟໂຄວິກ ກໍາມະການທີ່ຮັບຜິດຊອບ ວຽກງານ ການຄ້າ ແລະ ຄວາມໝັ້ນຄົງ ທາງເສດຖະກິດ ຂອງຄະນະ ກໍາມາທິການ ສະຫະພາບ ເອີຣົບ ໄດ້ແຈ້ງຜ່ານສື່ອອນລາຍວ່າ: ຜ່ານການເຈລະຈາ ຈະສາມາດຫລີກລ່ຽງ ມາດຕະການ ດ້ານພາສີ ຮອບໃໝ່ ຂອງສ.ອາເມຣິກາໄດ້, ພາສີທີ່ບໍ່ສົມເຫດ ສົມຜົນ ຈະກ້າວໄປສູ່ ທິດທາງທີ່ຢູ່ກົງກັນຂ້າມ ໃນທີ່ສຸດ, ສະຫະພາບ ເອີຣົບ ຈະຕອບໂຕ້ ອາເມຣິກາ ດ້ວຍວິທີ ທີ່ທຸ່ນທ່ຽງ, ມີຂັ້ນຕອນ ແລະ ສາມັກຄີ ເປັນເອກະພາບກັນ. ຖ້າຫາກ ບໍ່ສາມາດ ບັນລຸສັນຍາທີ່ ມີຄວາມຍຸຕິທໍາໄດ້, ເອີຣົບ ຈະບໍ່ນັ່ງນິ້ງ ຢູ່ລ້າໄດ້./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
