ຂປລ. ສາຍການບິນຫວຽດເຈັດ (Vietjet) ສະເຫລີມສະຫລອງ 2 ຄວາມສໍາເລັດອັນໃນເດືອນສິງຫາ ນີ້, ເພື່ອເສີມສ້າງ ສະຖານະພາບຂອງສາຍການບິນໃນຖານະຜູ້ນໍາໃນທະວີບອາຊີຂອງສາຍການບິນ ແລະ ເປັນຄູ່ຮ່ວມທີ່ວາງໃຈໄດ້ສໍາລັບນັກເດີນທາງຈາກປະເທດລາວ. ເປັນບໍລິສັດທໍາອິດໃນຫວຽດນາມທີ່ໄດ້ຮັບເຊື້ອໄຟການບິນແບບຍືນຍົງ (SAF) ປະສົມພາຍໃນ ແລະ ຍັງໄດ້ຮັບການຍອມຮັບວ່າ "ສະຖານທີ່ເຮັດວຽກທີ່ດີທີ່ສຸດ" ຂອງທະວີບອາຊີເປັນປີທີ 5 ຕິດຕໍ່ກັນໃນງານ HR Asia Awards 2025.

ໃນການຂັບເຄື່ອນການບິນສີຂຽວໃນອາຊີ-ປາຊີຟິກ ພາຍໃຕ້ການເປັນຮຸ້ນສ່ວນທາງຍຸດທະສາດ, Petrolimex Aviation ຈະຈັດຫາຊັບພະຍາກອນໃຫ້ Vietjet ດ້ວຍ SAF 1.200 ແມັດກ້ອນ ເຊິ່ງເປັນພະລັງງານທີ່ສະອາດ, ຫລຸດຜ່ອນການປ່ອຍອາຍກາກໂບນິກ ແລະ ສະໜັບສະໜູນຍຸດທະສາດການເຕີບໂຕສີຂຽວແຫ່ງຊາດຂອງຫວຽດນາມ ພ້ອມທັງເປົ້າໝາຍ net-zero ທົ່ວໂລກໃນປີ 2050. ຂໍ້ຕົກລົງລະຫວ່າງ Vietjet ແລະ Petrolimex Aviation ເນັ້ນໜັກເຖິງການພັດທະນາສີຂຽວ ແລະ ຍືນຍົງ ເປັນໂຄງການສົ່ງເສີມພະລັງທີ່ສະອາດ, ຫລຸດຜ່ອນການປ່ອຍມົນລະພິດ, ປົກປ້ອງສະພາບແວດລ້ອມ ແລະ ຊ່ວຍເຫລືອການປ່ຽນແປງສີຂຽວໃນຫວຽດນາມ ແລະ ທົ່ວໂລກ.ໃນປີ 2024, Vietjet ໄດ້ຮ່ວມມືກັບ Petrolimex Aviation ເພື່ອດໍາເນີນການບິນສອງລໍາທໍາອິດໂດຍໃຊ້ເຊື້ອໄຟ SAF ໃນຫວຽດນາມ. SAF ຜະລິດຈາກແຫລ່ງທົດແທນ ແລະ ຍືນຍົງເຊັ່ນ: ຜະລິດຕະພັນກະສິກໍາ, ຊີວະພາບ ແລະ ສິ່ງເສດເຫລືອໃນຕົວເມືອງ, ໄດ້ຮັບການຢືນຢັນຢ່າງເຕັມທີ່ສໍາລັບການນໍາໃຊ້ທາງການຄ້າ ແລະ ສາມາດຫລຸດຜ່ອນການປ່ອຍອາຍກາກໂບນິກໄດ້ເຖິງ 80% ຕະຫລອດໄລຍະອາຍຸໃຊ້ງານຂອງນໍ້າມັນ ເມື່ອສົມທຽບກັບນໍ້າມັນເຊື້ອໄຟເຮືອບິນແບບທໍາມະດາ.

ນັກເດີນທາງຊາວລາວ ຈະສະດວກສະບາຍຫລາຍກວ່າເກົ່າໃນການເດີນທາງລະຫວ່າງ ມາຂອງສາຍການບິນ ທີ່ ດໍາເນີນງານ ລະຫວ່າງ ນະຄອນຫລວງວຽງຈັນ ແລະ ເມືອງໂຮຈີມິນ. ຈາກເມືອງໃຫຍ່ທີ່ສຸດຂອງຫວຽດນາມ, ຜູ້ໂດຍສານສາມາດໄປເຖິງຈຸດຫມາຍປາຍທາງຫຼາຍແຫ່ງໃນອາຊີ-ປາຊີຟິກ ແລະ ໄກກວ່ານັ້ນໄດ້ງ່າຍ, ດ້ວຍເຄື່ອງບິນທີ່ທັນສະໄຫມ ແລະ ການບໍລິການທີ່ດີເລີດຂອງ Vietjet.

KPL