ຂປລ
ທ່ານ ວາງຢີ້ ກຳມະການ ກົມການເມືອງ ສູນກາງພັກ ກອມມູນິດຈີນ, ລັດຖະມົນຕີ ກະຊວງການຕ່າງປະເທດຈີນ ໄດ້ພົບປະກັບ ທ່ານ ຊິຣາຈຸດດິນ ຮັກການີ ລັດມົນຕີ ກະຊວງພາຍໃນ ອາຟະການິດສະຖານ ຢູ່ນະຄອນຫລວງ ກາບູນ.
ຂປລ.ວິທະຍຸສາກົນແຫ່ງ ສປ ຈີນ, ວັນທີ 20 ສິງຫານີ້, ທ່ານ ວາງຢີ້ ກຳມະການ ກົມການເມືອງ ສູນກາງພັກ ກອມມູນິດຈີນ, ລັດຖະມົນຕີ ກະຊວງການຕ່າງປະເທດຈີນ ໄດ້ພົບປະກັບ ທ່ານ ຊິຣາຈຸດດິນ ຮັກການີ ລັດມົນຕີ ກະຊວງພາຍໃນ ອາຟະການິດສະຖານ ຢູ່ນະຄອນຫລວງ ກາບູນ.ໃນໂກາດນີ້, ທ່ານ ວາງຢີ້ ຊີ້ໃຫ້ເຫັນວ່າ: ສປ ຈີນ ສະໜັບສະໜູນ ອາຟະການິດສະຖານ ທີ່ປະຕິບັດ ນະໂຍບາຍ “ສຸມໃສ່ ເສດຖະກິດ ເປັນໃຈກາງ”, ທັງຍິນດີ ປະກອບສ່ວນ ເຂົ້າໃນການຟື້ນຟູ ການພັດທະນາ ຂອງອາຟະການິດສະຖານ. ຫວັງວ່າ ອາຟະການິດສະຖານ ຈະໃຊ້ມາດຕະການ ທີ່ເຂັ້ມແຂງເພື່ອໂຈມຕີ ອິດທິກຳລັງ ກໍ່ການຮ້າຍສາກົນເຊັ່ນ: “ຂະບວນການ ອິດສະລາມິດເທີກິດສະຖານຕາເວັນອອກ” ເພື່ອສະໜອງ ການຮັບປະກັນ ອັນເຂັ້ມແຂງ ແລະ ສະພາບແວດລ້ອມ ທີ່ຈຳເປັນໃຫ້ແກ່ ການຮ່ວມມື ສອງຝ່າຍ. ທ່ານ ຊິຣາຈຸດດິນ ຮັກການີ ໄດ້ສະແດງຄວາມຂອບໃຈຝ່າຍ ສປ ຈີນ ທີ່ໃຫ້ການຊ່ວຍເຫລືອ ອັນລ້ຳຄ່າ ແກ່ການພັດທະນາ ປະເທດ ແລະ ປັບປຸງຊີວິດ ການເປັນຢູ່ ຂອງປະຊາຊນ ອາຟະການິສະຖານ ໃຫ້ດີຂຶ້ນມາ ເປັນເວລາດົນນານ, ພ້ອມທັງສະໜັບສະໜູນ ອາຟະການິສະຖານ ເຊື່ອມໂຍງເຂົ້າກັບ ປະຊາຄົມສາກົນ. ທ່ານກ່າວວ່າ: ອາຟະການິດສະຖານ ຈະບໍ່ອະນຸຍາດ ໃຫ້ບຸກຄົນໃດໆ ນຳໃຊ້ແຜ່ນດິນຂອງຕົນ ໄປຂົ່ມຂູ່ ຄວາມໝັ້ນຄົງຂອງຈີນ. ອາຟະການິດສະຖານ ຍິນດີຮ່ວມກັບ ສປ ຈີນ ເພີ່ມທະວີ ການຮ່ວມມື ດ້ານຄວາມໝັ້ນຄົງຕື່ມອີກ, ລວມທັງ ຮ່ວມກັນຮັບມື ກັບຄວາມ ສ່ຽງ ແລະ ສິ່ງທ້າທາຍຕ່າງໆ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
