ຂປລ
ທ່ານ ຄໍາແພງ ວິລະພັນ ປະທານກໍາມາທິການຍຸຕິທໍາສະພາແຫ່ງຊາດ ໃຫ້ຮູ້ວ່າ: ໃນໄລຍະຜ່ານມາທີ່ໄດ້ເຂົ້າຮ່ວມຄົ້ນຄວ້າ ແລະ ປະກອບຄໍາເຫັນຕໍ່ຮ່າງກົດໝາຍທີ່ຢູ່ໃນຄວາມຮັບຜິດຊອບຂອງຕົນ.
*ທ່ານ ຄໍາແພງ ວິລະພັນ ປະທານກໍາມາທິການຍຸຕິທໍາສະພາແຫ່ງຊາດ ໃຫ້ຮູ້ວ່າ: ໃນໄລຍະຜ່ານມາທີ່ໄດ້ເຂົ້າຮ່ວມຄົ້ນຄວ້າ ແລະ ປະກອບຄໍາເຫັນຕໍ່ຮ່າງກົດໝາຍທີ່ຢູ່ໃນຄວາມຮັບຜິດຊອບຂອງຕົນ ເປັນຕົ້ນ: ກົດໝາຍວ່າດ້ວຍສະພາແຫ່ງຊາດ, ກົດໝາຍວ່າດ້ວຍສະພາປະຊາຊົນຂັ້ນແຂວງ, ກົດໝາຍວ່າດ້ວຍການເລືອກຕັ້ງສະມາຊິກສະພາແຫ່ງຊາດ ແລະ ສະພາປະຊາຊົນຂັ້ນແຂວງ ແລະ ກົດໝາຍອື່ນໆຕາມການມອບໝາຍຂອງຄະນະປະຈໍາສະພາແຫ່ງຊາດ ທີ່ນໍາເຂົ້າຜ່ານກອງປະຊຸມສະໄໝສາມັນ ເທື່ອທີ 7 ຂອງສະພາແຫ່ງຊາດ ຊຸດທີ IX; ຄົ້ນຄວ້າສ້າງ ແລະ ປັບປຸງນິຕິກໍາຈໍານວນໜຶ່ງ ໃຫ້ແກ່ກ່ານເຄື່ອນໄຫວວຽກງານຂອງກໍາມາທິການເປັນຕົ້ນ: ຂໍ້ຕົກລົງຮ່ວມວ່າດ້ວຍການປະສານງານ ລະຫວ່າງ ກໍາມາທິການຍຸຕິທໍາ ກັບ ສານປະຊາຊົນສູງສຸດ ແລະ ກະຊວງຍຸຕິທໍາ; ຮ່າງປຶ້ມຄູ່ມືການຮັບ ແລະ ພິຈາລະນາຄໍາຮ້ອງຂໍຄວາມເປັນທໍາຂອງຄະນະປະຈໍາສະພາແຫ່ງຊາດ; ຮ່າງມະຕິຂອງຄະນະປະຈໍາສະພາແຫ່ງຊາດ ວ່າດ້ວຍການຮັບຕ້ອນ ແລະ ໃຫ້ຄໍາປຶກສາກ່ຽວກັບການຮ້ອງຂໍຄວາມເປັນທໍາ; ຮ່າງມະຕິຂອງຄະນະປະຈໍາສະພາແຫ່ງຊາດ ວ່າດ້ວຍການແຕ່ງຕ້ັງ, ຍົກຍ້າຍ ຫລື ປົດຕໍາແໜ່ງບຸກຄະລາກອນຂອງສານປະຊາຊົນ ແລະ ສານທະຫານ, ຄົ້ນຄວ້າປະກອບຄໍາເຫັນໃສ່ບົດລາຍງານຂອງລັດຖະບານກ່ຽວກັບການຈັດຕັ້ງປະຕິບັດແຜນ ພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດ ແລະ ແຜນເງິນຕາ ທີ່ຢູ່ໃນຄວາມຮັບຜິດຊອບຂອງກໍາມາທິການຕໍ່ກອງປະຊຸມສະໄໝ ສາມັນ ເທື່ອທີ 7 ຂອງສະພາແຫ່ງຊາດ ຊຸດທີ IX; ສະຫລຸບຕີລາຄາການຈັດຕັ້ງປະຕິບັດມະຕິຂອງກົມການເມືອງສູນກາງພັກ ສະບັບເລກ ທີ 112/ກມສພ, ລົງວັນທີ 02 ມິຖຸນາ 2020 ວ່າດ້ວຍການດໍາເນີນຄະດີຕາມຂະບວນຍຸຕິທໍາ; ເປັນເຈົ້າການຄົ້ນຄວ້າ ແລະ ສະເໜີຄະນະປະຈໍາສະພາແຫ່ງຊາດພິຈາລະນາ ການສະເໜີແຕ່ງຕັ້ງ, ຍົກຍ້າຍປະທານ, ຮອງປະທານສານປະຊາຊົນທ້ອງຖິ່ນ ຈໍານວນ 18 ທ່ານ, ສໍາເລັດການຈັດຕັ້ງປະຕິບັດແຜນການລົງຕິດຕາມກວດກາການປະຕິບັດຄໍາຕັດສິນຂອງສານຂອງຄະນະປະຈໍາສະພາແຫ່ງຊາດ ຢູ່ 3 ພາກ; ໄດ້ສຸມໃສ່ກວດກາຄົ້ນຄວ້າຄໍາຮ້ອງຂໍຄວາມເປັນທໍາ ແລະ ຕິດຕາມກວດກາການພິຈາລະນາແກ້ໄຂຄໍາຮ້ອງຂໍຄວາມ ເປັນທໍາຕາມຂອບເຂດຄວາມຮັບ ຜິດຊອບຂອງຕົນ ຊຶ່ງສັງລວມໄດ້ ດັ່ງນີ້: ການຮັບ ແລະ ການພິຈາລະ ນາຄໍາຮ້ອງຂໍຄວາມເປັນທໍາຂອງ ຄະນະປະຈໍາສະພາແຫ່ງຊາດ ລວມ ທັງໝົດ 743 ເລ່ືອງ; ສາມາດພິຈາ ລະນາ ແລະ ສົ່ງໃຫ້ພາກສ່ວນກ່ຽວ ຂ້ອງໄດ້ຈໍານວນ 112 ເລື່ອງ; ປັດຈຸບັນຄໍາຮ້ອງຄ້າງ ຈໍານວນ 631 ເລື່ອງ; ຖ້າທຽບໃສ່ຄໍາຮ້ອງເຂົ້າມາ ປີ 2024 ກວມເອົາ 61,20% ແລະ ຖ້າທຽບໃສ່ຈໍານວນຄໍາຮ້ອງທັງໝົດກວມເອົາ 15,07% ຂອງຄໍາ ຮ້ອງທັງໝົດ; ໄດ້ຄົ້ນຄວ້າຄໍາຮ້ອງຂໍຄວາມເປັນທໍາ ທີ່ຢູ່ໃນຄວາມຮັບຜິດຊອບຂອງກໍາມາທິການຍຸຕິທໍາລວມທັງໝົດ 635 ເລື່ອງ ໃນນີ້ຄໍາຮ້ອງຄ້າງ ປີ 2023 ຈໍານວນ 462 ເລື່ອງ, ຄໍາຮ້ອງເຂົ້າ ປີ 2024 ຈໍາ ນວນ 173 ເລື່ອງ; ສາມາດພິຈາລະນາ ແລະ ສົ່ງໃຫ້ພາກສ່ວນກ່ຽວຂ້ອງ ໄດ້ຈໍານວນ 110 ເລື່ອງ; ປັດຈຸບັນຄໍາຮ້ອງຄ້າງ ຈໍານວນ 525 ເລື່ອງ; ໃນຕໍ່ໜ້າຈະສືບຕໍ່ຄົ້ນຄວ້າສ້າງ ແລະ ປັບປຸງນິຕິກໍາຈໍານວນໜຶ່ງ ເພື່ອເປັນບ່ອນອີງໃຫ້ແກ່ການເຄື່ອນໄຫວວຽກງານຂອງກໍາມາທິການເປັນຕົ້ນ: ຂໍ້ຕົກລົງຮ່ວມວ່າດ້ວຍການປະສານງານ ລະຫວ່າງ ກໍາມາທິການຍຸຕິທໍາ ກັບ ສານປະຊາຊົນ, ກະຊວງຍຸຕິທໍາ, ອົງການສືບສວນ- ສອບສວນ ແລະ ອົງການກວດກາແຫ່ງລັດ; ຄູ່ມືກ່ຽວກັບການຮັບ ແລະ ພິຈາລະນາຄໍາຮ້ອງຂໍຄວາມເປັນທໍາ ຂອງຄະນະປະຈໍາສະພາແຫ່ງຊາດ; ມະຕິຂອງຄະນະປະຈໍາສະພາແຫ່ງຊາດ ວ່າດ້ວຍການຮັບຕ້ອນ ແລະ ໃຫ້ຄໍາປຶກສາກ່ຽວກັບການຮ້ອງຂໍຄວາມເປັນທໍາ; ມະຕິຂອງຄະນະປະຈໍາສະພາແຫ່ງຊາດ ກ່ຽວກັບການແຕ່ງຕັ້ງ, ຍົກຍ້າຍ ຫລື ປົດຕໍາແໜ່ງບຸກຄະລາກອນຂອງສານ ປະຊາຊົນ ແລະ ສານທະຫານ; ເຜີຍແຜ່ກົດໝາຍວ່າດ້ວຍການແກ້ໄຂຄໍາຮ້ອງທຸກ ສະບັບ ປີ 2022 ຢູ່ພາກ ກາງ ແລະ ພາກເໜືອ; ເປັນເຈົ້າການປະສານສົມທົບກັບບັນດາກໍາມາທິ ການພາຍໃນສະພາແຫ່ງຊາດ ແລະ ພາກສ່ວນກ່ຽວຂ້ອງໃນການຈັດຕັ້ງເຜີຍແຜ່ກົດໝາຍ ແລະ ນິຕິກໍາໃຕ້ກົດໝາຍ.
ໂດຍ: ມາລີດາ
KPL