ຂປລ.ໃນໄລຍະນີ້ນັກທ່ອງທ່ຽວສາມາດວາງແຜນການເດີນທາງທີ່ໜ້າຕື່ນເຕັ້ນຄັ້ງໃໝ່ໄດ້ແລ້ວ ເນື່ອງຈາກ ສາຍການບິນຫວຽດເຈັດ (Vietjet) ໄດ້ເປີດໂປຣໂມຊັນສຳລັບປີ້ Deluxe ດ້ວຍສ່ວນຫລຸດສູງສຸດ 50% ໃນຖ້ຽວບິນທັງໝົດຂອງ Vietjetເຊິ່ງລວມມີນະຄອນຫລວງວຽງຈັນ ແລະ ຫລາຍໆຈຸດໝາຍປາຍທາງໃນອາຊີ-ປາຊີຟິກ. ທ່ານສາມາດເລີ່ມຈອງປີ້ ແລະເດີນທາງໄດ້ຕັ້ງແຕ່ມື້ນີ້ຈົນຮອດວັນທີ 20 ພະຈິກ 2024.

         ໂປຣໂມຊັນປີ້ Deluxe, ສຸດຄຸ້ມລາຄາເລີ່ມຕົ້ນພຽງແຕ່ 50 ໂດລາ (ບໍ່ລວມພາສີ ແລະ ຄ່າທຳນຽມ) ກັບແພັກເກັດ 3 in 1 ພິເສດລວມທັງກະເປົາເຊັກອິນນໍ້າໜັກ 20 ກິໂລ, ເລືອກບ່ອນນັ່ງຟຣີ ແລະ ປ່ຽນຖ້ຽວບິນໄດ້ຟຣີອີກດ້ວຍ (ເປັນໄປຕາມຂໍ້ກຳນົດແລະເງື່ອນໄຂ) ພິເສດສຳລັບຜູ້ໂດຍສານ Deluxe ທີ່ເດີນທາງຈາກຫວຽດນາມໄປ Melbourne, Sydney ແລະ Brisbane: ສາມາດເພີດເພີນໄປກັບກະເປົາເຊັກອິນນໍ້າໜັກ 40 ກິໂລ, ກະເປົາຖືຂຶ້ນເຄື່ອງ 10 ກິໂລ ແລະ ມີອາຫານເຄື່ອງດື່ມຢູ່ເທິງຍົນ. (ເປັນໄປຂໍ້ກຳນົດ ແລະ ເງື່ອນໄຂ) ທ່ານສາມາດຈອງປີ້ໃນມື້ນີ້ທີ່  www.vietjetair.com ແອັບVietjet Air ຫຼືຫ້ອງການຂາຍທົ່ວໂລກ.

         ສາຍການບິນ Vietjet ຍັງສືບຕໍ່ຂະຫຍາຍເສັ້ນທາງການບິນຢ່າງຕໍ່ເນື່ອງ. ເມື່ອບໍ່ດົນມານີ້, ​Vietjet ໄດ້​ເປີດ​ຖ້ຽວ​ບິນ​ເຊື່ອມ​ຕໍ່​ລະຫວ່າງ​​ດາ​ນັງ (ຫວຽດນາມ) ​ແລະ Ahmedabad (ອິນ​ເດຍ), ພ້ອມ​ກັບ​​ຂະຫຍາຍເຄືອຂ່າຍການບິນ​ໄປ​ຍັງ​ບັນດາ​ເມືອງສຳຄັນ​ຂອງ​ອາຊີ​ຕາ​ເວັນ​ອອກສຽງ​ເໜືອ​ເຊັ່ນ: Busan, Nagoya, Hong Kong, Taipei, Taichung ​ແລະ Kaohsiung ເພື່ອຮອງຮັບເທດສະການປີໃໝ່.

         ສຳລັບນັກທ່ອງທ່ຽວຊາວລາວ, Vietjet ຍັງສືບຕໍ່ໃຫ້ບໍລິການ 4 ຖ້ຽວບິນຕໍ່ອາທິດ ລະຫວ່າງ ນະຄອນຫລວງວຽງຈັນແລະ ນະຄອນໂຮ່ຈີ່ມິງ ໃນວັນທຸກວັນຈັນ, ວັນພຸດ, ວັນສຸກ ແລະ ວັນອາທິດ ເຊິ່ງຈະເຮັດໃຫ້ນັກທ່ອງທ່ຽວມີໂອກາດໄດ້ສຳຜັດກັບນະຄອນໃຫຍ່ທີ່ສຸດຂອງຫວຽດນາມ ອີກທັງຍັງສາມາດ​ເຊື່ອມ​ຕໍ່​ກັບ​ບັນດາ​ຈຸດໝາຍ​ປາຍທາງ​ອື່ນໆ​ໃນ​ທົ່ວ​ໂລກ​ຢ່າງ​ສະດວກ​ສະບາຍ ​ຜ່ານ​ເຄືອ​ຂ່າຍ​ການບິນ​ທີ່​ກວ້າງຂວາງ​ຂອງ Vietjet.

KPL