ຂປລ
ຫວຽດນາມ ແອລາຍ( Vietnam Airlines) ໄດ້ເຊື່ອມຕໍ່ 3 ຖ້ຽວບິນ ສາກົນ ຄືນໃໝ່ ລະຫວ່າງ ຫວຽດນາມ ໄປ ຮົ່ງກົງ (ສປ ຈີນ), ບາງກອກ (ໄທ) ແລະ Kuala Lumpur (ມາເລເຊຍ) ແລະ ເພີ່ມຖ້ຽວບິນ ຢູ່ພາກພື້ນ.
ຂປລ.ວິທະຍຸ ກະຈາຍສຽງ ຫວຽດນາມ, ຫວຽດນາມ ແອລາຍ( Vietnam Airlines) ໄດ້ເຊື່ອມຕໍ່ 3 ຖ້ຽວບິນ ສາກົນ ຄືນໃໝ່ ລະຫວ່າງ ຫວຽດນາມ ໄປ ຮົ່ງກົງ (ສປ ຈີນ), ບາງກອກ (ໄທ) ແລະ Kuala Lumpur (ມາເລເຊຍ) ແລະ ເພີ່ມຖ້ຽວບິນ ຢູ່ພາກພື້ນ. ຫລັງຈາກ ວັນທີ 1 ເມສາ, Vietnam Airlines ໄດ້ຂຸດຄົ້ນ ຖ້ຽວບິນ ໂດຍກົງ ລະຫວ່າງ ຮ່າໂນ້ຍ - Kuala Lumpur (ມາເລເຊຍ) ດ້ວຍ 3 ຖ້ຽວບິນ/ອາທິດ. ປະຈຸບັນ, ບໍລິສັດ ພວມຂຸດຄົ້ນ ຖ້ຽວບິນ ນະຄອນ ໂຮ່ຈີມິນ - Kuala Lumpur ແມ່ນ 7 ຖ້ຽວຕໍ່ອາທິດ. ເລື່ອງເປີດຖ້ຽວບິນນີ້ ຄືນໃໝ່ ແມ່ນເພື່ອຊ່ວຍ ເພີ່ມທະວີ ການແລກປ່ຽນ ການຄ້າ ແລະ ການຮ່ວມມື ລະຫວ່າງ ສສ ຫວຽດນາມ ແລະ ມາເລເຊຍ.ກ່ອນໜ້ານີ້, ບໍລິສັດ ໄດ້ເຊື່ອມຕໍ່ຄືນໃໝ່ ຖ້ຽວບິນນະຄອນ ໂຮ່ຈີມິນ ແລະ ຮົ່ງກົງ (ສປ ຈີນ) ຕື່ມອີກ 1 ຖ້ຽວ/1 ວັນ, ຍົກຈຳນວນຖ້ຽວບິນ ໄປກັບແຕ່ ສສ ຫວຽດນາມ ໄປເຖິງເຂດ ແຖວໜ້າ ອາຊີ ຂຶ້ນເປັນ 14 ຖ້ຽວ/ອາທິດ. ສິ່ງດັ່ງກ່າວ ໄດ້ຊ່ວຍຊຸກຍູ້ ການພົວພັນ ແລກປ່ຽນ ລະຫວ່າງ 2 ສູນເສດຖະກິດໃຫຍ່ ຢູ່ພາກພື້ນ, ພ້ອມກັນນັ້ນ, ກໍ່ໄດ້ສ້າງເງື່ອນໄຂ ສະດວກ ໃຫ້ແກ່ ນັກທຸລະກິດ, ນັກລົງທຶນ ແລະ ແຂກທ່ອງທ່ຽວ ທີ່ມີຄວາມຕ້ອງການໄປມາ. Vietnam Airlines ໄດ້ເປີດຖ້ຽວການບິນ ໂດຍກົງ ລະຫວ່າງ ດ່ານັ້ງ - ບາງກອກ (ໄທ) ຄືນໃໝ່. ຖ້ຽວບິນ ດັ່ງກ່າວ ຈະເຊື່ອມຕໍ່ 3 ນະຄອນໃຫຍ່ຢູ່ ສສ ຫວຽດນາມ ແມ່ນ ຮ່າໂນ້ຍ, ນະຄອນ ໂຮ່ຈີມິນ ແລະ ດ່ານັ້ງ ໄປ ບາງກອກ, ດ້ວຍຈຳນວນ 60 ຖ້ຽວ/ອາທິດ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
