ຂປລ
ຂປລ. ກະຊວງແຜນການ ແລະ ການລົງທຶນ (ຜທ) ຈັດກອງປະຊຸມສະຫລຸບຕີລາຄາ ວຽກງານກວດກາ ປະຈຳປີ 2024 ແລະ ທິດທາງແຜນການ 2025 ໂດຍເປັນປະທານຮ່ວມຂອງ ສະຫາຍ ນາງ ພອນວັນ ອຸທະວົງ ຮອງເລຂາຄະນະບໍລິຫານງານພັກ, ປະທານຄະນະກວດກາພັກ, ຮອງລັດຖະມົນຕີ ກະຊວງແຜນການ ແລະ ການລົງທຶນ ແລະ ສະຫາຍ ດາວບົວລະພາ ບາວົງເພັດ ຄະນະປະຈໍາພັກ, ຮອງປະທານອົງການກວດກາແຫ່ງລັດ, ມີຄະນະປະຈຳພັກ, ເລຂາໜ່ວຍພັກ, ພ້ອມດ້ວຍພະນັກງານກວດ ກາພາຍໃນກະຊວງ ເຂົ້າຮ່ວມ.
ຂປລ. ກະຊວງແຜນການ ແລະ ການລົງທຶນ (ຜທ) ຈັດກອງປະຊຸມສະຫລຸບຕີລາຄາ ວຽກງານກວດກາ ປະຈຳປີ 2024 ແລະ ທິດທາງແຜນການ 2025 ໂດຍເປັນປະທານຮ່ວມຂອງ ສະຫາຍ ນາງ ພອນວັນ ອຸທະວົງ ຮອງເລຂາຄະນະບໍລິຫານງານພັກ, ປະທານຄະນະກວດກາພັກ, ຮອງລັດຖະມົນຕີ ກະຊວງແຜນການ ແລະ ການລົງທຶນ ແລະ ສະຫາຍ ດາວບົວລະພາ ບາວົງເພັດ ຄະນະປະຈໍາພັກ, ຮອງປະທານອົງການກວດກາແຫ່ງລັດ, ມີຄະນະປະຈຳພັກ, ເລຂາໜ່ວຍພັກ, ພ້ອມດ້ວຍພະນັກງານກວດ ກາພາຍໃນກະຊວງ ເຂົ້າຮ່ວມ.
ສະຫາຍ ນາງ ພອນວັນ ອຸທະວົງ ໄດ້ໃຫ້ຮູ້ວ່າ: ວຽກງານຕິດຕາມກວດກາ ແມ່ນວຽກທີ່ສອດຫ້ອຍເຂົ້າທຸກຂົງເຂດວຽກງານ, ເປັນວຽກທີ່ຕ້ອງໄດ້ເຮັດເປັນປົກກະຕິ ແລະ ຂາດບໍ່ໄດ້ສຳລັບການນຳ ພາຂອງພັກ ແລະ ການຄຸ້ມຄອງການບໍລິຫານຂອງລັດ. ໃນການນຳພາຂອງພັກໃນເງື່ອນໄຂໃໝ່, ການຕິດຕາມກວດກາຍິ່ງມີບົດບາດສໍາຄັນ ເພາະວ່າມັນຊ່ວຍໃຫ້ສາມາດຊອກເຫັນຈຸດບົກພ່ອງ, ດ້ານຫຍໍ້ທໍ້ຕ່າງໆ ເພື່ອເສີມຂະຫຍາຍດ້ານຕັ້ງໜ້າ ແລະ ປັດໄຈໃໝ່ທີ່ກ້າວໜ້າໄດ້ໄວ, ທັງຊ່ວຍສະກັດກັ້ນແກ້ໄຂປະກົດການຫຍໍ້ທໍ້, ການເຊື່ອມເສຍຕ່າງໆ ທີ່ຈະສົ່ງຜົນກະທົບເຖິງອິດທິພົນ ຂອງພັກໄດ້ຢ່າງທັນການ. ສະນັ້ນ, ຄະນະນຳແຕ່ລະຂັ້ນ, ສະມາຊິກພັກ-ພະນັກງານຫລັກແຫລ່ງ ຈົ່ງໄດ້ພ້ອມກັນເພີ່ມຄວາມເອົາ ໃຈໃສ່ ຕໍ່ວຽກງານຕິດຕາມກວດກາຕາມພາລະບົດບາດ, ໜ້າທີ່ ແລະ ຂອບເຂດສິດທີ່ໄດ້ກຳນົດໄວ້ ໃນກົດລະບຽບຂອງພັກ ແລະ ກົດໝາຍຂອງລັດ ໃຫ້ຫລາຍຂຶ້ນເລື້ອຍໆ, ຍົກສູງຄຸນນະພາບຂອງວຽກງານກວດກາ ແລະ ຕ້ານການສໍ້ລາດບັງຫລວງ ໃຫ້ດີກ່ວາເກົ່າ ສາມາດຕອບສະໜອງໄດ້ກັບ ຄວາມຮຽກຮ້ອງຕ້ອງການ ໜ້າທີ່ການເມືອງໃນໄລຍະໃໝ່.
ໂອກາດນີ້, ສະຫາຍ ພູວົງ ພິມມະສອນ ກຳມະການຄະນະບໍລິຫານງານພັກ, ຮອງປະທານຄະນະກວດກາພັກ, ຫົວໜ້າກົມກວດກາກະຊວງ ຜທ ໄດ້ສະຫລຸບຕີລາຄາວຽກງານກວດກາ ປະຈຳປີ 2024 ໂດຍຍົກໃຫ້ເຫັນດ້ານດີ ແລະ ຜົນສຳເລັດໃນການເຄື່ອນໄຫວວຽກງານກວດກາ ຫລາຍດ້ານເປັນຕົ້ນ ວຽກງານຄົ້ນຄວ້າສ້າງ, ປັບປຸງ ແລະ ເຜີຍແຜ່ນິຕິກຳ, ວຽກງານຕິດຕາມ, ກວດກາພັກວຽກງານຕິດຕາມ, ກວດກາການບໍລິຫານລັດ, ວຽກງານສະກັດກັ້ນ ແລະ ຕ້ານການສໍ້ລາດບັງຫລວງ, ວຽກງານຄົ້ນຄວ້າຄຳຮ້ອງ-ຄຳສະເໜີ, ການຕິດຕາມ, ກວດກາການປະຕິບັດ ຜົນຂອງການກວດກາ, ວຽກພົວ ພັນຕ່າງປະເທດ, ວຽກປັບປຸງກົງຈັກການຈັດຕັ້ງ ແລະ ການບຳລຸງກໍ່ສ້າງພະນັກງານ, ເຖິງຢ່າງໃດກໍຕາມ ການດຳເນີນຊີວິດການເມືອງພາຍໃນໜ່ວຍພັກ ຍັງມີບາງໜ່ວຍພັກຍັງບໍ່ມີເນື້ອໃນໜັກແໜ້ນ ເທົ່າທີ່ຄວນໃນການຈັດຕັ້ງປະຕິບັດກົດລະບຽບຂອງພັກ, ການປະຕິບັດກົດລະບຽບພັກ ຂອງສະມາຊິກພັກບາງສະຫາຍ ຍັງບໍ່ທັນເຂັ້ມງວດ, ການຕຳນິຕິຊົມເຊິ່ງກັນ ແລະ ກັນຍັງບໍ່ທັນແຂງແຮງຍັງຈົ່ງຈຽມກັນ, ການຕິດຕາມ, ຊຸກຍູ້ແກ້ໄຂຜົນການກວດກາ ຕາມຜົນການກວດສອບ, ການຕິດຕາມ, ກວດກາ, ປະເມີນ ແລະ ແກ້ໄຂຂໍ້ຂັດແຍງໂຄງການ ລົງທຶນຂອງພາກເອກະຊົນພາຍໃນ ແລະ ຕ່າງປະເທດ ແລະ ການກວດກາຕາມຄຳສັ່ງ ບໍ່ສາມາດໄປ ເຖິງໄດ້ໝົດທຸກເປົ້າໝາຍ ຍ້ອນງົບປະມານມີຈໍາກັດ.
ຂ່າວ: ກະຊວງແຜນການ
KPL
