ຂປລ
ກອງປະຊຸມ ລະດັບເອກອັກຄະລັດຖຸທູດ ລະຫວ່າງ ອາຊຽນກັບ ສປ ຈີນ ຍີ່ປຸ່ນ ແລະ ສ.ເກົາຫລີ (10+3) ຄັ້ງທີ 22 ໄດ້ຈັດຂຶ້ນ ຢູ່ສຳນັກງານ ເລຂາອາຊຽນ ເຊິ່ງຕົ້ນຕໍໄດ້ປຶກສາຫາລື ຄວາມຄືບໜ້າຂອງການປະຕິບັດ “ແຜນການວຽກງານຮ່ວມມື 10+3 (2023-2027)” ແລະ ທິດທາງຮ່ວມມືໃນອະນາຄົດ.
ຂປລ.ວິທະຍຸສາກົນແຫ່ງ ສປ ຈີນ, ກອງປະຊຸມ ລະດັບເອກອັກຄະລັດຖຸທູດ ລະຫວ່າງ ອາຊຽນກັບ ສປ ຈີນ ຍີ່ປຸ່ນ ແລະ ສ.ເກົາຫລີ (10+3) ຄັ້ງທີ 22 ໄດ້ຈັດຂຶ້ນ ຢູ່ສຳນັກງານ ເລຂາອາຊຽນ ເຊິ່ງຕົ້ນຕໍໄດ້ປຶກສາຫາລື ຄວາມຄືບໜ້າຂອງການປະຕິບັດ “ແຜນການວຽກງານຮ່ວມມື 10+3 (2023-2027)” ແລະ ທິດທາງຮ່ວມມືໃນອະນາຄົດ. ທ່ານນາງ ໂຮຢ້ຽນຊີ ເອກອັກຄະລັດຖະທູດຈີນ ປະຈຳ ອາຊຽນ ກ່າວວ່າ: ການພົວພັນເສດຖະກິດ ການຄ້າ ລະຫວ່າງປະເທດ ໃນພາກພື້ນນັບມື້ ນັບແໜ້ນແຟ້ນກວ່າເກົ່າ ເຊິ່ງໄດ້ຊ່ວຍເຫລືອການຮ່ວມມື 10+3 ຍົກສູງ ຄຸນນະພາບ ແລະ ລະດັບຢ່າງໃຫຍ່ ແລະ ໄດ້ເພີ່ມພະລັງແຮງອັນເຂັ້ມແຂງ ໃຫ້ແກ່ ຂະບວນການເຊື່ອມໂຍງ ເຂົ້າເປັນອັນໜຶ່ງ ອັນດຽວກັນຂອງພາກພື້ນ. ຝ່າຍຕ່າງໆຢູ່ພາກພື້ນ ຄວນເສີມຂະຫຍາຍບົດບາດ ທີ່ເປັນຊ່ອງທາງຕົ້ນຕໍ ຂອງການຮ່ວມມື 10+3 ຢ່າງເຕັມທີ່, ຮ່ວມກັນຮັກສາທ່າອ່ຽງ ພັດທະນາ ຢ່າງວ່ອງໄວ ແລະ ດີງາມຂອງພາກພື້ນ. ຝ່າຍຕ່າງໆໄດ້ຕີລາຄາ ຄວາມຄືບໜ້າ ແລະ ໝາກຜົນການຮ່ວມມື 10+3 ຢ່າງຕັ້ງໜ້າ, ຄອງຄອຍເພີ່ມທະວີ ການຮ່ວມມື ໃນຂົງເຂດຕ່າງໆ ເຊັ່ນ: ເສດຖະກິດການຄ້າ, ການເງິນ, ຄວາມໝັ້ນຄົງ ດ້ານທັນຍາຫານ, ຂະແໜງການ ທີ່ຈະເລີນໃໝ່, ການພັດທະນາ ແບບຍືນຍົງ, ວັດທະນະທຳແລະຂົງເຂດອື່ນໆ, ຮ່ວມກັນຮັກສາ ຄວາມໝັ້ນຄົງ ຂອງຕ່ອງໂສ້ອຸດສາຫະກຳ ແລະ ຕ່ອງໂສ້ການສະໜອງຂອງພາກພື້ນ, ຍົກສູງລະດັບເຊື່ອມໂຍງ ເຊື່ອມຈອດກັນ ແລະ ເພີ່ມຄວາມໝັ້ນໜຽວ ຂອງເສດຖະກິດ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
