ຂປລ
ຂປລ. ຕາມຂ່າວຕ່າງປະເທດ, ວັນທີ 1 ເດືອນກັນຍາ, ອິສລັງ ໄດ້ຍົກລະດັບເຕືອນໄພພູໄຟ ບາຣດາຣບຸງກາ ໃຫຍ່ທີ່ສຸດໃນປະເທດ ເປັນລະດັບສູງສຸດ ຫລັງຈາກທີ່ພູໄຟໜ່ວຍນີ້ ໄດ້ເກີດລະເບີດຮຸນແຮງ ເມື່ອວັນທີ 30 ເດືອນສິງຫາຜ່ານມາ. ຂະນະດຽວກັນ ອິສລັງ ໄດ້ຫ້າມການບິນຜ່ານນ່ານຟ້າອ້ອມຮອບພູໄຟດັ່ງກ່າວ
ຂປລ. ຕາມຂ່າວຕ່າງປະເທດ, ວັນທີ 1 ເດືອນກັນຍາ,
ອິສລັງ ໄດ້ຍົກລະດັບເຕືອນໄພພູໄຟ ບາຣດາຣບຸງກາ ໃຫຍ່ທີ່ສຸດໃນປະເທດ
ເປັນລະດັບສູງສຸດ ຫລັງຈາກທີ່ພູໄຟໜ່ວຍນີ້
ໄດ້ເກີດລະເບີດຮຸນແຮງ ເມື່ອວັນທີ 30 ເດືອນສິງຫາຜ່ານມາ.
ຂະນະດຽວກັນ ອິສລັງ ໄດ້ຫ້າມການບິນຜ່ານນ່ານຟ້າອ້ອມຮອບພູໄຟດັ່ງກ່າວ
ຫລັງຈາກທີ່ປະກາດຍົກເລີກການຈາລະຈອນທາງອາກາດ ອ້ອມຮອບພູໄຟ
ບາຣດາຣບຸງກາ ເມື່ອວັນທີ 24 ເດືອນສິງຫາຜ່ານມາ.
ສຳນັກງານປ້ອງກັນ
ໄພພົນລະເຮືອນ ແຈ້ງວ່າ: ຈາກການສຳຫລວດ
ຍັງບໍ່ພົບເຖົ່າຖ່ານຂອງພູໄຟ,
ພົບພຽງແຮງສັ່ນສະເທືອນຈາກແຜ່ນດິນໄຫວ ທີ່ມີຂະໜາດບໍ່ຮຸນແຮງ
ເຊິ່ງນັ້ນໝາຍຄວາມວ່າ ການເກີດລະເບີດຄັ້ງນີ້
ຈະບໍ່ເຮັດໃຫ້ເກີດການລະເບີດຄັ້ງໃຫຍ່, ພູໄພບາຣດາຣບຸງກາ
ເປັນສ່ວນໜຶ່ງຂອງພູໄຟຢູ່ພື້ນສາຍນ້ຳກ້ອນວັດທະນາໂຈກຸລ
ສາຍນ້ຳກ້ອນໃຫຍ່ທີ່ສຸດໃນເອີຣົບ ແລະ
ຢູ່ໃນພື້ນທີ່ພາກກາງຂອງອິສລັງ./
KPL
