ຂປລ
ຂປລ. ຕາມຂ່າວຕ່າງປະເທດ, ໃນວັນທີ 3 ເດືອນກັນຍາ ປີ 2014, ນັກອຸຕຸນິຍົມວິທະຍາເຕືອນວ່າ: ພາຍຸເຂດຮ້ອນ 2 ໜ່ວຍ ພວມກໍ່ຕົວຂຶ້ນຢູ່ແຄມສອງຝັ່ງຂອງເມັກຊິກ ອາດຈະມີຄວາມສ່ຽງ ເຮັດໃຫ້ເກີດຝົນຕົກໜັກໃນຫລາຍລັດ ແລະ ນ້ຳຖ້ວມ ທາງຕາເວັນອອກສ່ຽງເໜືອຂອງປະເທດ.
ຂປລ. ຕາມຂ່າວຕ່າງປະເທດ, ໃນວັນທີ 3ເດືອນ ກັນຍາ ປີ 2014,
ນັກອຸຕຸນິຍົມວິທະຍາເຕືອນວ່າ: ພາຍຸເຂດຮ້ອນ 2 ໜ່ວຍ
ພວມກໍ່ຕົວຂຶ້ນຢູ່ແຄມສອງຝັ່ງຂອງເມັກຊິກ ອາດຈະມີຄວາມສ່ຽງ
ເຮັດໃຫ້ເກີດຝົນຕົກໜັກໃນຫລາຍລັດ ແລະ ນ້ຳຖ້ວມ
ທາງຕາເວັນອອກສ່ຽງເໜືອຂອງປະເທດ.
ສູນເຮີຣິເຄນແຫ່ງຊາດຂອງສະຫະລັດອາເມລິກາແຈ້ງວ່າ:
ພາຍຸເຂດຮ້ອນໂດນລີ ພວມກໍ່ຕົວຂຶ້ນໃນອ່າວແມັກຊິກ ແລະ
ອ່ອນກຳລັງລົງໜ້ອຍໜຶ່ງ
ຂະນະທີ່ເຄື່ອນຕົວມຸ່ງໜ້າເຂົ້າໃກ້ຝັ່ງໂດຍມີຄວາມໄວລົມໃກ້ສູນກາງ
75 ກິໂລແມັດ/ຊົ່ວໂມງ. ຄາດວ່າ ຈະຂຶ້ນເຂົ້າຝັ່ງລັດຕາເມົາລີປັສ
ທາງຕາເວັນອອກສ່ຽງເໜືອຂອງປະເທດໃນມື້ນີ້ ແລະ
ຈະເຮັດໃຫ້ເກີດຝົນຕົກໜັກ ຢູ່ລັດເມົາລີປັສ, ລັດນວຍໂວເລອອງ,
ລັດເວຣາກຣູຊ ແລະ ລັດຊັນລຸຍສໂປໂຕຊີ
ຊຶ່ງອາດເຮັດໃຫ້ເກີດນ້ຳຖ້ວມຢ່າງກະທັນຫັນ ແລະ ດິນເຈື່ອນຕາມເຂດພູ.
ສ່ວນຝັ່ງດ້ານມະຫາສະມຸດປາຊີຟິກ
ພາຍຸເຂດຮ້ອນນໍຣແມນເຮີເບີດ( Norman Hebert)
ພວມເຄື່ອນຕົວອອກຫ່າງຈາກເມືອງມັນຊານີໂຍ 240 ກິໂລແມັດ
ມີຄວາມໄວລົມໃກ້ສູນກາງ 65 ກິໂລແມັດຕໍ່ຊົ່ວໂມງ
ຄາດວ່າຈະເຄື່ອນຕົວເຂົ້າເຖິງປາຍສຸດຂອງແຫລມມະຫາສະໝຸດ Baja
Peninsula, ໃນວັນທີ 4ເດືອນກັນຍານີ້ ແລະ
ຈະເຮັດໃຫ້ເກີດຝົນຕົກໜັກໃນລັດໂກລີມາ, ລັດມິໂຊອາກັງ ແລະ
ລັດຮາລິສໂກ. ສຳລັບເມັກຊິກ ເຄຍຖືກພາຍຸເຮີຣິເຄນ ແລະ ມານູເອລ
ພັດເຂົ້າພ້ອມກັນທັງສອງຝັ່ງເມື່ອປີກາຍນີ້ເຮັດໃຫ້ມີຜູ້ເສຍ
ຊີວິດ 157ຄົນ/.
KPL
