ຂປລ
ປະເທດສາທາ ລະນະລັດປະຊາທິປະໄຕ ປະຊາຊົນ ເກົາຫລີ (Democratic People's Republic of Korea: DPRK) ຫລື ເອີ້ນວ່າ ສ.ປປ ເກົາຫລີ (North Korea), ມີນະຄອນຫລວງຊື່ວ່າ: ພຽງຢາງ(Pyong yang) ສປປເກົາຫລີ ເປັນປະເທດໜຶ່ງ ທີ່ຕັ້ງຢູ່ໃນອາຊີ ຕາເວັນອອກ ມີຊາຍແດນຕິດກັບ ຈີນ ແລະ ສ.ເກົາຫລີ. ມີເນື້ອທີ່ທັງໝົດ 121.125 ກິໂລແມັດ ກວມເອົາປະຊາກອນ ປະມານ 26,07 ລ້ານຄົນ(ໃນປີ 2022); ປະຊາຊົນສ່ວນໃຫຍ່ນັບຖື ສາສະໜາພຸດ ແລະ ລັດທິຂົງຈື້
ປະເທດສາທາ ລະນະລັດປະຊາທິປະໄຕ ປະຊາຊົນ ເກົາຫລີ (Democratic People's Republic of Korea: DPRK) ຫລື ເອີ້ນວ່າ ສ.ປປ ເກົາຫລີ (North Korea), ມີນະຄອນຫລວງຊື່ວ່າ: ພຽງຢາງ(Pyong yang) ສປປເກົາຫລີ ເປັນປະເທດໜຶ່ງ ທີ່ຕັ້ງຢູ່ໃນອາຊີ ຕາເວັນອອກ ມີຊາຍແດນຕິດກັບ ຈີນ ແລະ ສ.ເກົາຫລີ. ມີເນື້ອທີ່ທັງໝົດ 121.125 ກິໂລແມັດ ກວມເອົາປະຊາກອນ ປະມານ 26,07 ລ້ານຄົນ(ໃນປີ 2022); ປະຊາຊົນສ່ວນໃຫຍ່ນັບຖື ສາສະໜາພຸດ ແລະ ລັດທິຂົງຈື້; ໃຊ້ພາສາ ເກົາຫລີ ເປັນພາສາທາງການ; ຫົວໜ່ວຍສະກຸນເງິນວອນ. ແລະ ປະເທດ ສ ປປລາວ ໄດ້ສ້າງຕັ້ງ ສາຍພົວພັນ ການທູດຮ່ວມກັນ ນັບຕັ້ງແຕ່ວັນທີ 24.06.1974 ເປັນຕົ້ນມາ. ຫລັງຈາກນັ້ນ ທັງສອງຝ່າຍ ໄດ້ເອົາໃຈໃສ່ ເພີ່ມທະວີພັດທະນາ ສາຍພົວພັນຮ່ວມມືກັນ ໃຫ້ຈະເລີນເຕີບໃຫຍ່ ແລະ ແໜ້ນແຟ້ນຍິ່ງຂຶ້ນເລື້ອຍໆ. ສ່ວນວັນຊາດແມ່ນ ວັນທີ 9 ກັນຍາ.
ເສດຖະກິດ ສປປເກົາຫລີ ໄດ້ຈະເລີນເຕີບໂຕຂຶ້ນ ຢ່າງຕໍ່ເນື່ອງ, ໂດຍມີ ການປັບປຸງ ຈັດສັນພະລັງງານ ເພື່ອຮອງຮັບຄວາມຕ້ອງການ, ເພີ່ມປະສິດທິພາບ ໃນການຜະລິດຫລາຍຂື້ນ ທັງພາກກະສິກຳ, ອຸດສາຫະກຳ ແລະ ການຄ້າ ລະຫວ່າງປະເທດ ເຮັດໃຫ້ ລວມຍອດຜະລິດ ຕະພັນພາຍໃນ(GDP) ບັນລຸ 26,7 ລ້ານໂດລາສະຫະລັດ (ໃນປີ 2020); ສະເລ່ຍຕໍ່ຫົວຄົນ 1.000 ກວ່າໂດລາສະຫະລັດຕໍ່ປີ; ອັດຕາການຈະເລີນເຕີບໂຕ ທາງດ້ານເສດຖະກິດ-4,5% ຕໍ່ປີ. ມູນຄ່າການສົ່ງອອກ 90 ລ້ານໂດລາສະຫະລັດຕໍ່ປີ ເຊັ່ນ: ແຮ່ທາດ, ຜະລິດຕະພັນໂຮງງານ; ສ່ວນມູນຄ່າການນຳເຂົ້າ 770 ລ້ານໂດລາ ສະຫະລັດຕໍ່ປີ, ປະເພດ ປິໂຕລ່ຽມ , ເຄື່ອງກົນຈັກ ແລະ ອຸປະກອນຕ່າງໆ. ສ່ວນປະເທດຄູ່ການຄ້າ ທີ່ສຳຄັນຄື: ຈີນ, ສ.ເກົາຫລີ ແລະ ອື່ນໆຕາມລຳດັບ.
ນອກຈາກນັ້ນ ຍັງມີສະຖານທີ່ສວຍງາມຫລາຍແຫ່ງ ເຊັ່ນ ສະຖານີລົດໄຟໃຕ້ດິນ ທີ່ສວຍງາມຕິດອັນດັບ 1 ໃນ 10 ຂອງໂລກ ມີຄວາມເລີກເຖິງ 110 ແມັດ; ສະໜາມກິລາເມຍເດຍ ບັນຈຸຄົນ ໄດ້ເຖິງ 1,5 ແສນຄົນ; ມັນຢອງເດ ວັງເຍົາວະຊົນໃຫຍ່ທີ່ສຸດ ໃນປະເທດມີຫ້ອງຮຽນເຖິງ 120 ຫ້ອງ ແລະ ອື່ນໆ./.
ໂດຍ: ດາວັນ
KPL
