ຂປລ
ຂປລ. ໃນວັນທີ 26 ມິຖຸນາ 2024 ຢູ່ນະຄອນຫລວງວຽງຈັນ, ທ່ານ ພົທ ກົງທອງ ພົງວິຈິດ ຮອງລັດຖະມົນຕີກະຊວງປ້ອງກັນຄວາມສະຫງົບ (ປກສ) ໄດ້ໃຫ້ກຽດຕ້ອນຮັບການເຂົ້າພົບປະຂອງ ຄະນະຜູ້ແທນ ກອງປະຊຸມເຈົ້າໜ້າທີ່ອາວຸໂສອາຊຽນ ວ່າດ້ວຍອາຊະຍາກໍາ ຂ້າມຊາດ ຄັ້ງທີ 24 ເຊິ່ງນໍາໂດຍ ທ່ານ ພົຕ ສຸລິນະ ແກ້ວປະເສີດ ຫົວໜ້າຫ້ອງວ່າການກະຊວງ ປກສ, ປະທານກອງປະຊຸມ, ທັງເປັນຫົວໜ້າເຈົ້າໜ້າທີ່ອາວຸໂສ ຮັບຜິດຊອບວຽກງານຕ້ານອາຊະຍາກໍາຂ້າມຊາດ ຂອງ ສປປ ລາວ.
ຂປລ. ໃນວັນທີ 26 ມິຖຸນາ 2024 ຢູ່ນະຄອນຫລວງວຽງຈັນ, ທ່ານ ພົທ ກົງທອງ ພົງວິຈິດ ຮອງລັດຖະມົນຕີກະຊວງປ້ອງກັນຄວາມສະຫງົບ (ປກສ) ໄດ້ໃຫ້ກຽດຕ້ອນຮັບການເຂົ້າພົບປະຂອງ ຄະນະຜູ້ແທນ ກອງປະຊຸມເຈົ້າໜ້າທີ່ອາວຸໂສອາຊຽນ ວ່າດ້ວຍອາຊະຍາກໍາ ຂ້າມຊາດ ຄັ້ງທີ 24 ເຊິ່ງນໍາໂດຍ ທ່ານ ພົຕ ສຸລິນະ ແກ້ວປະເສີດ ຫົວໜ້າຫ້ອງວ່າການກະຊວງ ປກສ, ປະທານກອງປະຊຸມ, ທັງເປັນຫົວໜ້າເຈົ້າໜ້າທີ່ອາວຸໂສ ຮັບຜິດຊອບວຽກງານຕ້ານອາຊະຍາກໍາຂ້າມຊາດ ຂອງ ສປປ ລາວ.
ໂອກາດນີ້ ທ່ານ ພົຕ ສຸລິນະ ແກ້ວປະເສີດ ໄດ້ລາຍງານສະພາບຄວາມພ້ອມ ແລະ ບັນຫາສໍາຄັນທີ່ຈະໄດ້ມີການປຶກສາຫາລື ແລະ ແລກປ່ຽນບົດຮຽນນໍາກັນ ຂອງບັນດາເຈົ້າໜ້າທີ່ອາວຸໂສ ທີ່ຮັບ ຜິດຊອບວຽກງານຕ້ານອາຊະຍາກໍາຂ້າມຊາດ ຈາກບັນດາປະເທດ ສະມາຊິກອາຊຽນ, ປະເທດສັງເກດການ ແລະ ຄູ່ຮ່ວມເຈລະຈາ ຢູ່ໃນກອງປະຊຸມເຈົ້າໜ້າທີ່ອາວຸໂສອາຊຽນ ວ່າດ້ວຍອາຊະຍາກໍາຂ້າມຊາດຄັ້ງທີ 24 ທີ່ ສປປ ລາວ ເປັນເຈົ້າພາບ ເຊິ່ງມີຫລາຍບັນຫາທີ່ຈະຕ້ອງໄດ້ຮ່ວມມືກັນໃນຕໍ່ໜ້າ ແນໃສເຮັດໃຫ້ພາກພື້ນ ແລະ ສາກົນ ມີຄວາມສະຫງົບ.
ພ້ອມກັນນີ້, ທ່ານ ພົທ ກົງທອງ ພົງວິຈິດ ກໍໄດ້ສະແດງຄວາມຍິນດີຕ້ອນຮັບ ແລະ ຊົມເຊີຍ ຕໍ່ບັນດາຄະນະຜູ້ແທນທີ່ເດືນທາງມາເຂົ້າຮ່ວມກອງປະຊຸມໃນຄັ້ງນີ້, ພ້ອມທັງສະແດງຄວາມເຊື່ອໝັ້ນວ່າກອງປະຊຸມໃນຄັ້ງນີ້, ຈະເຮັດໃຫ້ວຽກງານການພົວພັນຮ່ວມມື ລະຫວ່າງ ປະເທດສະມາຊິກອາຊຽນ, ປະເທດສັງເກດການ ແລະ ບັນດາປະເທດຄູ່ຮ່ວມເຈລະຈາ ຕໍ່ກັບການສະກັດກັ້ນ ແລະ ຕ້ານອາຊະຍາກໍາຂ້າມຊາດ ໄດ້ຮັບການຈັດຕັ້ງປະຕິບັດຢ່າງມີປະສິດທິຜົນ ແລະ ຈະເປັນບາດກ້າວ ທີ່ສໍາຄັນໃນການສ້າງພາກພື້ນອາຊຽນ ກໍຄື ສາກົນໃຫ້ມີຄວາມສະຫງົບ, ເປັນລະບຽບຮຽບຮ້ອຍ ເຊິ່ງຈະເປັນພື້ນຖານໃຫ້ແກ່ ການພັດທະນາ ເສດຖະກິດ-ສັງຄົມ ຂອງພາກພື້ນອາຊຽນ ໃຫ້ເຕີບໃຫຍ່ຂະຫຍາຍຕົວຢ່າງບໍ່ຢຸດຢັ້ງ.
ຂ່າວ: ກິດຕາ
ພາບ: ອ່າຍຄຳ
KPL