ຂປລ
ຂໍ້ມູນສະຖິຕິ ຈາກລັດຖະບານ ນູແວນເຊລັງ ເປີດເຜີຍວ່າ: ຊາວນູແວນເຊລັງ ສູນເສຍເງິນເກືອບ 117,3 ລ້ານໂດລາສະຫະລັດ ໃຫ້ກັບ ສະແກມເມີຣ ຫລື ເປັນວິຊາຊີບ ທີ່ຫລອກລວງປະຊາຊົນ ທາງອອນລາຍ ໃນປີ 2023, ຂະນະທີ່ ການສໍ້ໂກງ ທາງການເງິນ ອອນລາຍ ກາຍເປັນບັນຫາ ທີ່ພົບຫລາຍຂຶ້ນ ໃນນູແວນເຊລັງ.
ຂປລ.ສຳນັກຂ່າວ ຊິນຮວາຂອງ ສປຈີນ, ຂໍ້ມູນສະຖິຕິ ຈາກລັດຖະບານ ນູແວນເຊລັງ ເປີດເຜີຍວ່າ: ຊາວນູແວນເຊລັງ ສູນເສຍເງິນເກືອບ 117,3 ລ້ານໂດລາສະຫະລັດ ໃຫ້ກັບ ສະແກມເມີຣ ຫລື ເປັນວິຊາຊີບ ທີ່ຫລອກລວງປະຊາຊົນ ທາງອອນລາຍ ໃນປີ 2023, ຂະນະທີ່ ການສໍ້ໂກງ ທາງການເງິນ ອອນລາຍ ກາຍເປັນບັນຫາ ທີ່ພົບຫລາຍຂຶ້ນ ໃນນູແວນເຊລັງ. ທ່ານ ແອນດຣີວ ເບຍລີ(Andrew Bailey), ລັດຖະມົນຕີ ການກະຊວງ ການຄ້າ ແລະ ກິດຈະການ ຜູ້ບໍລິໂພກຂອງ ນູແວນເຊລັງ ລະບຸວ່າ: ປັດຈຸບັນ ມີການລາຍງານ ກໍລະນີການສໍ້ໂກງ ພຽງປະມານ 1 ໃນ 5 ເທົ່ານັ້ນ, ແຕ່ຄວາມເສຍຫາຍ ທີ່ເກີດຂຶ້ນຈິງ ກັບຊາວນູແວນເຊລັງ ອາດຈະສູງກວ່ານີ້.
ການພັດທະນາ ຢ່າງວອງໄວຂອງ ເຕັກໂນໂລຊີ ດີຈີຕອນ ແລະ ຄວາມຊັບຊ້ອນ ຂອງການສໍ້ໂກງ ທາງອອນລາຍຊຶ່ງສ່ວນໃຫຍ່ ມີຕົ້ນຕໍມາຈາກ ຕ່າງປະເທດ ເປັນອຸປະສັກ ສຳລັບ ພາກອຸດສາຫະກຳ ແລະ ພາກລັດ ໃນການກວດຈັບ ປ້ອງກັນ ແລະ ຮັບມືການ ຫລອກຫລວງ ຢ່າງຜິດກົດໝາຍ./.
KPL
