ຂປລ
ລັດຖະບານ ຍີ່ປຸ່ນ ພິຈາລະນາ ການເພີ່ມມາດຕະການ ປ້ອງກັນ ອາຊະຍະກຳ ງານສັນຍາຈ້າງ ວຽກນອກເວລາ ຫລື part-time ແບບຜິດກົດໝາຍ ຊຶ່ງກາຍເປັນບັນຫາ ສັງຄົມທີ່ ຂະຫຍາຍຕົວ ເພີ່ມຂຶ້ນ
ຂປລ.ສຳນັກຂ່າວ ຊິນຮວາຂອງ ສປຈີນ, ລັດຖະບານ ຍີ່ປຸ່ນ ພິຈາລະນາ ການເພີ່ມມາດຕະການ ປ້ອງກັນ ອາຊະຍະກຳ ງານສັນຍາຈ້າງ ວຽກນອກເວລາ ຫລື part-time ແບບຜິດກົດໝາຍ ຊຶ່ງກາຍເປັນບັນຫາ ສັງຄົມທີ່ ຂະຫຍາຍຕົວ ເພີ່ມຂຶ້ນ, ໂດຍມາດຕະການໃໝ່ ອາດຈະປະກອບດ້ວຍ ເງິນອຸດໜູນ ສຳລັບ ສິ່ງຕິດຕັ້ງ ທີ່ຢູ່ອາໄສ ທີ່ມີຄວາມປອດໄພສູງ ແລະ ການສະໜັບ ສະໜູນ ທາງການເງິນ ໃຫ້ແກ່ ກຸ່ມຊຸມຊົນ ທີ່ເຮັດການລາດຕະເວນ.
ລັດຖະບານ ຍີ່ປຸ່ນ ຈະພະຍາຍາມ ເສີມສ້າງ ການລາດຕະເວນ ທາງໄຊເບີ ເພື່ອເຝົ້າລະວັງ ຕິດຕາມ ແລະ ຈັດການກັບ ກິດຈະການ ຮັບສະໝັກງານ ອັນຜິດກົດໝາຍ ເທິງໂລກອອນລາຍ ພ້ອມທັງ ປະສານງານ ກັບເວັບໄຊ ຫາງານ ແລະ ແພດຟອມ ສື່ສັງຄົມ ອອນລາຍ ເພື່ອກຳຈັດໂພດສ ຮັບສະໝັກງານ ທີ່ຜິດກົດໝ!ຍ ຕາມຄຳຮຽກຮ້ອງ ຈາກໜ່ວຍງານ ສືບສວນ ສອບສວນ ຂອງທາງການ ຍີ່ປຸ່ນ.
ຂະນະທີ່ ການພິຈາລະນາ ມາດຕະການໃໝ່ ຈະເຂົ້າສູ່ ຂໍ້ສະຫລຸບ ພາຍໃນອາທິດນີ້ ເພື່ອຮັບຮອງ ຄວາມປອດໄພ ສາທາລະນະ ແລະ ແກ້ໄຂ ຂໍ້ວິກິດກັງວົນ ອາຊະຍະກຳ ທີ່ກ່ຽວກັບ ງານສັນຍາຈ້າງ ບໍ່ເຕັມເວລາ ທີ່ຜິດກົດໝາຍ./.
KPL
