ຍ້ອນມີພັກນຳພາ ທຸກວຽກງານຈຶ່ງໄດ້ຮັບການພັດທະນາ

26/03/2025 10:50
Email Print 667
ຂປລ ເນື່ອງໃນໂອກາດວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 70 ປີ (22 ມີນາ 1955- 22 ມີນາ 2025), ທົ່ວປະເທດ ໄດ້ພ້ອມກັນສະເຫລີມສະຫລອງໂຮມຊຸມນຸມວັນດ່ັງກ່າວ ຢ່າງມີຄວາມໝາຍເລິກເຊ່ິງ.

    *ເນື່ອງໃນໂອກາດວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 70 ປີ  (22 ມີນາ 1955- 22 ມີນາ 2025), ທົ່ວປະເທດ ໄດ້ພ້ອມກັນສະເຫລີມສະຫລອງໂຮມຊຸມນຸມວັນດ່ັງກ່າວ ຢ່າງມີຄວາມໝາຍເລິກເຊ່ິງ. ໃນນ້ັນ, ໄດ້ມີການຈັດຕັ້ງຫວນຄືນມູນເຊື້ອ ການກຳເນີດ, ການນຳພາຂອງ ພັກປະຊາຊົນ ປະຕິວັດລາວ, ວາງພວງມາລາຕໍ່ຮູບປັ້ນອະດີດການນຳ, ອະນຸສາວະວີນັກຮົບວິລະນານ, ມອບຫລຽນ 70 ປີ ໃຫ້ການນຳ ພັກ-ລັດ, ອະດີດການນຳພັກ-ລັດຢ່າງຟົດຟື້ນ, ສະແດງຮູບພາບການເຄື່ອນໄຫວຂອງພັກໃນໄລຍະຜ່ານມາເຖິງປັດຈຸບັນ. 

     ໃນໂອກາດສະເຫລີມສະຫລອງວັນສ້າງຕັ້ງພັກ ປປລາວ ຄົບຮອບ 70 ປີ ຢູ່ນະຄອນຫລວງວຽງຈັນ, ສະມາຊິກພັກຫລາຍສະຫາຍກໍ່ໄດ້ຫ້ໂອກາດໃຫ້ຜູ້ສືຂ່າວໄດ້ສຳພາດ ທັດສະນະຂອງຕົນຕ່ໍການນຳພາຂອງພັກໃນໄລຍະ 70 ປີມານີ້. ໜຶ່ງໃນນີ້ ກໍ່ແມ່ນສະຫາຍ ຕູ້ຊົ່ງ ບົວສີຕົ່ງ ສືຫົວໜ້າກົມພັດທະນາວຽກງານສະພາ, ກຳມາທິການວຽກງານສະມາຊິກສະພາແຫ່ງຊາດ ໄດ້ໃຫ້ສຳພາດໃນໂອກາດເຂົ້າຮ່ວມຊຸມນຸມວັນສ້າງຕັ້ງພັກ ປປ ລາວ ຄົບຮອບ 70 ທີ່ຫໍປະຊຸມແຫ່ງຊາດວ່າ: ນັບແຕ່ພັກປະຊາຊົນ ປະຕິວັດລາວ ໄດ້ມີການສ້າງຕັ້ງຂຶ້ນໃນວັນ 22 ມີນາ ປີ 1955 ມາຮອດປັດຈຸບັນນີ້, ພັກໄດ້ນຳພາປວງຊົນລາວທັງຊາດຕໍ່ສູ້ກູ້ຊາດ, ປົດປ່ອຍປະເທດຊາດ ຈົນໃນທີ່ສຸດກໍ່ສາມາດປົດປ່ອຍ ປະເທດຊາດ ແລະ ກອບກູ້ເອົາຜືນແຜ່ນດິນອັນຄົບຖ້ວນມາສູ່ກຳມືຂອງປະຊາຊົນ. ຫລັງຈາກນັ້ນ, ກໍ່ໄດ້ມີ ການວາງແນວທາງປ່ຽນແປງໃໝ່ ໃນແຕ່ລະໄລຍະຕິດພັນກັບການປົກປັກຮັກສາ ແລະ ສ້າງສາພັດທະນາປະເທດຊາດ ເຊິ່ງໜຶ່ງໃນນັ້ນອັນສຳຄັນທີ່ສຸດແມ່ນໄດ້ຊີ້ນຳ-ນຳພາວຽກງານການເມືອງແນວຄິດໃຫ້ແກ່ສະມາຊິກພັກ, ພະນັກງານ-ລັດຖະກອນ, ປະຊາຊົນບັນດາເຜົ່າຕ່ໍເນ່ືອງອັນເຮັດໃຫ້ທົ່ວສັງຄົມມີຄວາມຮັບຮູ້ເຂົ້າໃຈທັງເຮັດໃຫ້ປະເທດຂອງພວກເຮົາມີຄວາມສະຫງົບໂດຍພື້ນຖານ, ຊີວິດການເປັນຢູ່ຂອງພໍ່ແມ່ປະຊາຊົນ ມີຢູ່ມີກິນມີການພັດທະນາດີຂຶ້ນ, ເສດຖະກິດມີການຂະຫຍາຍຕົວຕໍ່ເນື່ອງ, ພື້ນຖານໂຄງລ່າງຕ່າງໆ, ເສັ້ນທາງຄົມມະນາຄົມຂຶ້ນເໜືອລົງໃຕ້ໄດ້ຮັບການພັດທະນາດີຂຶ້ນເຮັດໃຫ້ການໄປມາສະດວກສະບາຍ (ເມື່ອທຽບໃສ່ໄລຍະກ່ອນໆ), ລູກຫລານຂອງປະຊາຊົນບັນດາເຜົ່າໄດ້ເຂົ້າໂຮງຮຽນ, ຮຽນວິຊາສະເພາະທັງພາຍໃນ ແລະ ຕ່າງປະເທດ ທັງໄດ້ປະກອບເຂົ້າ ເປັນພະນັກງານ- ລັດຖະກອນຢູ່ຂັ້ນຕ່າງໆນັບແຕ່ທ້ອງຖ່ິນຮອດສູນກາງ ໂດຍທ່ີແນວທາງຂອງພັກເຮົາບໍ່ໄດ້ຈຳແນກເພດ, ເຜົ່າເຊິ່ງທັງໝົດນີ້ແມ່ນຜົນງານອັນໃຫຍ່ຫລວງ ແລະ ແນວທາງອັນຖືກຕ້ອງຂອງພັກ-ລັດໃນແຕ່ລະໄລຍະ. 

    ທ່ານ ຕູ້ຊົ່ງ ບົວສີຕົ່ງສື ກ່າວຕື່ມວ່າ: ພາຍໃຕ້ການນຳພາຂອງພັກ ເຮັດໃຫ້ປະເທດຊາດມີການພັດທະນາ, ມີຄວາມສະຫງົບດັ່ງທ່ີກ່າວມານັ້ນ, ຢາກຮຽກຮ້ອງໃຫ້ພໍ່ແມ່ປະຊາຊົນບັນດາເຜົ່າ ມີຄວາມອຸ່ນອ່ຽງທຸ່ນທ່ຽງເຊື່ອໝັ້ນຕໍ່ການນຳພາຂອງພັກ, ພ້ອມກັນຈັດຕັ້ງປະຕິບັດ, ທຳມາຫາກິນໃຫ້ຖືກຕາມແນວທາງນະໂຍບາຍຂອງພັກວາງອອກ. ພ້ອມນີ້, ບໍ່ຕ້ອງໄປເຊື່ອການຕົວະຍົວະຂອງກຸ່ມຄົນບ່ຫວັງດີຍຸແຍ່ສ້າງຄວາມປັ່ນປ່ວນຂອງຄົນພາຍນອກຫວັງທຳລາຍ ຄວາມສາມັກຄີພາຍໃນປະເທດຂອງພວກເຮົາ; ພວກເຮົາຕ້ອງມີຄວາມເຊ່ືອໝ້ັນຕ່ໍການນຳພາຂອງການນຳພັກ-ລັດຖະບານຂອງພວກເຮົາ, ພ້ອມກັນສ້າງສາພັດທະນາປະເທດຊາດໃຫ້ມີຄວາມຈະເລີນກ້າວໜ້າທັງເຮັດໃຫ້ປະເທດຂອງພວກເຮົາມີຄວາມສະຫງົບ, ຊີວິດການເປັນຢູ່ຂອງປະຊາຊົນໄດ້ຮັບການປັບປຸງດີຂຶ້ນກ້າວໄປສູ່ການຫລຸດພົ້ນອອກຈາກຄວາມທຸກຍາກເທ່ືອລະກ້າວທັງຫລຸດພ້ົນອອກຈາກປະເທດດ້ອຍພັດທະນາຕາມແນວທາງຂອງພັກວາງອອກ.  

                ໂດຍ: ຢ່າຕົ່ງໂດຍ: ຢ່າຕົ່ງ

KPL

ຂ່າວອື່ນໆ

    • ການເຕີບໃຫຍ່ຂະຫຍາຍຕົວຂອງກຳລັງປ້ອງກັນຄວາມສະຫງົບບົດ-ສາລະຄະດີ

      ການເຕີບໃຫຍ່ຂະຫຍາຍຕົວຂອງກຳລັງປ້ອງກັນຄວາມສະຫງົບ

      4/2/2025 9:56:26 AM

      ໄລຍະແຕ່ປີ 1961 - 1973, ແມ່ນໄລຍະແຫ່ງການຕໍ່ສູ້ປົກປັກຮັກສາ 2 ແຂວງເຕົ້າໂຮມ ແລະ ຕີເອົາຊະນະຍຸດທະສາດສົງຄາມພິເສດ, ສົງຄາມພິເສດເພີ່ມທະວີ ຂອງພວກລ່າເມືອງຂຶ້ນແບບໃໝ່.

    • ຍ້ອນມີພັກນຳພາ ປະເທດຊາດຈຶ່ງມີຄວາມໝັ້ນຄົງເຕີບໃຫຍ່ ແລະ ເຂັ້ມແຊງບົດ-ສາລະຄະດີ

      ຍ້ອນມີພັກນຳພາ ປະເທດຊາດຈຶ່ງມີຄວາມໝັ້ນຄົງເຕີບໃຫຍ່ ແລະ ເຂັ້ມແຊງ

      4/2/2025 9:48:34 AM

      ອີງຕາມການໃຫ້ຮູ້ຂອງທ່ານ ແກ້ວ ລີບຸດດາຄໍາ ອະດີດເຈົ້າເມືອງ ບົວລະພາ (ເຊິ່ງເປັນເມືອງທີ່ໄດ້ຮັບນາມມະຍົດເປັນເມືອງວິລະຊົນ) ປັດຈຸບັນທ່ານຍັງປະຕິບັດໜ້າທ່ີເປັນປະທານສະຫະພັນນັກຮົບເກົ່າ ເມືອງບົວລະພາ ແຂວງຄຳມ່ວນ ໄດ້ສະແດງຄວາມຮູ້ສຶກຕໍ່ວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 70 ປີ (22 ມີນາ 1955-22 ມີນາ 2025).

    • ວິທີແກ້ອາການທ້ອງບິດບົດ-ສາລະຄະດີ

      ວິທີແກ້ອາການທ້ອງບິດ

      4/2/2025 9:41:49 AM

      ອາການເຈັບທ້ອງບິດ ແມ່ນມີສາເຫດເກີດມາຈາກການທີ່ອາຫານໃນລໍາໄສ້ໃຫຍ່ບໍ່ໄດ້ຖ່າຍເທມາຫລາຍມື້ ຫລື ອີກສາເຫດໜຶ່ງ ແມ່ນເກີດມາຈາກຄວາມຕຶງຄຽດໃນການໃຊ້ຊີວິດປະຈຳວັນຂອງເຮົາເອງ.

    • ປູກກາເຟຂາຍ ລາຍໄດ້ດີບົດ-ສາລະຄະດີ

      ປູກກາເຟຂາຍ ລາຍໄດ້ດີ

      4/1/2025 10:43:15 AM

      ກາເຟ ແມ່ນເຄື່ອງດື່ມຍອດນິຍົມຂອງຄົນທ່ົວໂລກກ່ໍວ່າໄດ້, ສະນັ້ນ ຈຶ່ງເຮັດໃຫ້ກາເຟເປັນສິນຄ້າຍອດນິຍົມທີ່ປະຊາຊົນນິຍົມປູກ ເພາະ ວ່າໄດ້ລາຄາດີ ແລະ ເປັນທ່ີຕ້ອງການຂອງຕະຫລາດທັງພາຍໃນ ແລະ ຕ່າງປະເທດ.

    • ປະຫວັດຄວາມເປັນມາ ຂອງນາງສັງຂານບົດ-ສາລະຄະດີ

      ປະຫວັດຄວາມເປັນມາ ຂອງນາງສັງຂານ

      4/1/2025 10:25:22 AM

      ອີກບໍ່ພໍເທົ່າໃດມື້, ບຸນປີໃໝ່ລາວ ຫລື ກຸດສົງການໄດ້ໝູນວຽນມາອີກເທື່ອໜຶ່ງ ເຊິ່ງແຕ່ລະປີໄລຍະບຸນປີໃໝ່ລາວ ກໍ່ຈະມີຫລາຍກິດຈະກໍາທີ່ປະຊາຊົນລາວຊາວພຸດ ທີ່ເຄີຍສືບທອດກັນມາແຕ່ບູຮານນະການ ແລະ ໜຶ່ງໃນກິດຈະກໍາທີ່ຈັດຂຶ້ນທຸກໆປີນັ້ນກໍຄືການແຫ່ນາງສັງ ຂານ ທີ່ສືບທອດກັນມາແຕ່ດົນນານ ເພື່ອເປັນການສືບທອດປະເພນີອັນດີງາມໃຫ້ຢູ່ຄຽງຄູ່ກັບວັດທະນະທໍາລາວຕະຫລອດໄປ.

ads
ads

Top