ຂປລ
ຂປລ. ເມື່ອບໍ່ດົນມານີ້, ຢູ່ສໍານັກງານໃຫຍ່ອົງການການຄ້າໂລກ (WTO) ທີ່ເຊີແນວ ປະເທດສະວິດ, ທ່ານ ດາວວີ ວົງໄຊ ເອກອັກຄະລັດຖະທູດ, ຜູ້ຕາງໜ້າຖາວອນແຫ່ງ ສປປ ລາວ ປະຈຳຫ້ອງ ການ ສປຊ ແລະ ອົງການຈັດຕັ້ງສາກົນອື່ນໆທີ່ເຊີແນວ ໄດ້ເຂົ້າພົບປະ ແລະ ຍື່ນສານຕາຕັ້ງຕໍ່ ທ່ານ ນາງ ເອັນໂກຊີ ໂອກົນໂຈອີວຽນລາ (Ngozi Okonjo-Iweala) ຜູ້ອຳນວຍການໃຫຍ່ອົງການການຄ້າໂລກ
ຂປລ. ເມື່ອບໍ່ດົນມານີ້, ຢູ່ສໍານັກງານໃຫຍ່ອົງການການຄ້າໂລກ (WTO) ທີ່ເຊີແນວ ປະເທດສະວິດ, ທ່ານ ດາວວີ ວົງໄຊ ເອກອັກຄະລັດຖະທູດ, ຜູ້ຕາງໜ້າຖາວອນແຫ່ງ ສປປ ລາວ ປະຈຳຫ້ອງ ການ ສປຊ ແລະ ອົງການຈັດຕັ້ງສາກົນອື່ນໆທີ່ເຊີແນວ ໄດ້ເຂົ້າພົບປະ ແລະ ຍື່ນສານຕາຕັ້ງຕໍ່ ທ່ານ ນາງ ເອັນໂກຊີ ໂອກົນໂຈອີວຽນລາ (Ngozi Okonjo-Iweala) ຜູ້ອຳນວຍການໃຫຍ່ອົງການການຄ້າໂລກ ເພື່ອດຳລົງຕໍາແໜ່ງເປັນເອກອັກຄະລັດຖະທູດ, ຜູ້ຕາງໜ້າຖາວອນແຫ່ງ ສປປ ລາວ ປະຈໍາອົງການການຄ້າໂລກ.
ໃນໂອກາດດັ່ງກ່າວ, ທ່ານຜູ້ອໍານວຍການໃຫຍ່ ອົງການການຄ້າໂລກ ໄດ້ສະແດງຄວາມຊົມເຊີຍ ແລະ ຍິນດີຕໍ່ ທ່ານ ດາວວີ ວົງໄຊ ທີ່ໄດ້ຮັບການແຕ່ງຕັ້ງໃຫ້ດຳລົງຕໍາແໜ່ງເປັນ ເອກອັກຄະລັດຖະທູດ, ຜູ້ຕາງໜ້າຖາວອນແຫ່ງ ສປປ ລາວ ປະຈຳອົງການການຄ້າໂລກ ໃນຄັ້ງນີ້, ພ້ອມທັງໄດ້ຢືນຢັນທີ່ຈະໃຫ້ ການຮ່ວມມືຢ່າງໃກ້ຊິດ ເພື່ອສະໜັບສະໜູນຄວາມພະຍາຍາມຂອງລັດຖະບານລາວ ໃນການພັດທະ ນາເສດຖະກິດ-ສັງຄົມ ໂດຍສະເພາະວຽກງານການຄ້າ, ລວມທັງການຫລຸດພົ້ນອອກຈາກສະຖານະພາບປະເທດດ້ອຍພັດທະນາໃນຕໍ່ໜ້າ ພາຍໃຕ້ຂອບວຽກ ຂອງອົງການການຄ້າໂລກ.
ພ້ອມກັນນີ້, ທ່ານ ດາວວີ ວົງໄຊ ກໍໄດ້ສົ່ງຄວາມຢື້ຢາມຖາມຂ່າວ ແລະ ຄໍາຊົມເຊີຍຢ່າງຈິງໃຈຈາກການນຳຂອງ ສປປ ລາວ ມາຍັງ ທ່ານ ນາງ ເອັນໂກຊີ ໂອກົນໂຈອີວຽນລາ ທີ່ໄດ້ຮັບການແຕ່ງຕັ້ງໃຫ້ສືບຕໍ່ດຳລົງຕໍາແໜ່ງເປັນ ຜູ້ອໍານວຍການໃຫຍ່ອົງການການຄ້າໂລກ ເປັນສະໄໝທີສອງ ເຊິ່ງເປັນຜູ້ ຍິງຄົນທໍາອິດຈາກທະວີບອາຟຣິກກາ ທີ່ໄດ້ຮັບຕໍາແໜ່ງດັ່ງກ່າວ. ພ້ອມນີ້, ຍັງໄດ້ສະແດງຄວາມຊົມເຊີຍ ແລະ ຂອບໃຈອົງການການຄ້າໂລກ ທີ່ໄດ້ປະຕິບັດພາລະບົດບາດອັນສໍາຄັນຍິ່ງໃນການສົ່ງເສີມວຽກງານດ້ານການຄ້າໂລກ ແລະ ວຽກງານທີ່ປິ່ນອ້ອມໃນໄລຍະຜ່ານມາ ອັນໄດ້ປະກອບສ່ວນສຳຄັນເຂົ້າໃນການພັດທະນາເສດຖະກິດ-ສັງຄົມ ຂອງບັນດາປະເທດສະມາຊິກ ໂດຍສະເພາະ ການສະໜັບສະໜູນຊ່ວຍເຫລືອ ສປປ ລາວ ນັບແຕ່ໄດ້ເຂົ້າເປັນສະມາຊິກອົງການການຄ້າໂລກ ໃນປີ 2013 ເປັນຕົ້ນມາ. ນອກຈາກນັ້ນ, ທ່ານ ດາວວີ ວົງໄຊ ກໍໄດ້ຢືນຢັນຄືນນະໂຍບາຍອັນສະເໝີຕົ້ນສະເໝີປາຍ ຂອງລັດຖະ ບານແຫ່ງ ສປປ ລາວ ໃນການສະໜັບສະໜູນລະບົບການຄ້າແບບຫລາຍຝ່າຍ ບົນພື້ນຖານລະບຽບຫລັກ, ການສາກົນ ແລະ ສະແດງຄວາມພ້ອມທີ່ຈະຮ່ວມເຮັດວຽກກັບອົງການການຄ້າໂລກ ໃຫ້ໃກ້ ຊິດ ແລະ ມີປະສິດທິຜົນຍິ່ງຂຶ້ນ, ລວມທັງການກະກຽມໃຫ້ແກ່ການທົບທວນນະໂຍບາຍດ້ານການຄ້າ ຮອບວຽນທີ 2 ຂອງ ສປປລາວ ໃນປີ 2026.
KPL
