ຂປລ
ຂປລ. ເປີດການນຳໃຊ້ໂຄງລ່າງພື້ນຖານ ສຳລັບການປຸງແຕ່ງແນວພັນເຂົ້າ ຂອງໂຄງການສ້າງພື້ນ ຖານໃຫ້ແກ່ການຜະລິດເຂົ້າທັນສະໄໝ ຢູ່ ສປປ ລາວ ຈັດຂຶ້ນເມື່ອບໍ່ດົນມານີ້, ທີ່ບ້ານໝາກຮຽວ ເມືອງປາກງື່ມ ນະຄອນຫລວງວຽງຈັນ ໂດຍການເປັນປະທານຮ່ວມຂອງ ທ່ານ ນາງ ຈັນທະຄອນ ບົວລະພັນ ຮອງລັດຖະມົນຕີ ກະຊວງກະສິກໍາ ແລະ ສິ່ງແວດລ້ອມ, ທ່ານ ຈຸງ ຢັງ ຊູ ເອກອັກຄະລະຊະທູດ ສ ເກົາຫລີ ປະຈຳ ສປປ ລາວ ແລະ ພາກສ່ວນກ່ຽວຂ້ອງເຂົ້າຮ່ວມ.
ຂປລ. ເປີດການນຳໃຊ້ໂຄງລ່າງພື້ນຖານ ສຳລັບການປຸງແຕ່ງແນວພັນເຂົ້າ ຂອງໂຄງການສ້າງພື້ນ ຖານໃຫ້ແກ່ການຜະລິດເຂົ້າທັນສະໄໝ ຢູ່ ສປປ ລາວ ຈັດຂຶ້ນເມື່ອບໍ່ດົນມານີ້, ທີ່ບ້ານໝາກຮຽວ ເມືອງປາກງື່ມ ນະຄອນຫລວງວຽງຈັນ ໂດຍການເປັນປະທານຮ່ວມຂອງ ທ່ານ ນາງ ຈັນທະຄອນ ບົວລະພັນ ຮອງລັດຖະມົນຕີ ກະຊວງກະສິກໍາ ແລະ ສິ່ງແວດລ້ອມ, ທ່ານ ຈຸງ ຢັງ ຊູ ເອກອັກຄະລະຊະທູດ ສ ເກົາຫລີ ປະຈຳ ສປປ ລາວ ແລະ ພາກສ່ວນກ່ຽວຂ້ອງເຂົ້າຮ່ວມ.
ທ່ານ ເພັດມະນີແສງ ຊ້າງໄຊຍະສານ ຮັກສາການຫົວໜ້າສະຖາບັນຄົ້ນຄວ້າກະສິກໍາ, ປ່າໄມ້ ແລະ ພັດທະນາຊົນນະບົດ ໄດ້ລາຍງານຄວາມຄືບໜ້າ ການຈັດຕັ້ງປະຕິບັດໂຄງການດັ່ງກ່າວ ໂດຍໄດ້ລົງມືຈັດຕັ້ງໃນປີ 2023 ຢູ່ 3 ບ້ານຄື: ບ້ານນາຊາ, ໝາກຮຽວ ແລະ ບ້ານໝາກນາວເໜືອ ເມືອງປາກ ງື່ມ ນະຄອນຫລວງວຽງຈັນ ໄລຍະການຈັດຕັ້ງປະຕິບັດ 5 ປີ (2023-2027) ລວມມູນຄ່າໂຄງການ 3.850.000 ໂດລາສະຫາລັດ, ມີປະຊາຊົນໄດ້ຮັບຜົນປະໂຫຍດ 693 ຄອບຄົວ, ເນື້ອທີ່ນາ ຈະໄດ້ຮັບການປັບຈາກນາໄຮ່ນ້ອຍ ເປັນນາໄຮ່ໃຫຍ່ ປະມານ 723 ເຮັກຕາ ກວມເອົາ 80% ຂອງຈໍານວນເນື້ອທີ່ນາປີທັງໝົດ 904 ເຮັກຕາ. ຜົນການຈັດຕັ້ງປະຕິບັດໂຄງການ ໄດ້ສໍາເລັດການຕິດຕັ້ງໂຮງອົບເຂົ້າເປືອກ 3 ຫົວໜ່ວຍ, ສາມາດອົບເຂົ້າໄດ້ສະເລ່ຍ 45 ໂຕນ/ມື້ພ້ອມໂຮງເຮືອນ, ຕິດຕັ້ງເຄື່ອງສີເຂົ້າ ທີ່ສາມາດສີໄດ້ 1.5 ໂຕນ/ຊົ່ວໂມງ ແລະ ເຄື່ອງຄັດເມັດພັນ ທີ່ສາມາດຄັດໄດ້ 1,5 ໂຕນ/ຊົ່ວໂມງພ້ອມໂຮງເຮືອນ.
ຂ່າວ: ກະຊວງກະສິກຳ ແລະ ສິ່ງແວດລ້ອມ
KPL
