ຂປລ
ຂປລ. ໃນວັນທີ 15 ເດືອນສິງຫາ ປີ 2014, ທີ່ສຳນັກງານ ໃຫຍ່ຂອງຄະນະກຳມາທິການກະກຽມ ໃຫ້ແກ່ອົງການເກືອດ ຫ້າມການທົດລອງນິວ ເຄລຍທຸກຮູບແບບ (Preparatory commission of the comprehensive Nuclear Test Ban Treaty Organization ຫລື CTBT )
ຂປລ. ໃນວັນທີ 15 ເດືອນສິງຫາ ປີ 2014, ທີ່ສຳນັກງານໃຫຍ່
ຂອງຄະນະກຳມາທິການກະກຽມໃຫ້ແກ່ອົງການເກືອດຫ້າມ ການທົດລອງນິວ
ເຄລຍທຸກຮູບແບບ (Preparatory commission of the comprehensive Nuclear
Test Ban Treaty Organization ຫລື CTBT ) ທ່ານ ພູເຂົາ ພົມມະວົງສາ
ເອກອັກຄະລັດຖະທູດ, ຜູ້ຕາງໜ້າຖາວອນ ແຫ່ງ ສປປ ລາວ
ໄດ້ເຂົ້າຍື່ນສານຕາຕັ້ງຕໍ່ທ່ານ ດຣ. ລາສີນາ ເຊີໂບ (Lassina ZERBO)
ເລຂາທິການຜູ້ບໍລິຫານຄະນະກຳມາທິການກະກຽມ
ໃຫ້ແກ່ອົງການເກືອດຫ້າມການທົດລອງນິວເຄຣຍທຸກຮູບແບບ,
ເພື່ອດຳລົງຕຳແໜ່ງ ເປັນຜູ້ຕາງໜ້າຖາວອນແຫ່ງສາທາລະນະລັດ
ປະຊາທິປະໄຕ ປະຊາຊົນລາວ ປະຈຳອົງການດັ່ງກ່າວ
ເຊິ່ງຕັ້ງຢູ່ສຳນັກງານໃຫຍ່ອົງການສະຫະປະຊາຊາດ ທີ່ນະຄອນຫລວງວຽນ
ປະເທດໂອຕຣິດ.
ທ່ານ ດຣ. ລາສີນາ ເຊີໂບ
ສະແດງຄວາມຍິນດີທີ່ໄດ້ຕ້ອນຮັບຜູ້ຕາງໜ້າຖາວອນ ແຫ່ງ ສປປ ລາວ ຜູ້ໃໝ່
ແລະ ຊົມເຊີຍທີ່ ສປປ ລາວ ໄດ້ປະກອບ ສ່ວນຢ່າງຫ້າວຫັນ
ເຂົ້າໃນວຽກງານຂອງຄະນະກຳມາທິການກະກຽມໃຫ້ແກ່ອົງການເກືອດຫ້າມການທົດ
ລອງນິວເຄລຍທຸກຮູບແບບ. ໃນນາມອົງການດັ່ງ ກ່າວ,
ທ່ານໄດ້ຢືນຢັນທີ່ຈະສືບຕໍ່ໃຫ້ການຮ່ວມມື,
ຊ່ວຍເຫລືອທາງດ້ານເຕັກນິກ ແລະ ໃຫ້ທຶນຝຶກອົບຮົມດ້ານວິຊາການ
ເພື່ອເພີ່ມຂີດຄວາມສາມາດ ໃຫ້ແກ່ພະນັກງານ ສປປ ລາວ.
ພິທີຍື່ນສານໄດ້ດຳເນີນໄປດ້ວຍໄມຕີຈິດມິດຕະ ພາບອັນສະໜິດສະໜົມ.
ສປປ ລາວ ໄດ້ລົງນາມໃນສົນທິສັນຍາວ່າດ້ວຍ
ການເກືອດຫ້າມການທົດລອງນິວເຄລຍ ທຸກຮູບແບບ ໃນວັນທີ 30 ເດືອນກໍລະກົດ ປີ 1997
ແລະ ໃຫ້ສັດຕະຍາບັນ ໃນວັນທີ 5 ເດືອນຕຸລາ ປີ 2000./.
KPL
