ຂປລ
ຂປລ. ກະຊວງແຜນການ ແລະ ການລົງທຶນ, ສູນກາງ ຊາວໜຸ່ມປະຊາຊົນ ປະຕິວັດລາວ ຮ່ວມກັບອົງການ ສະຫະ ປະຊາຊາດກອງທຶນ ສຳລັບປະຊາກອນປະຈຳ ສປປ ລາວ ໄດ້ຈັດສຳມະນາພາຍໃຕ້ຫົວຂໍ້ “ໄວໝຸ່ມ ແລະ ການພັດ ທະນາ” ຂຶ້ນໃນວັນທີ 7 ກໍລະກົດ 2014
ຂປລ.
ກະຊວງແຜນການ ແລະ ການລົງທຶນ, ສູນກາງຊາວໜຸ່ມ ປະຊາຊົນ ປະຕິວັດລາວ
ຮ່ວມກັບອົງການສະຫະປະຊາຊາດກອງທຶນ ສຳລັບ ປະຊາກອນປະຈຳ ສປປ ລາວ
ໄດ້ຈັດສຳມະນາພາຍໃຕ້ຫົວຂໍ້ “ໄວໝຸ່ມ ແລະ ການພັດທະນາ”
ຂຶ້ນໃນວັນທີ 7 ກໍລະກົດ 2014 ຢູ່ໂຮງແຮມ ດອນຈັນພາເລດ,
ນະຄອນຫລວງວຽງຈັນ ໂດຍມີທ່ານ ດຣ. ຄຳຜາ ພິມມະສອນ
ຮອງເລຂາຄະນະບໍລິຫານງານ ສູນກາງຊາວໜຸ່ມປະຊາຊົນ ປະຕິວັດລາວ, ທ່ານ
ດຣ. ຫັດຊານ ໂມທາຊາມີ ຜູ້ຕາງໜ້າອົງການ ສປຊ
ກອງທຶນສຳລັບປະຊາກອນປະຈຳ ສປປ ລາວ, ມີບັນດາຕົວແທນ
ຈາກສະພາແຫ່ງຊາດ, ລັດຖະບານ ແລະ
ຄູ່ຮ່ວມພັດທະນາເຄືອຂ່າຍໄວໜຸ່ມເຂົ້າຮ່ວມ.
ທ່ານ ດຣ. ຄຳຜາ ພິມມະສອນ
ກ່າວໃນຊຸດສຳມະນາດັ່ງກ່າວວ່າ:
ປະເທດລາວເປັນປະເທດທີ່ມີປະຊາກອນໄວໜຸ່ມ ທີ່ມີອາຍຸຕ່ຳກວ່າ 25
ປີ ກວມເອົາຫລາຍກວ່າ 60% ຂອງປະຊາກອນທັງໝົດ. ດັ່ງນັ້ນ
ການລົງທຶນໃສ່ໄວໜຸ່ມຈຶ່ງມີຄວາມສຳຄັນ
ໂດຍສະເພາະແມ່ນການລົງທຶນໃສ່ດ້ານສຸຂະພາບ, ການສຶກສາ ແລະ
ການມີວຽກເຮັດງານທຳ
ເພາະໄວໜຸ່ມແມ່ນກຳລັງແຮງຫລັກຂອງການພັດທະນາໃນປັດຈຸບັນ ແລະ
ອະນາຄົດ, ລັດຖະບານ ແຫ່ງ ສປປ ລາວ ໄດ້ສືບຕໍ່ເອົາໃຈໃສ່ປົກປ້ອງສິດ
ແລະ
ລົງທຶນໃສ່ອະນາຄົດຂອງໄວໜຸ່ມດ້ວຍການສະໜອງການສຶກສາຢ່າງມີຄຸນ
ນະພາບ, ສ້າງໂອກາດ ໃຫ້ມີການຈ້າງງານທີ່ດີ,
ມີການພັດທະນາສີມືແຮງງານ ແລະ
ເຂົ້າເຖິງການສຶກສາທາງເພດທີ່ຖືກຕ້ອງລວມທັງການບໍລິການສຸຂະພາບທາງ
ເພດ, ສຸຂະພາບ ຈະເລີນພັນ ແລະ ເພດສຶກສາ
ເຊິ່ງມີຄວາມສຳຄັນຕໍ່ການພັດທະນາໄວໜຸ່ມໃນອະນາຄົດ, ຄອບຄົວ, ຊຸມຊົນ
ແລະ ປະເທດຊາດ.
ທ່ານ
ດຣ. ຫັດຊານ ໂມທາຊາມີ ໄດ້ກ່າວວ່າ:
ໄວໜຸ່ມເປັນໃຈກາງຂອງແຜນພັດທະນາໃນອະນາຄົດ ສະນັ້ນ
ທຸກຄົນຈຶ່ງມີໜ້າທີ່ຮັບຜິດຊອບປົກ ປ້ອງສິດທິຂອງເຂົາເຈົ້າ ແລະ
ລົງທຶນໃສ່ອະນາຄົດຂອງເຂົາເຈົ້າເພື່ອຜົນປະໂຫຍດຂອງຄອບຄົວ, ຊຸມຊົນ
ແລະ ປະເທດຊາດ. ທ່ານ ຫັດຊານ ໂມທາຊາມີ ຍັງໄດ້ກ່າວຕື່ມອີກວ່າ:
ເພື່ອເປັນການສະເຫລີມສະຫລອງວັນປະຊາກອນໂລກປະຈຳປີ 2014 ແລະ
ອີງຕາມຫົວຂໍ້ຂອງວັນປະຊາກອນໂລກ ໃນປີນີ້ “ການລົງທຶນໃສ່ໄວໜຸ່ມ
ເຊິ່ງເປັນການໃຫ້ຄວາມສຳຄັນເຖິງບົດບາດຂອງໄວໜຸ່ມຕໍ່ການພັດທະນາ
ປະເທດຊາດ” ກະຊວງແຜນການ ແລະ ການລົງທຶນ ຮ່ວມກັບອົງການ ສປຊ
ກອງທຶນສຳລັບປະຊາກອນປະຈຳ ສປປ ລາວ ໄດ້ຈັດກິດຈະກຳຕ່າງໆເຊັ່ນ:
ສຳມະນາ, ແຂ່ງຂັນເຕະບານມິດຕະພາບ ລະຫວ່າງ
ທີມຈາກລັດຖະບານກັບທີມໄວໜຸ່ມ ແລະ ຄູ່ຮ່ວມພັດທະນາ,
ການຈັດງານຕະຫລາດນັດ ແລະ ຄອນເສີດ
ເຊິ່ງໄດ້ຮັບການປະກອບສ່ວນຈາກບັນດາສິ ລະປິນ
ນັກຮ້ອງໄວໜຸ່ມລາວທີ່ມີຊື່ສຽງ ແລະ ການຈັດກິດຈະກໍາໂຕ້ວາທີ
ສຳລັບນັກສຶກສາມະຫາວິທະຍາໄລແຫ່ງຊາດ, ນອກຈາກນັ້ນຍັງມີການ
ປະກວດຖ່າຍຮູບສຳລັບໄວໜຸ່ມທຸກຄົນໂດຍຜ່ານເຟດ ບຸກ
ເພື່ອໃຫ້ໄວໜຸ່ມທຸກຄົນສາມາດເຂົ້າຮ່ວມໃນການປະກວດ./.
KPL
