*ເມື່ອມໍ່ໆນີ້, ເມືອງຮົ່ມ ແຂວງ ໄຊສົມບູນ ໄດ້ຈັດກອງປະຊຸມສະ ຫລຸບປະເມີນມາດຕະຖານພົ້ນທຸກ ແລະ ມາດຕະຖານພັດທະນາຕາມ ດຳລັດ 348/ລບ, ຢູ່ສະໂມສອນ ຂອງເມືອງ, ໂດຍການເປັນປະທານຂອງທ່ານ ຈູນດາ ຄຳບູນມີ ເລຂາ ພັກ ເມືອງ, ເຈົ້າເມືອງໆ ຮົ່ມ, ມີບັນດາຫົວໜ້າ, ຮອງຫົວ ໜ້າຫ້ອງການ, ກົມກອງຂອງ ເມືອງເຂົ້າຮ່ວມ.

ທ່ານ ຄົວທໍ່ ຮອງຫົວໜ້າຫ້ອງ ການກະສິກຳ ແລະ ປ່າໄມ້ເມືອງ ໄດ້ກ່າວວ່າ: ການຈັດຕັ້ງປະຕິບັດ ໃນການປະເມີນບ້ານພົ້ນທຸກ ແລະ ບ້ານພັດທະນາ ໂດຍທົ່ວເມືອງມີ ຄອບຄົວທີ່ບັນລຸຄົບ 6 ມາດຖານ ຄອບຄົວພົ້ນທຸກມີ 1.114 ຄອບ ຄົວ ກວມ 66,15%, ຈໍານວນ ຄອບຄົວທີ່ບັນລຸ 5 ມາດຕະຖານມີ 309 ຄອບຄົວ ກວມ 18,35%, ຈໍານວນຄອບຄົວທີ່ບັນລຸ 4 ມາດ ຕະຖານມີ 162 ຄອບຄົວ ກວມ 9,62%, ຈໍານວນຄອບຄົວທີ່ບັນ ລຸຕໍ່າກວ່າ 4 ມາດຕະຖານມີ 99 ຄອບຄົວກວມ 5.88% ສັງລວມ ແລ້ວທົ່ວເມືອງມີ 1.114 ຄອບ ຄົວພົ້ນທຸກ, ມີ 570 ຄອບຄົວ ທຸກຍາກ, ຈໍານວນຄອບຄົວທີ່ບັນ ລຸຄົບ 19 ຕົວຊີ້ບອກຂອງຄອບ ຄົວພັດທະນາມີ 516 ຄອບຄົວ ກວມ 30,64%, ຈໍານວນຄອບ ຄົວທີ່ບັນລຸ 18 ຕົວຊີ້ບອກມີ 427 ຄອບຄົວ ກວມ 25,36%, ຈໍານວນຄອບຄົວທີ່ບັນລຸ 17 ຕົວ ຊີ້ບອກມີ 265 ຄອບຄົວ ກວມ 15,74%, ຈໍານວນຄອບຄົວທີ່ບັນລຸ 16 ຕົວຊີ້ບອກລົງມາມີ 476 ຄອບຄົວ ກວມ 28,27% ສັງ ລວມແລ້ວທົ່ວເມືອງມີ 516 ຄອບ ຄົວພັດທະນາ, ຈໍາ ນວນບ້ານທີ່ບັນ ລຸຄົບ 8 ມາດຕະຖານບ້ານພົ້ນ ທຸກມີ 1 ບ້ານ ກວມ 11,11%, ຈໍານວນບ້ານທີ່ບັນລຸ 7 ມາດ ຕະຖານມີ 4 ບ້ານ ກວມ 44,45%, ຈໍານວນບ້ານທີ່ບັນລຸ 6 ມາດຕະຖານມີ 2 ບ້ານ ກວມ 22,22%, ຈໍານວນບ້ານທີ່ບັນລຸ 5 ມາດ ຕະຖານມີ 1 ບ້ານ ກວມ 11,11%, ຈໍານວນບ້ານທີ່ບັນລຸ 4 ມາດຕະຖານມີ 1 ບ້ານ ກວມ 11,11%, ຈໍານວນບ້ານທີ່ບັນລຸ 3 ມາດຕະຖານມີ 0 ບ້ານ, ຈໍາ ນວນບ້ານທີ່ບັນລຸຕໍ່າກວ່າ 3 ມາດຕະຖານມີ 0 ບ້ານ ສັງລວມ ໄດ້ວ່າທົ່ວເມືອງມີ 1 ບ້ານ ພົ້ນທຸກ, 8 ບ້ານທຸກຍາກ ແລະ  ຈໍານວນບ້ານທີ່ບັນລຸຄົບ 88 ຕົວຊີ້ ບອກຂອງບ້ານພັດທະນາມີ 0 ບ້ານ, ຈໍານວນບ້ານທີ່ບັນລຸ 80-87 ຕົວຊີ້ບອກມີ 0 ບ້ານ, ຈໍາ ນວນ ບ້ານທີ່ບັນລຸ 70-79 ຕົວຊີ້ ບອກມີ 2 ບ້ານ ກວມ 22,22%, ຈໍານວນບ້ານ ທີ່ບັນລຸ 60-69 ຕົວຊີ້ບອກມີ 1 ບ້ານ ກວມ 11,11%, ຈໍານວນບ້ານທີ່ບັນລຸ ຕໍ່າກວ່າ 60 ຕົວຊີ້ບອກມີ 6 ບ້ານ ກວມ 66,67%.

    ທ່ານ ຈູນດາ ຄຳບູນມີ ເລຂາ ພັກເມືອງ, ເຈົ້າເມືອງໆຮົ່ມ, ໄດ້ ຊີ້ນຳໂດຍຮຽກຮ້ອງມາຍັງບັນ ດາຫ້ອງການທີ່ມີສ່ວນກ່ຽວຂ້ອງ ຈົ່ງສຸມໃສ່ໃນການຄົ້ນຄວ້າບັນຫາ ແລະ ຂໍ້ຄົງຄ້າງນຳມາແກ້ໄຂບັນ ຫາຕາມບັນ ດາມາດຖານເງື່ອນໄຂຂອງການ ສ້າງບ້ານພົ້ນທຸກ ແລະ ບ້ານພັດທະນາເປັນຕົ້ນແມ່ນ ໃຫ້ຂະແໜງການທີ່ກ່ຽວຂ້ອງຈົ່ງ ເອົາໃຈໃສ່ໃນການລົງໄປຊຸກຍູ້ ແລະ ແກ້ໄຂໃຫ້ພໍ່ແມ່ປະຊາຊົນຂອງ ບ້ານຕາມທ່າແຮງທີ່ປະຊາຊົນພາຍ ໃນບ້ານມີຄວາມສາມາດຮັບຮອງ ໄດ້ເພື່ອຜະລິດ ເປັນ ສິນຄ້າປ້ອນຕະຫລາດ ພ້ອມທັງຊຸກຍູ້ສົ່ງເສີມບັນດາຄອບຄົວ ທີ່ຍັງບໍ່ທັນໄດ້ຕາມມາດຖານເງື່ອນໄຂ ໃຫ້ຫລຸດໜ້ອຍຖອຍລົງເທື່ອລະກ້າວ ຕິດພັນກັບການຈັດສັນພື້ນທີ່ທຳການຜະລິດ ໃຫ້ພໍ່ແມ່ປະຊາຊົນຢ່າງໝັ້ນຄົງ.
​

KPL