ຂປລ
ກອງປະຊຸມ ວຽກງານ ເສດຖະກິດ ຂັ້ນສູນກາງ ຂອງ ສປ ຈີນ ທີ່ຈັດຂຶ້ນເມື່ອທ້າຍປີ 2024 ໄດ້ວາງແຜນ ພັດທະນາ ເສດຖະກິດ 2025 ໂດຍກຳນົດ ຢ່າງຈະແຈ້ງ ໃຫ້ຕັ້ງໜ້າ ພັດທະນາ ເສດຖະກິດຫິມະນ້ຳກ້ອນ. ເຂດແດນຫິມະນ້ຳກ້ອນ ທີ່ເຄີຍເຮັດໃຫ້ຄົນ “ລີ້ໜາວ ຢູ່ແຕ່ໃນເຮືອນ” ໃນໄລຍະຜ່ານມາ ແຕ່ມາເຖິງປັດຈຸບັນຊ້ຳພັດດຶງດູດ ນັກທ່ອງທ່ຽວ ຈາກແຫ່ງຕ່າງໆ ມາທ່ອງທ່ຽວ ແລະ ກາຍເປັນ ຊັບພະຍາກອນ ທ່ອງທ່ຽວ ທີ່ໄດ້ຮັບຄວາມນິຍົມສູງ.
ຂປລ.ວິທະຍຸ ສາກົນແຫ່ງ ສປ ຈີນ, ກອງປະຊຸມ ວຽກງານ ເສດຖະກິດ ຂັ້ນສູນກາງ ຂອງ ສປ ຈີນ ທີ່ຈັດຂຶ້ນເມື່ອທ້າຍປີ 2024 ໄດ້ວາງແຜນ ພັດທະນາ ເສດຖະກິດ 2025 ໂດຍກຳນົດ ຢ່າງຈະແຈ້ງ ໃຫ້ຕັ້ງໜ້າ ພັດທະນາ ເສດຖະກິດຫິມະນ້ຳກ້ອນ. ເຂດແດນ ຫິມະນ້ຳກ້ອນ ທີ່ເຄີຍເຮັດໃຫ້ຄົນ “ລີ້ໜາວ ຢູ່ແຕ່ໃນເຮືອນ” ໃນໄລຍະຜ່ານມາ ແຕ່ມາເຖິງປັດຈຸບັນຊ້ຳພັດດຶງດູດ ນັກທ່ອງທ່ຽວ ຈາກແຫ່ງຕ່າງໆ ມາທ່ອງທ່ຽວ ແລະ ກາຍເປັນ ຊັບພະຍາກອນ ທ່ອງທ່ຽວ ທີ່ໄດ້ຮັບຄວາມນິຍົມສູງ. ກະແສນິຍົມ ທ່ອງທ່ຽວ ຫິມະນ້ຳກ້ອນ ຄືພຶດຕິກຳ ຕົວຈິງ ອັນສຳເລັດຜົນ ໃນການປະຕິບັດ ແນວຄິດ “ຫິມະນ້ຳກ້ອນ ກໍແມ່ນພູເງິນພູຄຳ”, ເປັນການສ່ອງແສງ ໃຫ້ເຫັນເຖິງ ເສດຖະກິດ-ສັງຄົມຈີນ ທີ່ເຕັມໄປດ້ວຍຄວາມມີຊີວິດຊີວາ.ຊັບພະຍາກອນຫິມະນ້ຳກ້ອນບົ່ມຊ້ອນ ປະສິດທິຜົນສູງ ດ້ານການທ່ອງທ່ຽວ ວັດທະນະທຳ. ປະເທດຈີນ ອຸດົມສົມບູນ ໄປດ້ວຍ ຊັບພະຍາກອນ ຫິມະນ້ຳກ້ອນ, ມີເງື່ອໄຂ ທາງທຳມະຊາດ ທີ່ເປັນທ່າແຮງ ໃນດ້ານນີ້. ໃນເວລາເຄື່ອນໄຫວຢ້ຽມຢາມ ແລະ ເຮັດວຽກ ຢູ່ເຂດພາກຕາເວັນອອກ ສຽງເໜືອ ແລະ ໃນໂອກາດ ຄົ້ນຄວ້າພິຈາລະນາ ນຳຄະນະຜູ້ແທນ ທີ່ເຂົ້າຮ່ວມ ກອງປະຊຸມ ສະພາປະຊາຊົນ ແຫ່ງຊາດຈີນ ແລະ ກອງປະຊຸມສະພາ ປຶກສາການເມືອງ ປະຊາຊົນແຫ່ງຊາດຈີນ ຫລື ເອີ້ນຫຍໍ້ວ່າ ກອງປະຊຸມ ສອງສະພາ, ທ່ານ ສີ ຈິ້ນຜິງ ໄດ້ກ່າວເນັ້ນໜັກມາຫຼາຍເທື່ອວ່າ: “ຫິມະນ້ຳກ້ອນກໍແມ່ນພູເງິນພູຄຳ”, “ຕ້ອງນຳໃຊ້ຊັບພະຍາກອນ ແລະ ທ່າແຮງພິເສດ ຂອງເຂດພາກຕາເວັນຕົກ ສຽງເໜືອ ຊຸກຍູ້ເຂດໜາວ ພັດທະນາ ເສດຖະກິດ ຫິມະນ້ຳກ້ອນ ໃຫ້ເລັ່ງໄວຂຶ້ນ”. ໃນລະດູໜາວ ເຖິງຈະມີ ອາກາດໜາວ, ແຕ່ຊັບພະຍາກອນ ຫິມະນ້ຳກ້ອນ ຊ້ຳພັດສາມາດພາ ໃຫ້ເກີດມີປະສິດທິຜົນສູງ ດ້ານການພັດທະນາ ເສດຖະກິດ ແບບເບິ່ງຂ້າມບໍ່ໄດ້. ສຳລັບ ປະເທດຈີນແລ້ວ, ແຕ່ເໜືອຮອດໃຕ້, ຈາກກິລາຫິມະນ້ຳກ້ອນ ຮອດການທ່ອງທ່ຽວ ຫິມະນ້ຳກ້ອນ ເພື່ອພັກຜ່ອນຢ່ອນໃຈ, ກະແສນິຍົມ ຫິມະນ້ຳກ້ອນ ໄດ້ຂະຫຍາຍ ໄປທົ່ວປະເທດ, ເຮັດໃຫ້ຂະແໜງ ການທ່ອງທ່ຽວ ຫິມະນ້ຳກ້ອນ ຂອງຫລາຍແຫ່ງ ມີຊື່ສຽງໂດ່ງດັງຂຶ້ນ.ນັບມາຮອດ ປັດຈຸບັນ, ສປ ຈີນ ມີວິສາຫະກິດ ທີ່ກ່ຽວຂ້ອງກັບ ກິລາຫິມະນ້ຳກ້ອນ 12.660 ກວ່າແຫ່ງ.ຈາກສູນກາງຮອດທ້ອງຖິ່ນ, ຈາກການແຂ່ງຂັນ ກິລາຮອດວິສາຫະກິດ, ຊັບພະຍາກອນຫິມະນ້ຳກ້ອນ ໄດ້ເຊື່ອມໂຍງເຂົ້າໃນການພັດທະນາ ເສດຖະກິດຈີນ ຢ່າງຮອບດ້ານ, ພວມກາຍເປັນກຳລັງແຮງ ອັນສຳຄັນໃນການຂັບເຄື່ອນ ການພັດທະນາ ເສດຖະກິດ ເຂດແຄວ້ນ, ຍົກສູງຊື່ສຽງ ແລະ ກຳລັງແຂ່ງຂັນຂອງຕົວເມືອງ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
