ຂປລ
ສສ ຫວຽດນາມ ຈັດກອງປະຊຸມ ການພັດທະນາ ສູນການເງິນສາກົນ ຢູ່ ນະຄອນ ດ່ານັ້ງ ເມື່ອບໍ່ດົນມານີ້ ພາຍໃຕ້ ການເປັນ ປະທານ ຂອງ ທ່ານ ຫງວຽນ ຮ່ວາບິ່ງ, ຮອງນາຍົກລັດຖະມົນຕີ, ຜູ້ປະຈຳການ ລັດຖະບານ ຫວຽດນາມ ໂດຍມີ ການເຂົ້າຮ່ວມ ຂອງຜູ້ແທນປະມານ 400 ຄົນ
ຂປລ.ວິທະຍຸ ກະຈາຍສຽງ ຫວຽດນາມ, ສສ ຫວຽດນາມ ຈັດກອງປະຊຸມ ການພັດທະນາ ສູນການເງິນສາກົນ ຢູ່ ນະຄອນ ດ່ານັ້ງ ເມື່ອບໍ່ດົນມານີ້ ພາຍໃຕ້ ການເປັນ ປະທານ ຂອງ ທ່ານ ຫງວຽນ ຮ່ວາບິ່ງ, ຮອງນາຍົກລັດຖະມົນຕີ, ຜູ້ປະຈຳການ ລັດຖະບານ ຫວຽດນາມ ໂດຍມີ ການເຂົ້າຮ່ວມ ຂອງຜູ້ແທນປະມານ 400 ຄົນ ແມ່ນການນຳ ຂັ້ນສູນກາງ, ບັນດາທ້ອງຖິ່ນ, ອົງການ ຈັດຕັ້ງສາກົນ, ນັກລົງທຶນ ຍຸດທະສາດ ທັງຢູ່ພາຍໃນ ແລະ ຕ່າງປະເທດ,ຕາມບັນດາ ຜູ້ແທນ ເຂົ້າຮ່ວມ ກອງປະຊຸມ ສຳມະນາແລ້ວ, ປັດຈຸບັນ ຫວຽດນາມ ມີທ່າໄດ້ປຽບ ພິເສດສະເພາະ ຄື: ເສດຖະກິດພັດທະນາໄວ, ແຫລ່ງຊັບພະຍາກອນມະນຸດ ທີ່ອຸດົມສົມບູນ, ຄຸນນະພາບ ນັບມື້ນັບເພີ່ມຂຶ້ນ, ພື້ນຖານໂຄງລ່າງ ພວມໄດ້ຮັບ ການກໍ່ສ້າງສຳເລັດ ແລະ ພັດທະນາໂດຍໄວ. ຖ້າຍາດແຍ່ງໄດ້ໂອກາດນີ້ເປັນຢ່າງດີ, ຫວຽດນາມ ຈະໄດ້ຮັບແຫລ່ງ ກຳລັງດ້ານການເງິນ ທີ່ຫັນປ່ຽນ ຈາກບັນດາສູນການເງິນ ສາກົນໃຫຍ່ ໃນພາກພື້ນ ກໍ່ຄືສາກົນເພື່ອ ກ້າວກະໂດດຂັ້ນ ແລະ ສ້າງຖານະທີ່ຕັ້ງໃໝ່, ນຳຫວຽດນາມ ເຂົ້າລະບົບມູນຄ່າເສດຖະກິດທົ່ວໂລກຢ່າງເລິກເຊິ່ງກ່ວາ. ກ່າວຄຳເຫັນທີ່ກອງປະຊຸມສຳມະນາ, ທ່ານຮອງນາຍົກລັດຖະມົນຕີ ຫງວຽນຮ່ວາບິ່ງ ໃຫ້ຄຳໝັ້ນສັນຍາວ່າ: ການນຳສອງນະຄອນ, ບັນດາກະຊວງ, ຂະແໜງການຈະປະຕິບັດຄວາມຕັດສິນໃຈຂອງການນຳພັກ, ລັດ ໃຫ້ເປັນຢ່າງດີ. ໃນອະນາຄົດອັນໃກ້ໆນີ້ ແລະ ຈະມີກຳລັງດຶງດູດຢ່າງພຽງພໍ, ເປັນໜ້າ ໄວ້ເນື້ອເຊື່ອໃຈ ຕໍ່ບັນດານັກລົງທຶນ. ພວກເຮົາຈະມີພື້ນຖານໂຄງລ່າງວັດສະດຸ ແລະ ສະພາບແວດລ້ອມ ແຫ່ງການດຳລົງຊີວິດ ທີ່ເປັນມິດ, ດຶງດູດ, ບັນດາ ກົນໄກ ນະໂຍບາຍ ກໍ່ມີຄວາມດຶງດູດໃຈ ເພື່ອໃຫ້ສູນການເງິນ ສອງສູນປະກົດຜົນເປັນຈິງໂດຍໄວ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
