ຂປລ
ຂປລ. ກະຊວງສຶກສາທິການ ແລະ ກິລາ ຈັດພິທີມອບ-ຮັບໃບຢັ້ງຍືນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2024 ໃນວັນທີ 8 ກໍລະກົດ 2025 ເຊິ່ງມີທັງໝົດ 105 ໜ່ວຍພັກ ທີ່ຂຶ້ນກັບອົງຄະນະພັກກະຊວງສຶກສາທິການ ແລະ ກິລາ.
ຂປລ. ກະຊວງສຶກສາທິການ ແລະ ກິລາ ຈັດພິທີມອບ-ຮັບໃບຢັ້ງຍືນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2024 ໃນວັນທີ 8 ກໍລະກົດ 2025 ເຊິ່ງມີທັງໝົດ 105 ໜ່ວຍພັກ ທີ່ຂຶ້ນກັບອົງຄະນະພັກກະຊວງສຶກສາທິການ ແລະ ກິລາ. ໃນນັ້ນ, ອ້ອມຂ້າງກະຊວງ 42 ໜ່ວຍພັກ ແລະ ອົງຄະນະພັກມະຫາວິທະຍາໄລແຫ່ງຊາດ 63 ໜ່ວຍພັກ. ພ້ອມນີ້, ຍັງໄດ້ປະກາດພະນັກງານ ເຂົ້າຮັບອຸດໜູນບຳນານ ແລະ ເຜີຍແຜ່ ເຊື່ອມຊຶມມະຕິ ກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 10 ສະໄໝ XI, ໃຫ້ກຽດມອບໃບຢັ້ງຢືນ ໂດຍ ສະຫາຍ ທອງສະລິດ ມັງໜໍ່ເມກ ເລຂາຄະນະພັກ, ລັດຖະມົນຕີກະຊວງສຶກສາທິການ ແລະ ກິລາ, ມີຄະນະພັກ, ຄະນະນຳ, ພະນັກງານ-ລັດຖະກອນ ພາຍໃນກະຊວງສຶກສາທິການ ແລະ ກິລາ ເຂົ້າຮ່ວມ.
ໃນໂອກາດນີ້, ສະຫາຍ ທອງສະລິດ ມັງໜໍ່ເມກ ໄດ້ສະແດງຄວາມຊົມເຊີຍ ແລະ ຕີລາຄາສູງ ຕໍ່ຄວາມເອົາໃຈໃສ່ຂອງບັນດາສະຫາຍ ຄະນະໜ່ວຍພັກ ແລະ ສະມາຊິກພັກ-ພະນັກງານ ທີ່ໄດ້ບຸກບືນ ແລະ ຍາດມາໄດ້ນາມມະຍົດໜ່ວຍພັກປອດໃສ, ເຂັ້ມແຂງ, ໜັກແໜ້ນ. ພ້ອມທັງ, ຍົກໃຫ້ເຫັນເຖິງຄວາມໝາຍ ແລະ ຄວາມສໍາຄັນ ຂອງວຽກງານການປັບປຸງກໍ່ສ້າງຮາກຖານພັກ ໃຫ້ມີຄວາມປອດໃສ, ເຂັ້ມແຂງ, ໜັກແໜ້ນ ເຊິ່ງແມ່ນຄວາມຮຽກ ຮ້ອງຕ້ອງການທີ່ຈຳເປັນຢ່າງພາວະວິໄສ, ໃນການຄົງຕົວ ແລະ ຂະຫຍາຍຕົວ ຂອງການຈັດຕັ້ງພັກ ໃນການນໍາພາ-ຊີ້ນໍາ ໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ. ພ້ອມນີ້, ສະຫາຍ ຍັງໄດ້ ສະແດງຄວາມຂອບໃຈ ແລະ ຕີລາຄາສູງ ຕໍ່ພະນັກງານ-ລັດຖະກອນ ຂອງກະຊວງສຶກສາທິການ ແລະ ກິລາ ທີ່ໄດ້ພັກການ-ຮັບອຸດໜູນບຳນານໃນຄັ້ງນີ້, ທີ່ໄດ້ປະກອບສ່ວນດ້ານກຳລັງແຮງ, ສະຕິປັນຍາ, ຄວາມຮູ້ຄວາມສາມາດຂອງຕົນ ເຂົ້າໃນພາ ລະກິດປົກປັກຮັກສາ ແລະ ສ້າງສາພັດທະນາປະເທດຊາດ.
ພ້ອມນີ້, ສະຫາຍ ທອງສະລິດ ມັງໜໍ່ເມກ ຍັງໄດ້ເຜີຍແຜ່ມະຕິກອງປະຊຸມ ຄົບຄະນະບໍລິຫານງານສູນກາງພັກ ຄັ້ງທີ 10 ສະໄໝທີ XI ໂດຍຍົກໃຫ້ເຫັນການສະຫລຸບຕີລາຄາ ກ່ຽວກັບການຈັດຕັັ້ງປະຕິບັດ ແຜນພັດທະນາເສດຖະກິດ-ສັງຄົມແຫ່ງຊາດ, ແຜນງົບປະມານແຫ່ງລັດ ແລະ ແຜນເງິນຕາ ປະຈໍາ 6 ເດືອນ ຕົ້ນປີ 2025 ແລະ ທິດທາງແຜນການ 6 ເດືອນທ້າຍປີ 2025 ຕິດພັນກັບ 2 ວາລະແຫ່ງຊາດ ເຊິ່ງກອງປະຊຸມ ໄດ້ຕີລາຄາຢ່າງພາວະວິໄສ ຕໍ່ກັບບັນດາຜົນສໍາເລັດພື້ນຖານ ໃນການຈັດຕັັ້ງປະຕິບັດ ແຜນພັດທະນາເສດຖະກິດ-ສັງຄົມແຫ່ງຊາດ, ແຜນງົບປະມານແຫ່ງລັດ ແລະ ແຜນເງິນຕາ ປະຈໍາ 6 ເດືອນຕົ້ນປີ 2025 ເຊິ່ງເຫັນວ່າລັດຖະບານ ແລະ ອົງການປົກຄອງທ້ອງຖິ່ນທຸກຂັັ້ນ ໄດ້ມີຄວາມພະຍາຍາມສູງ ໃນການແກ້ບັນຫາເຄັ່ງຮ້ອນໃຫ້ຜ່ອນຄາຍລົງ, ເຮັດໃຫ້ປະເທດເຮົາສາມາດຜ່ານຜ່າ ແລະ ແກ້ໄຂບັນຫາໄດ້ໂດຍພື້ນຖານ, ການພັດທະນາເສດຖະກິດ-ສັງຄົມ ຍັງຮັກສາໄດ້ຈັງຫວະການຂະຫຍາຍຕົວຕໍ່ເນື່ອງ ເປັນຕົ້ນ ການຜະລິດສິນຄ້າ, ການຈັດເກັບລາຍຮັບງົບປະມານ ປະຕິບັດໄດ້ຕາມຄາດໝາຍ, ຍັງຮັກສາໄດ້ຄວາມສະຖຽນລະພາບ ທາງການເມືອງ ແລະ ສັງຄົມມີຄວາມສະຫງົບ-ປອດໄພ ໂດຍພື້ນຖານ.
ຂ່າວ: ທະນູທອງ
ພາບ: ອ່າຍຄຳ
KPL
