ຂປລ
ຂປລ. ກະຊວງການຕ່າງປະເທດ ຈັດສໍາມະນາວຽກງານຕ້ານການຄ້າມະນຸດ ສໍາລັບພະນັກງານກະຊວງການຕ່າງປະເທດ, ຄະນະພົວພັນຕ່າງປະເທດສູນກາງພັກ ແລະ ບາງກະຊວງກ່ຽວຂ້ອງທີ່ຖືກເເຕ່ງຕັ້ງ ຫລື ມີເປົ້າໝາຍຈະຖືກເເຕ່ງຕັ້ງໄປປະຈໍາການ ຢູ່ສໍານັກງານເເຫ່ງ ສປປ ລາວ ປະຈໍາຢູ່ຕ່າງປະເທດ ໃນວັນທີ 17 ມິຖຸນາ 2024
ຂປລ. ກະຊວງການຕ່າງປະເທດ ຈັດສໍາມະນາວຽກງານຕ້ານການຄ້າມະນຸດ ສໍາລັບພະນັກງານກະຊວງການຕ່າງປະເທດ, ຄະນະພົວພັນຕ່າງປະເທດສູນກາງພັກ ແລະ ບາງກະຊວງກ່ຽວຂ້ອງທີ່ຖືກເເຕ່ງຕັ້ງ ຫລື ມີເປົ້າໝາຍຈະຖືກເເຕ່ງຕັ້ງໄປປະຈໍາການ ຢູ່ສໍານັກງານເເຫ່ງ ສປປ ລາວ ປະຈໍາຢູ່ຕ່າງປະເທດ ໃນວັນທີ 17 ມິຖຸນາ 2024 ໂດຍມີ ທ່ານ ທອງຜ່ານ ສະຫວັນເພັດ ຮອງລັດຖະມົນຕີ ກະຊວງການຕ່າງປະເທດ ເຂົ້າຮ່ວມກ່າວເປີດສຳມະນາ, ມີວິທະຍາກອນທີ່ມາຈາກກະຊວງການຕ່າງປະເທດ,ກະ ຊວງປ້ອງກັນຄວາມສະຫງົບ, ກະຊວງແຮງງານ ແລະ ສະຫວັດດີການສັງຄົມ, ສູນກາງສະຫະພັນແມ່ ຍິງລາວ ແລະ ອົງການໄອຍະການປະຊາຊົນສູງສຸດ ເຂົ້າຮ່ວມບັນຍາຍໃນຫລາຍຫົວຂໍ້ທີ່ ກ່ຽວຂ້ອງກັບວຽກງານຕ້ານການຄ້າມະນຸດ.
ການຈັດສຳມະນາຄັ້ງນີ້, ເພື່ອສ້າງຄວາມຮັບຮູ້ ແລະ ຄວາມເຂົ້າໃຈຢ່າງເລິກເຊິ່ງໃຫ້ແກ່ ຜູ້ເຂົ້າຮ່ວມ ກ່ຽວກັບການຈັດຕັ້ງປະຕິບັດສົນທິສັນຍາທີ່ ສປປ ລາວ ເປັນພາຄີ ແລະ ນິຕິກຳພາຍໃນທີ່ກ່ຽວຂ້ອງກັບ ການຕ້ານອາຊະຍາກຳຂ້າມຊາດ ໂດຍສະເພາະ ການຕ້ານການຄ້າມະນຸດ, ການຮ່ວມມືກັບສາກົນ ຂອງ ສປປ ລາວ ກໍຄື ກົນໄກການປະສານງານ ລະຫວ່າງພາກສ່ວນທີ່ກ່ຽວຂ້ອງຂອງ ສປປ ລາວ ໃນການປົກປ້ອງ ແລະ ຊ່ວຍເຫລືອຜູ້ຖືກເຄາະຮ້າຍຈາກການຄ້າມະນຸດ. ນອກຈາກນີ້, ຜູ້ເຂົ້າຮ່ວມ ຍັງໄດ້ແລກປ່ຽນປະສົບການ ແລະ ຖອດຖອນບົດຮຽນຕົວຈິງຮ່ວມກັນ ເພື່ອເຮັດໃຫ້ການຕິດຕໍ່ປະສານງານລະຫວ່າງພາກສ່ວນທີ່ກ່ຽວຂ້ອງມີຄວາມວ່ອງໄວ, ທັນເຫດການ, ມີປະສິດທິພາບ ແລະ ປະສິດທິຜົນສູງກວ່າເກົ່າ.
ການສຳມະນາຄັ້ງນີ້, ວິທະຍາກອນຍັງໄດ້ຍົກໃຫ້ເຫັນເຖິງ ສະພາບລວມຂອງຂະບວນການຄ້າມະນຸດໃນ ສປປ ລາວ ແລະ ສາກົນ ເຊິ່ງເປັນໜຶ່ງໃນອາຊະຍາກຳຂ້າມຊາດ ທີ່ມີການຈັດຕັ້ງທີ່ເປັນໄພຂົ່ມຂູ່ ຮ້າຍເເຮງແກ່ມວນມະນຸດ; ການຄ້າມະນຸດແມ່ນມີຫລາຍຮູບແບບ ແລະ ຫລາຍວິທີການ ໂດຍມີລັກສະນະເປັນເຄືອຂ່າຍຂ້າມຊາດ ເພື່ອຂູດຮີດເເຮງງານ ແລະ ຂູດຮີດທາງເພດ. ໃນໄລຍະຜ່ານມາ,ລັດຖະບານລາວ ໄດ້ໃຫ້ຄວາມສຳຄັນຕໍ່ການເເກ້ໄຂບັນຫາດັ່ງກ່າວ ໂດຍໄດ້ອະນຸມັດງົບປະມານ ຈໍານວນຫລວງຫລາຍໃນແຕ່ລະປີເຂົ້າໃນວຽກງານ ເພື່ອຕ້ານການຄ້າມະນຸດ ແລະ ໄດ້ກໍານົດໃຫ້ການຄ້າມະ ນຸດເປັນການກະທຳຜິດທາງອາຍາ ແລະ ໄດ້ຮັບຮອງເອົາແຜນງານແຫ່ງຊາດ ວ່າດ້ວຍການສະກັດກັ້ນ ແລະ ຕ້ານການຄ້າມະນຸດ ເປັນເເຕ່ລະໄລຍະນັບເເຕ່ປີ 2016 ເປັນຕົ້ນມາ.
KPL
