ຂປລ
ທ່ານ ໂຈໂກ ວິໂດໂດ ປະທານາທິບໍດີ ອິນໂດເນເຊຍ ໄດ້ເຂົ້າຮ່ວມໃນພິທີ ເປີດໂຄງການ ກໍ່ສ້າງ ເສັ້ນທາງລົດໄຟ ຂົນສົ່ງມວນຊົນ (MRT) ແຫ່ງ ຈາກາຕາ ສາຍຕາເວັນອອກ-ຕາເວັນຕົກ ໃນໄລຍະທີ 1 ຢູ່ ສະຖານີ ລົດໄຟຟ້າ ຂົນສົ່ງ ມວນຊົນ ທັນຣິນ ຢູ່ເຂດໃຈກາງ ນະຄອນຫລວງ ຈາກາຕາ.
ຂປລ. ສຳນັກຂ່າວ ຊິນຮວາ ຂອງ ສປຈີນ, ວັນທີ 13 ເດືອນກັນຍາ, ທ່ານ ໂຈໂກ ວິໂດໂດ ປະທານາທິບໍດີ ອິນໂດເນເຊຍ ໄດ້ເຂົ້າຮ່ວມໃນພິທີ ເປີດໂຄງການ ກໍ່ສ້າງ ເສັ້ນທາງລົດໄຟ ຂົນສົ່ງມວນຊົນ (MRT) ແຫ່ງ ຈາກາຕາ ສາຍຕາເວັນອອກ-ຕາເວັນຕົກ ໃນໄລຍະທີ 1 ຢູ່ ສະຖານີ ລົດໄຟຟ້າ ຂົນສົ່ງ ມວນຊົນ ທັນຣິນ ຢູ່ເຂດໃຈກາງ ນະຄອນຫລວງ ຈາກາຕາ.
ທ່ານ ໂຈໂກ ວິໂດໂດ ລະບຸວ່າ ເສັ້ນທາງ ລົດໄຟ ຂົນສົ່ງ ມວນຊົນ ສາຍນີ້ ໃນໄລຍະທີ1 ຈະເລີ່ມຕ ຈາກ ເມດັນຊາເຕີຍ ໄປຍັງ ໂຕມັງ ທີ່ມີຄວາມຍາວ ຫລາຍກວ່າ 24,5 ກິໂລແມັດ , ໂດຍທ່ານ ເຊື່ອວ່າ ທາງລົດໄຟ ສາຍໃໝ່ນີ້ ຈະເຮັດໃຫ້ ນະຄອນຫລວງ ຈາກາຕາ ເປັນເມືອງ ລະດັບໂລກ ທີ່ມີ ພື້ນຖານ ໂຄງລ່າງ ທາງດ້ານການຂົນສົ່ງ ທີ່ທັນສະໄໝ. ນອກນັ້ນ ເສັ້ນທາງລົດໄຟ ສາຍໃໝ່ນີ້ ຈະມີ ສະຖານີ 21 ແຫ່ງ ພ້ອມດ້ວຍ ສະຖານີ ໃຕ້ດິນ ແລະ ສະຖານີ ຍົກລະດັບ , ໂດຍແມ່ນ ສະຖານີ ທຳຣິນ ເປັນຈຸດ ເຊື່ອມຕໍ່ ລະຫວ່າງ ເສັ້ນທາງລົດໄຟຟ້າ ຂົນສົ່ງ ມວນຊົນ ສາຍເໜືອ-ສາຍໃຕ້ ແລະ ສາຍຕາເວັນອອກ-ຕາເວັນຕົກອີກດ້ວຍ./.
KPL
