ຂປລ
ສະຖາບັນຄົ້ນຄວ້າ ອຸດສາຫະກຳ ວັດທະນະທຳ ຈີນ-ອາຊຽນ ເຊິ່ງເປັນສະຖາບັນ ຄົ້ນຄວ້າ ອຸດສາຫະກຳ ວັດທະນະທຳ ດ້ານການພິມ ຂອງກຸ່ມບໍລິສັດ ສື່ສຳນັກພິມ ກວາງຊີຈີນ ໄດ້ສ້າງຕັ້ງຂຶ້ນ ຢ່າງເປັນທາງການ ໃນໄລຍະຈັດສັບປະດາ ວັດທະນະທຳປື້ມ ຈີນ-ອາຊຽນ.
ຂປລ.ວິທະຍຸສາກົນແຫ່ງ ສປ ຈີນ, ເມື່ອບໍ່ດົນມານີ້, ສະຖາບັນຄົ້ນຄວ້າ ອຸດສາຫະກຳ ວັດທະນະທຳ ຈີນ-ອາຊຽນ ເຊິ່ງເປັນສະຖາບັນ ຄົ້ນຄວ້າ ອຸດສາຫະກຳ ວັດທະນະທຳ ດ້ານການພິມ ຂອງກຸ່ມບໍລິສັດ ສື່ສຳນັກພິມ ກວາງຊີຈີນ ໄດ້ສ້າງຕັ້ງຂຶ້ນ ຢ່າງເປັນທາງການ ໃນໄລຍະຈັດສັບປະດາ ວັດທະນະທຳປື້ມ ຈີນ-ອາຊຽນ. ຈາກນັ້ນ ທ່ານ ຈ້າງ ຢີ້ປິ່ນ ຜູ້ອຳນວຍການໃຫຍ່ ຂອງກຸ່ມບໍລິສັດ ສື່ສຳນັກພິມ ກວາງຊີ ແນະນຳໃຫ້ຮູ້ວ່າ: ສະຖາບັນ ຄົ້ນຄວ້າ ດັ່ງກ່າວ ແມ່ນສະຖາບັນຄົ້ນຄວ້າ ແບບສັງລວມ, ຈະສຸມກຳລັງ ລົງເລິກ ຄົ້ນຄວ້າ ສະພາບການ ໃນປັດຈຸບັນ ແລະ ທ່າອ່ຽງ ແຫ່ງການພັດທະນາ ອຸດສາຫະກຳ ວັດທະນະທຳ ຈີນ-ອາຊຽນ, ວາງມາດຕະການ ແລະ ຂໍ້ສະເໜີ ທີ່ລ້ຳໜ້າ ແລະ ປະຕິບັດໄດ້ ເພື່ອຊ່ວຍຊຸກຍູ້ ເຂດປົກຄອງ ຕົນເອງ ເຜົ່າຈ້ວງກວາງຊີຈີນ ສ້າງຍີ່ຫໍ້ ອຸດສາຫະກຳ ວັດທະນະທຳ ທີ່ມີຊື່ສຽງຫລາຍກວ່າເກົ່າ ໃນສາກົນ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
