ຂປລ
ດ່ານຊາຍແດນສາກົນ ຫລອງເຊີບ, ເສົາຫລັກໝາຍ 255, ເມືອງ ໂມກເຈົ້າ ແຂວງ ເຊີນລາ ຂອງ ສສ ຫວຍດນາມ ໄດ້ຈັດພິທີປະກາດເປີດນຳໃຊ້ ຄູ່ດ່ານຊາຍແດນສາກົນ ຫລອງເຊີບ, ເມືອງ ໂມກເຈົາ, ແຂວງ ເຊີນລາ ຂອງ ສສ ຫວຽດນາມ) ແລະ ປາຫາງ, ເມືອງ ສົບເບົ່າ, ແຂວງ ຫົວພັນ ຂອງ ສປປ ລາວ.
ຂປລ.ວິທະຍຸ ກະຈາຍສຽງ ຫວຽດນາມ, ວັນທີ 19 ພະຈິກ, ຢູ່ ດ່ານຊາຍແດນສາກົນ ຫລອງເຊີບ, ເສົາຫລັກໝາຍ 255, ເມືອງ ໂມກເຈົ້າ ແຂວງ ເຊີນລາ ຂອງ ສສ ຫວຍດນາມ ໄດ້ຈັດພິທີປະກາດເປີດນຳໃຊ້ ຄູ່ດ່ານຊາຍແດນສາກົນ ຫລອງເຊີບ, ເມືອງ ໂມກເຈົາ, ແຂວງ ເຊີນລາ ຂອງ ສສ ຫວຽດນາມ) ແລະ ປາຫາງ, ເມືອງ ສົບເບົ່າ, ແຂວງ ຫົວພັນ ຂອງ ສປປ ລາວ. ສຳລັບ ດ່ານຊາຍແດນນີ້ ແມ່ນໜຶ່ງ ໃນບັນດາ ປະຕູສຳຄັນ ເຊື່ອມຕໍ່ ສອງປະເທດ ຫວຽດນາມ - ລາວ ເວົ້າລວມ ແລະ ເຊື່ອມຕໍ່ ລະຫວ່າງ ບັນດາແຂວງທາງພາກເໜືອ ຫວຽດນາມ ກັບບັນດາ ແຂວງທາງພາກເໜືອ ຂອງ ສປປ ລາວ ເວົ້າສະເພາະ. ນີ້ໄດ້ຮັບຖືວ່າ ແມ່ນເສັ້ນທາງສຳຄັນ ທີ່ມີຄຸນຄ່າ, ກຳລັງບົ່ມຊ້ອນ ຈໍລະຈອນ ສິນຄ້າ ຜ່ານແດນ, ເຊື່ອມຕໍ່ບັນດາລາຍການທ່ອງທ່ຽວ ແລະ ພິເສດ ແມ່ນການພົວພັນ ຕ່າງປະເທດ ແລະ ການປ້ອງກັນຊາດ ຂອງສອງຝ່າຍ. ໃນໂອກາດນີ້ ທ່ານ ຫງວຽນ ມິງຫວູ, ຮອງລັດຖະມົນຕີ, ຜູ້ປະຈຳການ ກະຊວງ ການຕ່າງປະເທດ ຫວຽດນາມ ໄດ້ກ່າວເນັ້ນໜັກວ່າ: ເຖິງວ່າ ການຍົກລະດັບຄູ່ ດ່ານຊາຍແດນ ພຽງແຕ່ ເປັນການເລີ່ມຕົ້ນກໍຕາມ, ແຕ່ເຊື່ອໝັ້ນວ່າ ຈະສືບຕໍ່ ລົງທຶນກໍ່ສ້າງ ພື້ນຖານໂຄງລ່າງ, ບັນດາເງື່ອນໄຂຈຳເປັນ ເພື່ອເສີມຂະຫຍາຍ ສະມັດຕະພາບ ຂອງຄູ່ດ່ານຊາຍແດນນີ້ ຢ່າງສຸດຂີດ. ແລະ ປາດຖະໜາວ່າ:ສອງທ້ອງຖິ່ນ ຂອງ ສອງປະເທດ ຈະຍາດແຍ່ງທ່າດີ ຂອງການຍົກລະດັບ ຄູ່ດ່ານຊາຍແດນນີ້ຢ່າງມີປະສິດທິຜົນ ເພື່ອຮັບໃຊ້ ແກ່ການພັດທະນາ ເສດຖະກິດ ສັງຄົມຂອງທ້ອງຖິ່ນ, ປົວແປງ ຊີວິດການເປັນຢູ່ ຂອງປະຊາຊົນ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
