ຂປລ
ສະມາຄົມ ຜູ້ຜະລິດ ຍານພາຫະນະ ແຫ່ງປະເທດ ສປຈີນ ເປີດເຜີຍວ່າ: ສປຈີນ ໄດ້ຕິດຕັ້ງ້ ເສົາຊາກ ຍານພາຫະນະໄຟຟ້າ ເພີ່ມຂຶ້ນ ຫລາຍກວ່າ 4,22 ລ້ານເສົາ ໃນປີ 2024. ເຮັດໃຫ້ ສປຈີນ ມີປະລິມານເສົາຊາກ ທົ່ວປະເທດ ທັງໝົດ 12,82 ລ້ານເສົາ
ຂປລ. ສຳນັກຂ່າວ ຊິນຮວາ ຂອງ ສປຈີນ, ເມື່ອບໍ່ດົນມານີ້, ສະມາຄົມ ຜູ້ຜະລິດ ຍານພາຫະນະ ແຫ່ງປະເທດ ສປຈີນ ເປີດເຜີຍວ່າ: ສປຈີນ ໄດ້ຕິດຕັ້ງ້ ເສົາຊາກ ຍານພາຫະນະໄຟຟ້າ ເພີ່ມຂຶ້ນ ຫລາຍກວ່າ 4,22 ລ້ານເສົາ ໃນປີ 2024. ເຮັດໃຫ້ ສປຈີນ ມີປະລິມານເສົາຊາກ ທົ່ວປະເທດ ທັງໝົດ 12,82 ລ້ານເສົາ ໄລ່ເຖິງທ້າຍປີກາຍນີ້ , ເພີ່ມຂຶ້ນ 49,1% ເມື່ອທຽບໃສ່ປີຕໍ່ປີ.
ຕົວເລກ ດັ່ງກ່າວ ແບ່ງເປັນ ເສົາຊາກ ສາທາລະນະ ປະມານ 3,58 ລ້ານເສົາ ແລະ ເສົາຊາກ ສ່ວນຕົວ ເກືອບ 9,24 ລ້ານເສົາ . ໂດຍ ຈຳນວນເສົາຊາກ ທີ່ເພີ່ມຂຶ້ນ ເນື່ອງຈາກ ຄວາມຕ້ອງການ ຍານພາຫະນະ ພະລັງງານໃໝ່(NEV) ເພີ່ມສູງຂຶ້ນ ໃນສປຈີນ ໂດຍມີ ລວມຍອດ ການຜະລິດ ແລະ ຍອດຈຳໜ່າຍ ຍານພາຫະນະ ພະລັງງານໃໝ່ ບັນລຸ 12 ລ້ານຄັນ ໃນປີ 2024, ເຮັດໃຫ້ ສປຈີນ ຍັງສືບຕໍ່ຮັກສາ ຕຳແໜ່ງ ຕະຫລາດ ຍານພາຫະນະ ພະລັງງານໃໝ່ ຊັ້ນນຳຂອງໂລກ ຢ່າງຕິດຕໍ່ກັນ ເປັນປີທີ 10./
KPL
