ຂປລ
ສະຫະປະຊາຊາດ (ສປຊ) ຢັ້ງຢືນວ່າ ໄດ້ຮັບແຈ້ງການ ຈາກ ສ.ອາເມລິກາ ກ່ຽວກັບ ການຖອນຕົວ ອອກຈາກ ຂໍ້ຕົກລົງ ປາຣີ ດ້ານການປ່ຽນແປງ ຂອງ ດິນຟ້າອາກາດ
ຂປລ.ອ້າງຕາມ ສຳນັກຂ່າວ ວິທະຍຸກະຈາຍສຽງ ແຫ່ງຊາດ ຫວຽດນາມ, ເມື່ອບໍ່ດົນມານີ້, ສະຫະປະຊາຊາດ (ສປຊ) ຢັ້ງຢືນວ່າ ໄດ້ຮັບແຈ້ງການ ຈາກ ສ.ອາເມລິກາ ກ່ຽວກັບ ການຖອນຕົວ ອອກຈາກ ຂໍ້ຕົກລົງ ປາຣີ ດ້ານການປ່ຽນແປງ ຂອງ ດິນຟ້າອາກາດ, ເປັນໜຶ່ງ ໃນບັນດາ ຄຳໝັ້ນ ສັນຍາ ສຳຄັນ ໃນບັ້ນຫາສຽງ ເລືອກຕັ້ງ ຂອງ ທ່ານ ໂດນັນທຣຳ ປະທານາທິບໍດີ ສ.ອາເມລິກາ. ດັ່ງນັ້ນ ການຖອນຕົວ ຂອງ ສ.ອາເມລິກາ ຈະມີຜົນສັກສິດ ໃນວັນທີ 27 ມັງກອນ 2026.
ເມື່ອ ທ່ານ ໂດນັນທຣຳ ໄດ້ຮັບດຳລົງ ຕຳແໜ່ງ ປະທານາທິບໍດີ ອາຍຸການທີ 2, ໃນວັນທີ 20 ມັງກອນ, ທຳນຽບຂາວ ໄດ້ແຈ້ງໃຫ້ຮູ້ ອີກຄັ້ງໜຶ່ງວ່າ ສ.ອາເມລິກາ ຈະຖອນຕົວອອກຈາກ ຂໍ້ຕົກລົງ ວ່າດ້ວຍການປ່ຽນແປງ ຂອງດິນຟ້າອາກາດ ປາຣີ, ຂໍ້ຕົກລົງ ດັ່ງກ່າວ ໄດ້ເຮັດໃຫ້ ສ.ອາເມລິກາ ນອນໃນບັນຊີ ລາຍຊື່ ພ້ອມກັບ ອີຣານ, ລີບີ ແລະ ເຢແມນ ທີ່ບໍ່ເຂົ້າຮ່ວມ ຂໍ້ຕົກລົງ ປີ 2015, ໃນນັ້ນ ບັນດາ ລັດຖະບານ ໄດ້ເຫັນດີ ຄວບຄຸມ ລະດັບ ເພີ່ມອຸນຫະພຸມທົ່ວໂລກ ໃຫ້ຢູ່ໃນລະດັບ ຕ່ຳກວ່າ 1,5 ອົງສາ ເມື່ອທຽບໃສ່ໄລຍະ ກ່ອນອຸດສາຫະກຳ ເພື່ອຫລີກລ້ຽງ ບັນດາຜົນກະທົບ ທີ່ຮ້າຍແຮງທີ່ສຸດ ຂອງ ການປ່ຽນແປງ ດິນຟ້າອາກາດ. /
KPL
