ຂປລ
ອົງການ ວິໄຈ ອາວະກາດ ແຫ່ງອິນເດຍ ໄດ້ປະກາດ ຄວາມສຳເລັດ ໃນການປ່ອຍ ຈະຫລວດ ຈີເອັສແອລ ວີ-ເອຟ 15 (GSLV-F15) ຊຶ່ງບັນທຸກດາວທຽມນໍາທາງ ເອັນວີເອສ-02 (NVS-02) ຈາກ ຖານປ່ອຍ ຈະຫລວດ ໃນເກາະ ຄຣີຫຣີໂກ ໂດຍຕັ້ງຢູ່ແຄມຝັ່ງ ອ່າວເບງກໍລ
ຂປລ. ສຳນັກຂ່າວ ຊິນຮວາ ຂອງ ສປຈີນ, ວັນທີ 29 ມັງກອນຜ່ານມາ, ອົງການ ວິໄຈ ອາວະກາດ ແຫ່ງອິນເດຍ ໄດ້ປະກາດ ຄວາມສຳເລັດ ໃນການປ່ອຍ ຈະຫລວດ ຈີເອັສແອລວີ-ເອຟ 15 (GSLV-F15) ຊຶ່ງບັນທຸກດາວທຽມນໍາທາງ ເອັນວີເອສ-02 (NVS-02) ຈາກ ຖານປ່ອຍຈະຫລວດ ໃນເກາະ ຄຣີຫຣີໂກ ໂດຍຕັ້ງຢູ່ແຄມຝັ່ງ ອ່າວເບງກໍລ ໃນລັດອານທຳປະເທດ ທາງພາກໃຕ້ຂອງ ອິນເດຍ.
ການປ່ອຍຈະຫລວດ ໃນຄັ້ງນີ້ ເປັນການປ່ອຍຈະຫລວດ ຖ້ຽວທີ 100 ຈາກ ສູນອາວະກາດ ສາທິດທາວັນ ຢູ່ເກາະ ຄຣີຫຣີໂກ ຂອງ ອົງການ , ຫລັງຈາກ ມີການປ່ອຍ ຈະຫລວດ ເອສແອລວີ (SLV ) ເປັນ ຈະຫລວດຂະໜາດໃຫຍ່ ລຳທຳອິດ ເມື່ີອວັນທີ 10 ສິງຫາ 1979. ດາວທຽມ ເອັນວີເອສ-02 ຈະຊ່ວຍປັບປຸງບໍລິການ ລະບົບດາວທຽມ ນໍາທາງຂອງ ອິນເດຍ (NavIC ) ທີ່ໃຊ້ສຳລັບ ການນໍາທາງ, ການກະສິກຳ ດ້ານບໍລິການສຸກເສີນ, ການຈັດການກອງຍານ ລວມເຖິງ ການບໍລິການ ລະບຸຕຳແໜ່ງ ອຸປະກອນເຄື່ອນທີ່ ແລະ ອື່ນໆ./.
KPL
