ຂປລ
ທ່ານ ຣີຊາຣ ມາຣົລ ຮອງນາຍົກ ລັດຖະມົນຕີ ແລະ ລັດຖະມົນຕີ ກະຊວງ ປ້ອງກັນ ປະເທດ ອົດສະຕຣາລີ ແລະ ທ່ານ ໂຈທັມ ນາປັດ ນາຍົກ ລັດຖະມົນຕີ ວານູອາຕູ ໄດ້ອອກ ຖະແຫລງ ການຮວມກັນ ກ່ຽວກັບ ຂໍ້ຕົກລົງ ນາຄາມາລ ທີ່ ອົດສະຕຣາລີ ກຽມມອບ ການສະໜັບ ສະໜູນ ດ້ານຄວມໝັ້ນຄົງ
ຂປລ. ສຳນັກຂ່າວ ຕ່າງປະເທດ ລາຍງານ ຈາກເມືອງຊິດນີ ປະເທດ ອົດສະຕຣາລີ ເມື່ອວັນທີ 13 ສິງຫາວ່າ: ທ່ານ ຣີຊາຣ ມາຣົລ ຮອງນາຍົກ ລັດຖະມົນຕີ ແລະ ລັດຖະມົນຕີ ກະຊວງ ປ້ອງກັນ ປະເທດ ອົດສະຕຣາລີ ແລະ ທ່ານ ໂຈທັມ ນາປັດ ນາຍົກ ລັດຖະມົນຕີ ວານູອາຕູ ໄດ້ອອກ ຖະແຫລງ ການຮວມກັນ ກ່ຽວກັບ ຂໍ້ຕົກລົງ ນາຄາມາລ ທີ່ ອົດສະຕຣາລີ ກຽມມອບ ການສະໜັບ ສະໜູນ ດ້ານຄວມໝັ້ນຄົງ ແລະ ເສດຖະກິດ ໃຫ້ແກ່ວານູອາຕູ ລວມມູນຄ່າ 500 ລ້ານໂດລາ ອົດສະຕຣາລີ ພາຍໃນໄລຍະເວລາ 1 ທົດສະວັດຕໍ່ຈາກນີ້.
ໂດຍຜູ້ນຳ ທັງສອງ ຈະລົງນາມ ຮ່ວມກັນ ໃນຂໍ້ຕົກລົງ ດັ່ງກ່າວ ໃນໄວໆນີ້. ນອກຈາກ ການຮ່ວມມື ທາງດ້ານເສດຖະກິດ ແລະ ຄວາມໝັ້ນຄົງ, ຂໍ້ຕົດັ່ງກ່າວ ຈະລວມເຖິງ ການທີ່ອົດສະຕຣາລີ ມອບຄວາມ ຊ່ວຍເຫລືອ ດ້ານມະນຸດ ສະທຳ ໃຫ້ແກ່ ວານຸອາຕູ ທີ່ ພວມຜະເຊິນກັບ ແຜ່ນດິນໄຫວ ຄັ້ງຮຸນແຮງ ຢູ່ນະຄອນຫລວງ ວິລາ ທີ່ສົ່ງຜົນເຮັດໃຫ້ມີ ຜູ້ເສຍຊີວິດ ຢ່າງໜ້ອຍ 14 ຄົນ./
KPL
