ຂປລ
ກະຊວງ ການເງິນ ສ.ອາເມລິກາ ເປີດເຜີຍວ່າ: ຕົວເລກ ຂາດດຸນ ງົບປະມານ ຂະຫຍາຍຕົວ ສູ່ລະດັບສູງສຸດ ຄ້ັ້ງໃໝ່ ໃນໄລຍະເດືອນ ຕຸລາ-ເດືອນທັນວາ ທີ່ຜ່ານມາ ເນື່ອງຈາກ ການໃຊ້ຈ່າຍ ເພີ່ມຂຶ້ນ. ໂດຍຕົວເລກຂາດດຸນງົບປະມາຂອງ ສ.ອາເມລິກາ ຈຳນວນ 711.000 ລ້ານໂດລາສະຫະລັດ
ຂປລ.ສຳນັກຂ່າວ ເອເອຟພີ ລາຍງານ ຈາກນະຄອນຫລວງ ວໍຊິງຕັນ ປະເທດ ສ.ອາເມລິກາ ເມື່ອບໍ່ດົນມານີ້ວ່າ: ກະຊວງ ການເງິນ ສ.ອາເມລິກາ ເປີດເຜີຍວ່າ: ຕົວເລກ ຂາດດຸນ ງົບປະມານ ຂະຫຍາຍຕົວ ສູ່ລະດັບສູງສຸດ ຄ້ັ້ງໃໝ່ ໃນໄລຍະເດືອນ ຕຸລາ-ເດືອນທັນວາ ທີ່ຜ່ານມາ ເນື່ອງຈາກ ການໃຊ້ຈ່າຍ ເພີ່ມຂຶ້ນ. ໂດຍຕົວເລກຂາດດຸນງົບປະມາຂອງ ສ.ອາເມລິກາ ຈຳນວນ 711.000 ລ້ານໂດລາສະຫະລັດ ໃນໄລຍະທຳອິດ ຂອງ ສົກປີ ງົບປະມານ ໃໝ່ 2024-2025 ຊຶ່ງເລີ່ມ ແຕ່ວັນທີ 1 ຕຸລາ 2024 ແລະ ເພີ່ມຂຶ້ນ ຈາກ ປີຜ່ານເຖິງ 39% ຫລື 510.000 ລ້ານໂດລາສະຫະລັດ.
ໃນທາງກົງກັນຂ້າມ ການໃຊ້ຈ່າຍ ຂອງ ພາກລັດ ຈຳນວນ 1,8 ພັນຕື້ໂດລາສະຫະລັດ, ເພີ່ມຂຶ້ນເຖິງ 11% ເປັນຄັ້ງທຳອິດ ລວມເຖິງ ການໃຊ້ຈ່າຍ ໃນໝວດໝູ່ຕ່າງໆ ເຊັ່ນ: ແຜນປະກັນສຸຂະພາບ ແລະ ການປ້ອງກັນປະເທດ. ໃນຂະນະດຽວກັນ ຄ່າໃຊ້ຈ່າຍ 33 ຕື້ໂດລາສະຫະລັດ ແມ່ນມາຈາກ ອັດຕາດອກເບ້ຍ ສາທາລະນະ ເປັນຕົວເລກ ເພີ່ມຂຶ້ນ ໃນຊຸມປີຜ່ານມາ. ຢ່າງໃດກໍ່ຕາມ ຄ່າໃຊ້ຈ່າຍ ດ້ານຄວາມໝັ້ນຄົງ ພາຍໃນ ປະເທດ ເພີ່ມຂຶ້ນ ຫລັງຈາກ ພະຍຸເຮີຣີເຄນ ພັດຖະຫລົ່ມ ເມື່ອທ້າຍປີ 2024./.
KPL
