ຂປລ
ກະຊວງ ໂຍທາທິການ ແລະ ຂົນສົ່ງ ຂອງ ກຳປູເຈຍ ລາຍງານວ່າ: ກຳປູເຈຍ ຈົດທະບຽນ ລົດໄຟຟ້າ (EV) ລວມມີ 2.253 ຄັນ ໃນປີ 2024 ເພີ່ມຂຶ້ນເຖິງ 620% ຈາກຕົວເລກ 313 ຄັນ ໃນປີກ່ອນໜ້ານີ້.
ຂປລ. ສຳນັກຂ່າວ ຊິນຮວາ ຂອງ ສປຈີນ, ກະຊວງ ໂຍທາທິການ ແລະ ຂົນສົ່ງ ຂອງ ກຳປູເຈຍ ລາຍງານວ່າ: ກຳປູເຈຍ ຈົດທະບຽນ ລົດໄຟຟ້າ (EV) ລວມມີ 2.253 ຄັນ ໃນປີ 2024 ເພີ່ມຂຶ້ນເຖິງ 620% ຈາກຕົວເລກ 313 ຄັນ ໃນປີກ່ອນໜ້ານີ້.
ໂດຍລົດໄຟຟ້າ 3 ລຸ້ນ ທີ່ໄດ້ຮັບຄວາມນິຍົມ ຫລາຍທີ່ສຸດ ໃນກຳປູເຈຍ ໄດ້ແກ່: ບີວາຍດີ (BYD) ຂອງ ສປຈີນ ,ໂຕໂຢຕ້າ (Toyota) ຂອງ ຍີ່ປຸ່ນ ແລະ ເທສລາ (Tesla) ຂອງ ສ.ອາເມລິກາ . ໃນຂະນະທີ່ ລົດໄຟຟ້າໄດ້ຮັບຄວາມນິຍົມ ເພີ່ມຂຶ້ນຫລາຍ ໃນກຳປູເຈຍ ແລະ ມີສະຖານີ ສາກໄຟຟ້າ 21 ແຫ່ງ, ພ້ອມທັງ ມີເປົ້າໝາຍ ເພີ່ມຈຳນວນ ລົດອີວີ ບັນລຸ 30.000 ຄັນ ໃນປີ 2030 , ເນື່ອງຈາກ ການໃຊ້ງານ ລົດປະເພດນີ້ ຊ່ວຍປະຢັດຄ່າໃຊ້ຈ່າຍ ດ້ານເຊື້ອໄຟ, ປ່ອຍແກັສ ເຮືອນແກ້ວຕໍ່າ ຫລື ເປັນສູນ ລວມທັງ ມີສ່ວນສຳຄັນ ໃນການ ຫລຸດຜົນກະທົບ ຈາກແກັສກາກບອນ ໄດອອກໄຊ ຂອງ ລົດໃຫຍ່ ທີ່ໃຊ້ນໍ້າມັນ-ກະຊວນ./
KPL
