ຂປລ
ສະໜາມບິນ ສາກົນ ຊາງງີ ຂອງ ສິງກະໂປ ລາຍງານວ່າ: ສປຈີນ ກາຍເປັນ ຕະຫລາດ ຕົ້ນທາງ ຂະໜາດໃຫຍ່ທີ່ສຸດ ຂອງ ສະໜາມບິນ ສາກົນ ຊາງງີ ເມື່ອປີ 2024, ໂດຍ ປະລິມານ ການຂົນສົ່ງ ຜູ້ໂດຍສານ ໄດ້ເພີ່ມຂຶ້ນເກືອບ ສອງເທົ່າ ຈາກ ປີ 2023 ແລະ ເພີ່ມຂຶ້ນ 6%
ຂປລ. ສຳນັກຂ່າວ ຊິນຮວາ ຂອງ ສປຈີນ. ເມື່ອບໍ່ດົນມານີ້, ສະໜາມບິນ ສາກົນ ຊາງງີ ຂອງ ສິງກະໂປ ລາຍງານວ່າ: ສປຈີນ ກາຍເປັນ ຕະຫລາດ ຕົ້ນທາງ ຂະໜາດໃຫຍ່ທີ່ສຸດ ຂອງ ສະໜາມບິນ ສາກົນ ຊາງງີ ເມື່ອປີ 2024, ໂດຍ ປະລິມານ ການຂົນສົ່ງ ຜູ້ໂດຍສານ ໄດ້ເພີ່ມຂຶ້ນເກືອບ ສອງເທົ່າ ຈາກ ປີ 2023 ແລະ ເພີ່ມຂຶ້ນ 6% ເມື່ອທຽບໃສ່ ໄລຍະກ່ອນເກີດ ການແພ່ ລະບາດ ຂອງ ພະຍາດ ໂຄວິດ-19.
ສະນັ້ນ ຜູ້ໂດຍສານ ສປຈີນ ຈັດຢູ່ໃນ 5 ອັນດັບ ທຳອິດ ຂອງ ສະໜາມບິນ ດັ່ງກ່າວ ຖັດຈາກ ອິນໂດເນເຊຍ, ມາເລເຊຍ, ອົດສະຕຣາລີ ແລະ ໄທ. ໂດຍສະໜາມບິນ ສາກົນນີ້ ໄດ້ຮັບຮອງ ການຂົນສົ່ງ ຜູ້ໂດຍສານໃນປີ 2024 ລວມມີ 67,7 ລ້ານເທື່ອຄົນ, ເພີ່ມຂຶ້ນ 14,8% ເມື່ອທຽບປີຕໍ່ປີ ແລະ ກວມເອົາ 99,1% ຂອງ ປະລິມານ ການຂົນສົ່ງ ຜູ້ໂດຍສານ ໃນປີ 2019 . ໂດຍສະເພາະ ເດືອນທັນວາ ປີ 2024 ເປັນເດືອນ ທີ່ມີ ປະລິມານ ການຂົນສົ່ງ ຜູ້ໂດຍສານຫລາຍທີ່ສຸດ ປະມານ 6,4 ລ້ານເທື່ອຄົນ. ນີ້ເປັນຄັ້ງທຳອິດ ທີ່ ປະລິມານ ການສົ່ງ ຜູ້ໂດຍສານ ລາຍເດືອນ ເພີ່ມຂຶ້ນສູງກວ່າ 6 ລ້ານເທື່ອຄົນ ນັບແຕ່ເດືອນທັນວາປີ 2019 ຜ່ານມາ. /
KPL
