ຂປລ
ສຳນັກງານສະຖິຕິ ແຫ່ງຊາດຈີນ ເປີດເຜີຍວ່າ: ປີ 2024, ຜົນກຳໄລລວມ ຂອງ ກຸ່ມຜູ້ປະກອບການ ທຸລະກິດ ດ້ານອຸດສາຫະກຳ ຂະໜາດໃຫຍ່ ໃນສປຈີນ ລວມມີຫລາຍກວ່າ 7,46 ພັນຕື້ຢວນ ຫລຸດລົງ 3,3% ເມື່ອທຽບປີຕໍ່ປີ
ຂປລ. ສຳນັກຂ່າວ ຊິນຮວາ ຂອງ ສປຈີນ, ເມື່ອບໍ່ດົນມານີ້, ສຳນັກງານສະຖິຕິ ແຫ່ງຊາດຈີນ ເປີດເຜີຍວ່າ: ປີ 2024, ຜົນກຳໄລລວມ ຂອງ ກຸ່ມຜູ້ປະກອບການ ທຸລະກິດ ດ້ານອຸດສາຫະກຳ ຂະໜາດໃຫຍ່ ໃນສປຈີນ ລວມມີຫລາຍກວ່າ 7,46 ພັນຕື້ຢວນ ຫລຸດລົງ 3,3% ເມື່ອທຽບປີຕໍ່ປີ, ແຕ່ຜົນກຳໄລ ເດືອນທັນວາ ປິ2024 ເພີ່ມຂຶ້ນ 11% ເມື່ອທຽບປີຕໍ່ປີ.
ຕົວເລກດັ່ງກ່າວ ເພີ່ມຂຶ້ນ ເນື່ອງຈາກ ຈີນ ໄດ້ດຳເນີນຕາມ ມາດຕະການ ເພີ່ມຕື່ມ, ສ່ວນລາຍໄດ້ ຂອງບໍລິສັດ ທີ່ຫລຸດລົງ ໃນໄຕມາດ 4 (ເດືອນຕຸລາ-ເດືອນທັນວາ) ມີການຢຸດຈຶ້ງ ເມື່ອທຽບກັບໄຕມາດ 3 (ເດືອນກໍລະ ກົດ-ເດືອນກັນຍາ) ຂອງປີ 2024. ປັດຈຸບັນ, ອຸດສາຫະກຳ ການຜະລິດ ເຕັກໂນໂລຊີຂັ້ນສູງ ກາຍເປັນຕົວຂັບເຄື່ອນ ການເຕີບໂຕ ທີ່ສຳຄັນ ໃນປີ 2024, ເຮັດໃຫ້ຜົນກຳໄລ ເພີ່ມຂຶ້ນ 4,5% ເມື່ອທຽບໃສ່ ປີ 2023 . ນອກນັ້ນ, ການຜະລິດ ອັດສະລີຍະ ໄດ້ເນັ້ນໃສ່ ເຕັກໂນໂລຊີ ຂັ້ນສູງ ແລະ ເປັນມິດຕໍ່ ສິ່ງແວດລ້ອມ ໄດ້ມີຜົນກຳໄລ ເຕີບໂຕ ດ້ວຍອັດຕາທີ່ວ່ອງໄວຂຶ້ນ. ຂະນະທີ່ ພາກສ່ວນ ການຜະລິດ ອຸປະກອນ ຍັງສືບຕໍ່ ເປັນຮາກຖານ ສຳຄັນໃນປີ 2024 ໂດຍ 5 ໃນ 8 ຂອງ ອຸດສາຫະກຳ ໃນກຸ່ມນີ້ ມີຜົນກຳໄລ ເພີ່ມຂຶ້ນ ເມື່ອທຽບປີຕໍ່ປີ. /
KPL
