ຂປລ
ນັບແຕ່ນີ້ ເປັນຕົ້ນໄປ ບັນດາ ນັກລົງທຶນ ຕ່າງປະເທດ ຈະໄດ້ຮັບ ອະນຸຍາດ ໃຫ້ເຂົ້າມາ ຈົດທະບຽນ ເປັນເຈົ້າຂອງ ຊັບສິນ ໃນເມືອງເມກະ ແລະ ເມືອງເມດິນາ ຊຶ່ງເປັນເມືອງ ສັກສິດທີ່ສຸດ 2 ແຫ່ງ ຂອງ ສາສະໜາ ອິສລາມ.
ຂປລ. ສຳນັກຂ່າວ ເອເອຟພີ ລາຍງານ ຈາກ ນະຄອນຫລວງ ຣິຢັດ ປະເທດ ອາຣັບບີ ຊາອຸດິດ ເມື່ອວັນທີ 28 ມັງກອນ 2025, ທາງການ ອາຣັບບີ ຊາອຸດິດ ປະກາດວ່າ: ນັບແຕ່ນີ້ ເປັນຕົ້ນໄປ ບັນດາ ນັກລົງທຶນ ຕ່າງປະເທດ ຈະໄດ້ຮັບ ອະນຸຍາດ ໃຫ້ເຂົ້າມາ ຈົດທະບຽນ ເປັນເຈົ້າຂອງ ຊັບສິນ ໃນເມືອງເມກະ ແລະ ເມືອງເມດິນາ ຊຶ່ງເປັນເມືອງ ສັກສິດທີ່ສຸດ 2 ແຫ່ງ ຂອງ ສາສະໜາ ອິສລາມ.
ໂດຍ ສຳນັກງານ ຕະຫລາດທຶນ (ຊີເອັມເອ) ຂອງ ອາຣັບບີ ຊາອຸດິດ ລະບຸວ່າ ການຕັດສິນ ດັ່ງກ່າວ ມີເປົ້າໝາຍ ເພື່ອກະຕຸ້ນ ການລົງທຶນ ລວມເຖິງ ການເສີມສ້າງ ຄວາມສາມາດ ໃນການ ແຂ່ງຂັນ ລະດັບ ພາກພື້ນ ແລະ ນານາຊາດ ຄຽງຄູ່ກັບ ການສະໜັບ ສະໜູນ ເສດຖະກິດ ທ້ອງຖິ່ນ. ບັນດາ ນັກລົງທຶນດັ່ງກ່າວ ຈະຖືກຈຳກັດສະເພາະຫຸ້ນ ຂອງ ບໍລິສັດ ທີ່ ຈົດທະບຽນ ຢູ່ໃນຕະຫລາດທຶນ ຂອງ ອາຣັບບີ ຊາອຸດິດ, ຕຣາສານໜີ້ ແປງສະພາບ ( convertible bond) ຫລື ທັງສອງຢ່າງ ຊີເອັມໄອ. ຢ່າງໃດກໍ່ຕາມ ສຳນັກງານ ກ່ຽວຂ້ອງ ລະບຸວ່າ ການເປັນເຈົ້າຂອງ ໂດຍຜູ້ທີ່ບໍ່ແມ່ນ ຊາວອາຣັບບີ ຊາອຸດິດ ບໍ່ສາມາດ ມິສ່ວນແບ່ງ ເກີນ 49%ໄດ້. /
KPL
